[開心速遞]熊若水龔燁 供水線集中討論區（11） 媽呢空的OnlyOne

我自己咁諗啦
龔水一日仲有交集
一日都仲有得救嘅
不過真係有派兜

雖然係咁 但單睇樣貌演技真係一流
Stanley 依舊咁charm
蟹就slim左正左

聖誕嗰啲都拍咗，應該有後路嘅
俾啲信心

見大家仲好嬲阿龔，等我試下從佢嘅角度理解佢呢集嘅行動同選擇：
463作為454嘅延續，先唔理原因，阿龔係仍然想同阿水表白，但係佢唔知自己衰乜，所以保持現狀咁繼續落尋寶圖騷擾阿水，同時觀察阿水反應，雖然佢失敗咗
好彩就係初戀cafe自稱一啲都唔八卦嘅豪仔爆料，咁佢終於知道自己死因嘅一半，繼而去電台告白同解釋，其實我覺得呢度佢已經有進步，起碼佢肯親自提佢嘅瘡疤（傑叔）
第二日佢好開心咁去搵阿水諗住一切雨過天晴就可以繼續佢嘅表白大計，點知發現原來自己仲衰埋畀人懷疑同二房有瓜葛，佢當時即刻澄清
當晚阿水選擇再次相信佢，話要一個坦誠相待、一切以佢為先嘅男人（就係因為後面一句一切以佢為先，令阿龔最後情願選擇辜負阿水 ）
當你心愛嘅女人都暗示你可以表白，講真你又點會有理智去思考其他嘢，梗係開心到跳起啦
阿龔直到呢一刻為止成個腦都係阿水（愛情），根本冇考慮過其他嘢，可以話係甜蜜嘅理想世界中
但係人總要回到現實，阿爸病情惡化狠狠咁擺喺佢面前，嗰種感覺就好似係前一刻喺天堂，坐擁事業愛情，下一刻發現原來自己事業未成、愛情又唔值得擁有
佢覺得自己始終放唔低阿爸，阿水就算冇佢，仲有佢嘅屋企人、仲有佢嘅朋友，但係佢阿爸就真係得返佢一個，佢點可以為咗兒女私情放低自己世上唯一仲喺佢身邊嘅親人？
同埋佢阿爸走失都令佢從愛情嘅甜蜜中清醒，記起返一直以嚟視作人生目標嘅報仇同賺廠計畫，呢件事都令阿龔明白阿爸已經唔等得，佢不得不放阿爸喺no.1
咁同時代表佢冇辦法所有嘢以阿水為先（同阿水睇雪同傑叔消息佢選擇咗後者，呢件事令佢明白兩者不可兼得嘅時候佢冇諗過就放咗阿水喺後），如果仲同佢表白，就係違約，佢根本做唔到阿水要求嘅「一切以佢為先」
佢情願忍痛狠心辜負阿水，選擇暫時放下呢段情（當然內心從來都放唔低），都唔想畀虛假承諾阿水，呢方面某程度上都係對阿水真誠相對
再加上jenny呢個時候打嚟，佢選擇插手哈爾濱我覺得某程度上係唔畀自己後悔，其實可以睇得出阿龔自己都好自責，依然好鍾意阿水（聽多次最後阿龔獨白就明㗎啦，佢把聲與其話愧疚，不如話係自責），選擇跟二房可以斷自己後路，同埋等自己唔好忘記復仇嘅初衷
佢想等到有日佢真真正正完成自己心願，真係做到阿水嘅要求，先返去搵阿水

以上係我對阿龔463嘅言行嘅推斷，當然當中係有令人困惑嘅位，有啲位其實佢可以做得更好，或者就唔會導致宜家呢個局面，不過人無完人，當阿龔面對阿爸失常而六神無主，直頭喺條街到喊，咁崩潰嘅時候邊有人可以理智咁權衡利弊又諗兩全其美嘅做法
而且以阿龔鍾意默默背負一切嘅性格，其實佢最後選擇吞晒所有非議誤會呢下真係睇到我好心痛，希望有日雙下巴天使真係可以分擔下佢內心累積嘅陰霾同壓抑

