[開心速遞]熊若水龔燁 供水線集中討論區（13）

日劇mode

收到
趁放假等我將主線由頭睇一次數下先，大家做好心理準備未

不得不讚最後喺d2 place出面眼泛淚光嘅阿龔望著阿水嘅眼神又心痛又寵溺
雖然交代得有啲虎頭蛇尾不過最後回復平日小打小鬧咁真係太好啦，好耐都冇試過喺劇度見到佢哋毫無顧慮咁小學雞鬥氣

今集係唔係終於表白成功？

日劇跑襯返佢個人咁日系

係囉 佢話大家係好同事 好似真係縮返入嗰殼
同埋 佢聽到阿龔講三個字 初頭反應係嚇親
後來聽到「我…靚仔」之後似乎係鬆咗口氣 又覺得好笑
我諗佢一時都唔會好似之前兩集咁對表白有所期待
可能想大家做返好同事先 我本身幾驚阿水已經心死 諗住做普通同事就算
不過見佢今集起大小姐面前處處維護阿龔 又咁信佢
應該係想慢慢發展 又restart

阿龔愈嚟愈沉船
個語氣溫柔到

坦白講，今集工水關係嘅轉變處理得好粗疏好敷衍，所有發展都理由當然，為劇情需要服務，編劇連理由都懶得交代，但我真係無投訴，與其強行解釋上集個爛尾，不如壯士斷臂，提都費是

今集唯一嘅作用係：重啟工水線，然後move on

其實我覺得真表白唔講三個字仲好
好多時表白都係一時衝動
可能係水水某個moment感動到龔生而令佢直接拖起水水隻手/攬住水水

三個字留返小學雞鬥氣算

結論就係前兩集好似為咗等佢兩個可以restart繼續拖落去而寫咁
好似潮善咁，
初雪或者再早啲就已經一齊，
之後發現龔燁有好多嘢瞞住阿水或者成日一個人攬哂上身，阿水好唔滿意咁嘅關係所以冷戰或者分手，
再之後先複合返會唔會好過而加咁無限輪迴

好多字好難追post

其實今集之後我有啲唔明阿水諗咩
之前可以理解係當阿龔被懷疑背叛大房嘅時候佢依然百般維護，點知阿龔轉頭去幫二房跟呢個project，佢有畀阿龔背叛信任嘅失落
加上喺表明心跡呢啲重要時候放飛機再加埋個hurt到盡嘅message，其實應該係失望透頂，而呢個情緒喺前半部都有貫徹（阿龔一問嘢就即刻轉開，話時話阿龔竟然問人哋佢篩啲麵粉點 ）
後半部大小姐為阿龔澄清之後算係洗清阿龔嫌疑，阿水唔會再覺得被背叛，對阿龔態度好轉都係情理之中
但問題係點解會由之前聽到表明心跡之後嘅興奮又倒退返去堅持佢哋係「好同事」
對一個男仔嘅表白有期待即係佢內心已經承認係鍾意佢，而454、463阻礙佢哋心意互通就係信任，而呢個問題都喺呢集解決咗，照道理佢應該係會對阿龔嗰三個字有期待/敢聽，但係睇佢嘅反應又似係唔想/敢聽
當然一個女仔畀人咁拒絕完想慢慢嚟係正常不過，但係今集冇任何內心戲去表現佢呢個諗法，另外佢嘅態度亦好快變返哈爾濱前咁，令觀眾感覺唔到點解佢會由好期待阿龔表白變返以前咁辯稱兩個係好同事，麻雀王嗰集阿水都起碼話「你敢講，我咁聽」啦
呢集要交代太多嘢，加上前半基本上係公司戲，所以細節上處理得不如以前嘅主線，講真有種經唔起推敲嘅感覺
不過大部分睇處境劇嘅人都唔會在意呢啲細節嘅，應該係我太吹毛求疵
可能係陳可兒寫呢集有少少失準啦，不過都交過愛情當入樽呢啲高質集數，所以我對編劇你哋依然有信心㗎，加油

前兩集暴走咗 一下子行太快
宜家嗰節奏拖返慢

分分合合已經有幾pair用過 KC Helen 安bon 潮善
如果處理得唔好驚會變到好似KC佢哋咁 大家寧願佢哋唔一齊 各自安好算
但我都同意 可以一齊咗先 阿龔嘅心結/往事再拉返出來講 虐好多
一齊咗其實大把嘢可以寫

鬼叫set死咗龔燁唔報仇唔事業有成就唔拍拖咩
宜家搞到打哂死結 不停兜圈 只可以慢慢解

嗱再嚟一個冇獎問答遊戲
龔水會否步賞昇戀後塵
會
不會

事業有成...
我成日都覺得
係要拖下時間嘅excuse

嗰兩集有種趕住表白等有女陪過節嘅感覺
分分合合定而加咁都俾觀眾覺得拖緊
但之前有啲太快一齊又令人覺得奇怪
唯一一對去得自然好似真係得蓮輝

寫佢地一齊去面對龔燁嘅過去好過而加佢咁樣
希望龔燁快啲可以明白同理解到其實愛情同事業係可以並存

阿龔哄埋去水水度嗰下，我有一絲期待佢會攬住佢⋯
結果都係恨鐵不成鋼
下次表白真係用行動證明唔好講咁多算
龔生成日講多錯多

處境劇缺點
不過講真開心速遞係連戲上算係唔錯嫁啦

但編劇
你再咁拖落去
會有反效果
你要注意一下呢點

佢今集最後背影好似係想攬但係最後又縮咗手冇攬到，咁冇膽㗎
以阿龔咁唔開竅
可能要有人教佢點做或者要點明呢個時候要攬住阿水，佢先可能有少少膽肯攬住佢

期待+1
但諗深一層，今次見人地原諒自己，
就即話扶人地攬腰，
俾阿水話，縮返再試多次攬人腰，
對少年龔嚟講已經好大勇氣同嘗試架啦
仲要Ivan提先追出去

佢學到偶像劇橋段都當佢贏啦
結果我贏咗

其實阿水面對愛情有勇氣過阿工好多，阿工只係享受單方面付出嘅自我滿足，但當要佢直接面對對方嘅要求，阿工有千萬種理由去逃避

要突破兩個人嘅關係，阿水可能要學Blair霸氣表白：Three words, eight letters, say it, and I"m yours

唔攬上去唯有當佢真係好紳士純情
唔行偶像劇入面啲霸道總裁路線
比較真實啲嘅 驚阿水唔鐘意 因為阿水推開過佢

其實佢已經好大膽
啱啱女神先睬返自己佢就諗住攬埋腰
係抵俾人鬧嘅
真係以為靚仔就大哂呀
靚仔都要食檸檬㗎

覺得阿水會掐住龔燁塊面嚟迫佢表白

佢一直唔肯面對阿水/愛情可能同佢放唔低阿爸同過去有關，畢竟愛情唔係佢no.1
某程度上佢一味享受單方面付出都係建基於佢對自己同阿水有信心，甚至可以話喺愛情上有啲傲慢，佢知道阿水唔會移情別戀，同埋覺得自己可以趕走阿水身邊所有狂蜂浪蝶，所以一直心安理得咁背後付出，加上可能以前食過檸檬，更加唔敢輕舉妄動，情願保持原狀，所以454同463係咩事做咩忽然暴走話要表白
不過佢哋感情一有危機阿龔就會慌張咁宣示主權，好似真命騙子嗰集咁即刻狗衝去阻婚，所以佢一直想保持原狀都係基於佢知道佢同阿水關係四平八穩，佢唔洗心急