唔單止係呢集,其實454都係推得太快,不過哈爾濱嗰集劇情順理成章好多,大家都忽略咗阿龔同阿水態度嘅突變
463作為454嘅延續,做咗幾個編劇上致命錯誤
第一,同454太似,上面巴絲都有講過,總之一句講晒就係觀眾好似畀人玩鳩
第二,如你所講,發展太快,冇理由之前阿水由成個蛋糕拍落阿龔塊面到會因為cammy而呷醋,阿龔都冇理由由三個字「為咗你」都唔肯講只係話「等自摸」到兜口兜面同阿水話去哈爾濱係為咗佢
第三,希望越大失望越大,463預告同前半剪到咁甜,甚至去到心意互通,忽然間畀一件長久以嚟就有嘅問題而強行拆開,觀眾第一時間會錯愕
係,後面當仔細諗其實所有嘢都係符合人物性格,同埋會同情理解阿龔嘅選擇,但係大家一睇到嘅時候唔會反應到,只會覺得又係同一戲路,加上剪接令阿龔轉胎嗰段好匆忙,畀人第一反應係突兀,當然會先怒屌
不過我已經屌編劇屌到攰
況且米已成炊,所有嘢都塵埃落定,再鬧都冇用
唯有等未來主線,睇下發展成點先決定屌唔屌落去