[開心速遞]熊若水龔燁 供水線集中討論區（11） 媽呢空的OnlyOne

咁係佢地演員嘅角度
就算有方向應該唔會爆出嚟

特別想重點講最後阿龔嘅獨白
原文係：「原來我唔係一個可以將你放喺第一位嘅男人，sorry」
大家要記得佢講呢句說話嘅時候係知道阿水期待佢表白㗎，即係話佢知道呢句會幾hurt阿水，但係佢都要講，呢度我覺得阿龔係想同阿水坦白講先唔直接（佢想做到阿水要佢真誠相待嘅要求）
同埋可以留意用詞「以為」，即係話佢曾經覺得自己係可以放阿水喺第一位，宜家佢係親自承認自己曾經天真地諗過愛情大過天，試代入阿龔呢個咁鍾意收收埋埋嘅人，要自己刮開自己無能嘅一面出嚟畀心愛嘅女人睇，可想而知有幾咁hurt
再加上，阿龔係知道阿水都鍾意佢，更知道呢句話對阿水嘅傷害係會幾大，聽嗰個痛，但係講嗰個仲痛呀 明明自己咁鍾意阿水，明明自己差一啲就可以表明心跡，宜家因為不得已嘅選擇要狠下心拋低自己珍而重之嘅女人同愛情
同埋講嗰句嘅語氣...我做觀眾聽到都覺得好壓抑

會唔會呀龔去哈爾濱時呀爸又失蹤
之後老人院打唔到俾呀龔就打左俾水水
搵翻時呀爸無啦啦清醒/姑娘解釋翻前幾日呀龔搵左呀爸成日

而家愈諗愈覺得阿龔真係好慘呀頂!!!!!!

ff一個水感動龔嘅後續 :
龔去咗哈爾濱期間，龔友又走甩咗，姑娘唔知搵邊個好，唯有搵水。水雖然仲嬲緊但事關龔爸爸，所以佢都好上心搵返龔友。龔聽到爸爸出事連夜趕機回港，見到若水安置好爸爸同係龔友床邊累到訓著咗。見自己咁辜負同hurt到若水但佢仲幫自己守護龔友，大受感動。從此認定阿水，非卿不娶

坦白講，要人無條件等你好撚自私，曾經有人咁同我講，我同也不回離場，覺得哀莫大於心死

啱啱打緊個ff時同你諗嘅野一樣

你分析得好好呀
睇完你分析
真係好心痛 鄧阿龔心痛

真心呢度覺得好sad，個心好似少咗幾忽肉

阿龔最慘係當佢傷心無助嘅時候身邊之後一個失常嘅阿爸，根本冇人可以同佢分擔
阿水都畀阿龔hurt到好盡，滿腹期望點知阿龔冷淡一句嚟唔到就算，係我都會覺得莫名其妙，呢種反差先令阿水跌得咁深，跌得咁痛
但係佢當時起碼仲有全家陪伴，而阿龔呢，就得一個要佢照顧嘅阿爸咋...

