[開心速遞]熊若水龔燁 供水線集中討論區（13）

我地都好想睇到你同mary一齊㗎！加油！

用把咁温柔嘅聲，就算笑我肥都嬲唔落啦

btw 點解呢排mytv9per會有外置字幕嚿嘢
仲要淨係tran到英文

所有諗法都從自己角度出發，我認為我覺得我相信，唔會去理解對方立場，通常呢種人會孤獨終老

希望阿水教識阿工，愛情係兩個人嘅事，要互相分享、互相分擔

可能阿may都係因為咁先飛咗佢
阿龔喺愛情上太有自信，可能係因為佢覺得自己睇透咗阿水為人，所以佢從自己角度出發為阿水考量埋，同埋以自己嘅理解解讀阿水心思，好似選戰阿水喺大堂話幫佢手，佢就即刻話肯定係阿水唔忍心佢一個人揹鑊咁
要阿水教識阿龔呢樣嘢，我諗都要等佢哋一齊咗之後先有機會
不過唔知佢哋幾時先一齊

佢地嘅行為完全係我同男朋友係到鬥嘴會做嘅野

隻手縮嚟縮去都係
感覺無拍到嘅行去食店嗰段路
都會再loop呢樣嘢

其實今集嚴格來説
都唔係太龔水主線

頭先再睇番佢講完我靚仔個段playback又覺得水水個下類似嘆氣俾我感覺唔似係嚇親然後鬆左口氣 我反而覺得有啲似係頂你唔順冇你符個種唉咁 然後個句食蕉連皮啦你都有少少個種感覺 有啲似叫男朋友食屎啦你個種feel
唔知有冇人同我有同一個感覺

我反而覺得有啲似係頂你唔順冇你符個種唉咁


Agger

+2
等睇農莊嗰集會點
梗係覺會有丁多發展

首先期待左聽晚湊b先

期待緊龔生會帶咩上去謝罪

其實噚日都有小小擔心，因為預告播龔水主題曲Only one，每次播親都唔好，好彩睇晒全集都無播 ，仲咁甜

我仍然覺得阿龔如果唔想開始呢段關係，就應該放手，唔好久唔久去“了”吓人..

應該要直接做返普通同事…唔好成日三個字三個字咁搞到對方心慌意亂…尤其當你明知對方對自己有些微意思…

連安仔都知女人青春有限，你俾唔到幸福人/唔知幾時俾到幸福人，不如放手啦…

一係你就坦坦白白同阿水講自己個情況，等阿水自己決定要唔要等你，或者介唔介意自己唔係no.1.…

唉，阿龔呀，你爭氣啲啦…

如果無咗龔燁的no.1果集, 呢一集make sense好多…

都係果個老問題
阿龔係好明顯有意思
阿水都係
但龔生對阿傑叔有著更大嘅意思

所以
傑叔可以快啲出現嘛

因為呢個耽誤人家阿水呢個位
確實係好唔得

撇除劇情上嘅唔連貫，最後d2 place出面嗰幕真係甜到不得了
首先阿龔勁溫柔嘅語氣，同埋眼泛淚光嘅眼神真係好sweet，阿水挨義氣幫佢頂聖誕老人個位喺阿龔心目中真係雙下巴天使顯現moment
阿水另一方面態度都同以前小學雞鬥氣有少少唔同，好似多咗份打情罵俏喺入面，尤其係嗰句食蕉連皮
同埋最後叫阿龔扶佢嗰度好似女朋友爹男朋友咁
阿龔隻手伸下縮下又成個少男咁，加上阿蟹同stanley將呢份盡在不言中嘅情緒詮釋得好，真係好有曖昧嘅青春感
宜家一路loop住呢幕一路等聽日湊b放閃

其實劇情上嘅唔連貫
不嬲都係sit com 缺點

我覺得開心速遞已經將呢個缺點盡量減到最低...
不過都希望編劇可以再執執佢
先有進步嫁嘛

另外龔友雖然話只係高血壓入院，不過佢腦退化病情好似嚴重咗
前一句先問阿龔聖誕節唔係要開工點解會喺度，下一句就問今日係咩日子
阿龔都好似習慣咗咁照答返佢今日係聖誕
呢個位其實有少少虐
睇住阿爸狀態越嚟越差個心應該會好辛苦，希望下次阿爸再出事嘅時候阿水可以發揮雙下巴天使能力喺身邊扶持下阿龔

都係嘅
有時我覺得我哋對呢條線嘅預期已經超出咗一般對處境劇嘅預期
不過咁係代表呢條線之前真係開得好靚同演員做得出色，觀眾不知不覺間都開始對呢條線有高期望
劇組嘅大家唔好有太大壓力，繼續努力，我哋會一直追呢條線㗎

其實有時真係覺對套得20分鐘嘅處景劇嚟講，要求太多
有時唔連嘅，同自己講無拍到出嚟啫

阿爸個病惡化都仲記得阿may
龔友啲記憶真係好跳脫

二十分鐘又真係唔可以要求咁多
而且人多唔可能次次俾佢地玩上下集
咁分薄啲資源會俾其他線嘅fans仇視

不過連戲部份算係咁
唔知係咪班編劇mon得網上討論多
見啲人成日會翻兜問起之前啲嘢去咗邊所以而加好多嘢都會連得返

其實我覺得22分鐘做到咁既效果已經好厲害架啦
同埋之前stanley 都講過，就初雪既嗰一集 拍既量明明係可以塞夠兩集
但係最後只可以cut埋一集放出街
而no.1 同埋今集可能都有咁既狀況，可能好多野其實有提及返 有連貫既，但係就因為要cut埋做一集先至搞到而家咁
呢一個可能就係sit com既一個小缺憾，同樣係一個無可避免既問題。
所以我認為而家龔水線其實已經做得唔錯，睇得出製作組都有不停咁接受我地既意見，製作得已經好用心。