始終相信聖誕呢d大節日一定有大甜嘅，無理由聖誕都要黎虐。stanley都講咗玻璃渣同糖水輪住黎，工水黨都食咗2輪玻璃渣，跟住一定有甜!我好堅信架

其實唔係話唔可以理解阿龔
但真係會好糾結
心痛佢揀咗一個人受哂 然後兩個人都受傷
希望佢早日諗通
同埋有心理準備以後想追返阿水就冇咁易

satok絲 睇完你分析眼濕濕 佢果句獨白真係好壓抑
我都好希望有一日阿龔肯打開心扉

大家俾啲信心

越諗越覺得463似係近期見龔水咁受歡迎先臨時拍
所以好多位都怪怪地 又推翻晒之前D劇情鋪排

或者換個角度諗
龔水線寫到咁絕 或者係為左呀龔有多D個人線
好似大小姐咁可以唔靠蓮輝 個角色設定都可以出到一個人可以撐起一片天
雖然龔水呢條線寫爛左
都希望呀龔條個人線可以寫返好D 有返出D既角色設定
所以編劇們應該好好思考下
點樣可以寫到呀龔背負咁沉重既過去之餘 又可以符合到sit com既輕鬆氣氛
唔好一味賜佢悲劇

另外呢集入面stanley同蟹真係做得好好 完全對得住套劇
其實作為演員真係無必要為一個唔合理既劇本而解畫/兜
所以見到IG好多人係咁迫佢地兩個開live解讀463
真係幾心痛佢地
希望大家可以放過佢地啦要尋仇唔該揾返編劇

雖然睇到好心酸 但只要套劇仲有stanley同蟹我都唔會棄劇
不過已經唔可以用以前睇sit com既心情睇
佢地呢條線太沉重 唔適合收工時間睇 所以都係唔會追live了
只能等放假無聊想自虐既時候先重播睇下

用左成日瘋狂工作黎麻醉自己去放低463既傷痛再打晒D感想出來終於好返少少

係真愛嘅就不能被放棄

其實呢集我係比較心痛阿龔
阿龔做呢個選擇，佢又點會唔知阿水會傷心會失望
但係佢明知都照揀，係因為身不由己，阿爸佢一嚟冇辦法放棄，二嚟真係時間無多

Satok 絲

要阿龔主動打開心扉真係難過登天，可能呢個就係點解編劇要整單咁嘅嘢出嚟令成條線轉為阿水中心，之後應該會寫阿水去親近阿龔，再令佢唔抗拒同人分享佢內心嘅壓抑
阿龔係咪全套開心速遞最壓抑嘅角色之一

其實阿龔hurt嘅程度都唔低

馬安珊都係咁講

叫馬安珊再出嚟啦

其實都好開心自己喜歡的cp有咁大回響

其實阿龔都真係好慘
講真 將心比己 如果自己企係阿龔個位到再諗件事
都會好明白佢既難處
話哂自己廿幾年黎一直靠復仇黎到推動自己 邊有可能咁快放棄
再加上望住自己呀爸突然病情惡化得咁嚴重 直情擔心到係街到喊 可以見佢係真係幾咁無助同痛心
而佢又知道水想要既 係一個所有野以佢為先既人 佢覺得自己唔係
所以為左保護自己 佢先至又退開左一步

可能受過既苦太多啦 所以先一直咁壓抑自己 一直幫自己油上好多好多既保護色
希望雙下爬天使有一日可以將佢真正從陰霾拖出黎
如果做到呢一點既話 我相信佢地一定會打風都唔甩

心痛龔，水就話唔知啫，我地睇開都知佢默默守護咗水咁耐，難得有機會但要佢親手放棄真係好hurt

下面果句灰左

尋日搵阿爸場戲 係阿蟹都在場
會唔會有場戲未出 係阿水單對單搵龔友呢？
咁就可能係 阿水知道阿龔有難言之隱 跟著主動幫佢 關心佢 咁呢？

件事發展到咁既地步 我估阿水未必再主動接觸龔 可能連見都唔想見到呢個人
所以要有個契機係阿水知道件事既苦衷 再去主動幫阿龔 發揮雙下巴天使守護同開解的作用
咁既話龔友就要幫幫手啦... 如果唔係好難兜得圓滿