真係除左呢條路 就諗唔到其他出路
仲要阿水知道一切主動關心阿龔先得
阿龔都講到放棄阿水咁款 好難叫佢做主動
真係諗到既唯一出路

我曾經年少無知，自私
覺得如果對方愛我
佢就會等我 所以叫對方等
最後佢話無信心等咁耐
初戀就咁無疾而終

呢份遺憾睇住龔水又好似經歷多次咁
希望佢地結局不一樣

屌本來我心情好翻啲
睇完你地啲留言
我又好想

https://www.youtube.com/watch?v=OcmJ7PY5dgw
個mv好正, 胡鴻均隻太難開始好好聽啊, 同公水好夾

係阿龔身上睇
阿龔係的確好慘
佢受傷嘅程度係不比阿水低
但我都絕對會覺得
阿龔物撚嘢都唔講
係自私嘅行為

特別想重點講最後阿龔嘅獨白
原文係：「原來我唔係一個可以將你放喺第一位嘅男人，sorry」
大家要記得佢講呢句說話嘅時候係知道阿水期待佢表白㗎，即係話佢知道呢句會幾hurt阿水，但係佢都要講，呢度我覺得阿龔係想同阿水坦白講先唔直接（佢想做到阿水要佢真誠相待嘅要求）
同埋可以留意用詞「原來」，即係話佢曾經覺得自己係可以放阿水喺第一位，宜家佢係親自承認自己曾經天真地諗過愛情大過天，試代入阿龔呢個咁鍾意收收埋埋嘅人，要自己刮開自己無能嘅一面出嚟畀心愛嘅女人睇，可想而知有幾咁hurt
再加上，阿龔係知道阿水都鍾意佢，更知道呢句話對阿水嘅傷害係會幾大，聽嗰個痛，但係講嗰個仲痛呀 明明自己咁鍾意阿水，明明自己差一啲就可以表明心跡，宜家因為不得已嘅選擇要狠下心拋低自己珍而重之嘅女人同愛情
同埋講嗰句嘅語氣...我做觀眾聽到都覺得好壓抑

係「原來」唔係「以為」
翻睇完463兩次之後睇到有少少神不守舍
自隊一打膠

其實呢集係值得翻睇㗎，大家hurt完又做好預防措施不妨翻去睇返

現實就知冇可能
就係戲劇世界再滿足大家
拜託

首歌既歌詞超級夾佢地目前既狀況
特別副歌:

我們如果開始 有日如果終止
是我沒法贈你甜日子
如不想 留根刺 WOO
在即將觸碰後退一點 留位置


媽呀好虐!

係囉首歌直情好似形容緊佢地而家既狀況咁樣

其實聽到佢講出口真係好失望 同時笑自己蠢
原來我係佢心目中都不過只係咁

兜得好啲
唔希望令水水覺得委屈
佢條情路實在太坎坷

我已經翻睇咗
相愛卻不能愛，這麼近卻那麼遠......

今集去到咁盡
最後一句等於親口放棄阿水 仲正式埋二房堆
即係短期內唔會有咩轉機
虐唔緊要 梅花間竹咁比觀眾回下氣
但一次過去到咁盡即係虐開有條路
真係當觀眾被虐狂
當初潮善同KH就係咁樣拖爛
明明有前車可鑑都一意孤行 編劇好撚野
呢個時候寧願編劇角色集體失憶
咁我可以當呢集冇存在過

回水之後從來唔擔心龔水會斷
編劇用一集話你知擔保唔斷冇話唔擔保唔爛尾
呢套係電視劇 係處境喜劇 係tvb
有情人當然會終成眷屬
角色係虛構 感情呢回事
呢頭比人玩完背叛完 都可以重新接受對方
只係任憑編劇一支筆鍾意點舞
使咩擔心點兜
一句內心對白阿水仲係放唔低 仲掛住阿龔 就可以寫到阿水不計前嫌同阿龔一齊

但觀眾係人有感情
呢集我睇到嘅係阿龔點樣將阿水嘅期望捧到最高之後一野打沉佢
真係要唱翻首
是你 伸手拉我高飛 到高空最高點 再掉下這地

試問有邊個女仔唔心死
仲在乎先識嬲 失望完再失望就會心淡到心死
後生都唔同你玩啦 更何況係情路崎嶇嘅中女
呢個時候仲唔止蝕離場嘅 一係蠢 一係M

阿龔最後嘅決定都冇話錯唔錯
條路自己揀 仆街唔好喊

無論最後龔水用咩形式再一齊
呢集阿龔點對阿水永遠都係我心裡面嘅一條刺

隔咗一晚已經唔識嬲 得翻心淡

造成宜家咁嘅局面，好大原因係因為阿龔性格嘅缺憾
佢份人鍾意唔聲唔聲攬晒所有責任同委屈上身，甚少或者係從來唔同任何人講自己嘅苦衷，我覺得呢個係由於以前家道中落習慣獨立而形成嘅性格
先唔評論佢啱定錯，佢做出呢個選擇我覺得冇偏離角色性格
所以先好想有人話畀佢知，有時可以將內心嘅重擔share畀其他人㗎

當然我係同意絲，阿龔係呢度處理得唔成熟，搞到兩個人一齊受傷
點解我好似好維護阿龔

現實中有時仲誇張嗰戲劇
真係有人會咁等