[開心速遞]熊若水龔燁 供水線集中討論區（11） 媽呢空的OnlyOne

睇完Stanley ig解完，係兜晒成件事
但睇完好似仲sad，個人設實在太沉重
咩都收收埋埋，壓力大到一個點

馬安珊係最了解阿龔既人

其實一直都好鍾意龔水線劇情嘅bittersweet
好似410咁，中間有好現實嘅情侶耍花槍鬧交，仲要鬧交內容都好貼近真實情侶會有爭執嘅位，但係最後都係有圓滿嘅結果
有時又會有近乎童話式嘅浪漫，好似386拍到青春偶像劇咁，但係又唔會覺得脫離龔水線主旋律
463雖然都可以算係bittersweet，不過係先甜後苦，仲要劇情隱含嘅訊息係咁現實，呢份殘酷感同我睇劇預期係happy ending背道而馳，所以一開始先有咁大反應
或者因為走歡喜冤家路線，龔水線關係喺打鬧中越嚟越親密，但係其實佢哋內心喺回水後從來冇拉近過距離，甚至係越扯越遠，一早就有伏筆（415、428），不過大家見阿龔好似失憶咁繼續嬉皮笑臉就以為佢已經忘記咗忘了情單嘢，原來其實只係阿龔份人太壓抑，壓抑到收埋自己嘅情緒
宜家用呢個咁衝擊嘅劇情令兩者關係重新洗牌，之後佢哋再拉近距離嘅視乎時候就可以更了解對方，真正做到彼此嘅靈魂伴侶，我相信一定係咁

copied from Stanley IG
「而我所理解嘅係，個通打比若水要失約嘅電話，係喺聽完Jenny電後打嘅。」
我真係豈有此理吖 如果時序係咁會通順好多囉！但宜家播出街就係剪到打咗俾阿水先聽Jenny電話，成個劇情就係咁錯晒，真係俾個剪接累死

龔燁呢個人包袱太大，睇完阿淳成段嘢真係心痛阿龔個角色，阿龔就好似困咗自己係心戰嗰種密室咁，不過間房係入面鎖出去，要靠佢自己去打開

其實諗深一層
回水咁耐，其實一直以來都真係只有阿龔一直付出。
就算回水之前搵一起老豆既一幕，之所以一起搵都係因為咁岩媽呢空同佢食緊飯。所以其實由頭到尾，兩個人既關係又真係未昇華到去咩秘密都會講出黎既地步，純粹只係我鍾意你。但鍾意同信任又係兩回事。（ＢＬＯＤ一事都有影響）。
再加上阿龔天生太壓抑，好多時有咩野都好，都唔會主動講出聲，一直處於被動。
雖然睇落兩個人既距離只差埋門一腳，但其實經過今次事件先發現，兩個人又真係似近還遠。所以咁講法，463既劇情又講得通，都無崩到人設。
就算真係表白成功，阿龔一路唔改變自己，阿水一路唔踏出一步，兩個人既結局一定都唔會好。
所以學似Stanley最後一張圖講過，經此一役感覺更有機。
可能真係要挖哂所有問題出黎，挖哂所有傷口出黎，先至係對佢地黎講最好既考驗。

好慘同好衰 其實冇衝突

龔水上集成個劇本出晒事
同一條橋連續用兩次
觀眾比編劇當狗咁撚先係核心問題

睇處境劇真係唔想睇呢啲好撚慘好撚慘劇情
KC比人搞到失憶都好撚慘好撚慘
Helen之前苦戀而家又戴帽都好撚慘好撚慘
但我唔係想睇呢啲啊
唔係虐戀就叫有深度

如果按呢個時序真係易理解好多

可能真係需要一個機會令龔燁解開心結

係呀, 睇賤精先生厚面皮可能仲過癮

我覺得宜家先係兩個人真正要發展關係既時期, 不過相對上比較沉重

確實, 完全剪錯左, 個反應會好唔同

點解會用高達做比喻 (sorry笑咗) 應該無男人會俾老婆/女友掂自己個高達，仲要精密嗰隻添
不過都係嗰句阿龔個人設就係要佢一個人去揹起所有嘢，我相信就算講龔水一齊咗佢都唔會俾媽呢空去同佢一齊受呢種苦

坦白講，如果下集阿龔再出現完全又扮無嘢咁攝去阿水隔離坐我會仲嬲 咩料呀咁樣hurt完人又想玩曖昧？反而阿龔變得唔再成日借頭借路去尋寶圖，初戀café買完咖啡即閃。等有多啲阿水諗法+視覺仲好

可能返來之後, 佢借頭借路上熊家探上路先, 之後先再係公司現曖昧

我覺得阿龔冇再搵阿水先係連戲，既然佢選擇事業放棄愛情，如果佢仲搵阿水咁係對阿水唔公平唔負責任，我會真心躁
同埋我真係想睇阿水視覺，一直以嚟都係阿龔付出同推動劇情，係時候到阿水開始做主動

我睇完stanley嘅解讀
打咗絲打們所concern
為何不能坦白？
得出嘅答覆
原來正正之前有巴打們所分享的
男人，好鐘意將嘢收埋唔講
我覺得會係男女思考上的分別

點解office hr都可以咁多人係度