[開心速遞]熊若水龔燁 供水線集中討論區（13）

冇辦法啦
鬼叫阿龔成日收收埋埋唔肯將脆弱一面展露畀阿水，如果要佢哋真正交心，好可能就要靠呢啲大事件先令阿龔卸下防禦

唔怪之得佐治咁驚啦

追晒po 雖然好多但睇得好開心一路睇一路
首先講下今集，好開心短短一段龔水湊B可以拍得咁甜 哄埋去嗰度比琴晚仲要近 之後合拍咁捱後坐同吓真係夾到痹

至於而家龔水關係，雖然無好白咁解返上次no.1放飛機單嘢，但係阿水經過初雪同no.1呢兩集再去到琴晚嗰集對阿龔嘅信任係升到前所未有，諗返阿龔剛返嚟嗰陣就呃水話瞓街，之後經過好多集先建立到而家嘅呢種信任，不過始終有傑叔呢個結令阿龔唔肯行前一步，不過既然唔行就真係建議唔好再玩咁多假表白。如果想派甜好似今集咁或者用FF都得，未突破到心理關口咪keep返而家咁樣先囉，好過成日提三個字但又唔係真表白，雖然我FF過有一次嘅三個字阿水終於頂唔順佢開口先然後就一齊咗
另外需要再講多啲阿水對阿龔嘅內心睇法，起碼被人感覺唔單係義氣仔女嗰種態度，比阿水意識到原來對阿龔已經超越朋友或者好同事嘅關係，咁樣先再正式一齊會合理好多。
因為鐘意睇龔水先咁肉緊，睇完又睇然後再去分析，龔水有條件係可以寫得好好，就睇下之後嘅編排會係點處理。

諗諗下，嚴格嚟講其實嗰三個字都講過架喎

點解可以去得咁快
你地唔洗訓

今朝一睇就去咗幾頁

去完個旅行 供水劇情變咗天

話晒sit com, 唔好虐得咁緊要
話時話, 大女婿同二女婿好似未見過面, 如果有一集, 大家姐頂唔順佢兩個成日係到曖曖昧昧(好似安Bon咁), 出手攪攪佢都好正, 又咁啱佢未見過潮生, 而潮生又咁啱係水水鍾意類型, 叫潮生扮追水水, 等阿龔即刻告白

今日同二房一齊, 咁龔水如果係埋一齊都係玩地下情 , 係公司玩地下情, 離開公司就玩地上情, 都好過癮

都未知到時一齊左未

初三都上熊家拜年, 又一齊去左搵龔友拜年, 堅信已經一齊左

+1
不過地下情嘅話，
會唔會好快俾阿叔爆響口

仲要無近視
睇黎要拍多集龔燁大鑊了

唔知邊集會一齊到呢
38x 好似有集叫水的xx
會唔會係嗰集

仲要一嚟就見阿水同潮生勁熟勁好傾
同熊家又勁fd
潮生都係差個k字啫
其求幫佢整個臨時嘅英文名就可以

最後可能星期五去農場就一齊了

應該唔會掛
農場應該又係群戲多

嗰集真係《龔燁真的大鑊了》

好正

點解又可以推到咁快？
信唔信我叫大小姐出一千封比你地呢班偷懶人士