主攻世界各地cult片三十餘年，你問我答

基斯汀娜莉芝

不過依家走晒樣

我又自作多情

佢肥肥地有肉地個陣真係好正

童年


青年


中年

樓主點睇「力王」同「關公大戰外星人」?

又問

之前答過，請爬文

邊度可以搵到 holy mountain 線上 ? 最好有埋中文或英文 subtitle

搵左成個鐘都搵唔到

大衛林區

你落嚟香港夠7年未？
大衛連治就大衛連治啦，無啦啦用大陸譯名

樓主係咪誤解咗cult片嘅意思 以我嘅理解，cult片指嘅係initial screening唔受歡迎，但係啱一部分人口味欣宜有一班擁躉嘅戲(cult一字源自a cult following)樓主形容緊嘅最多係邪道非主流電影，唔一定係cult片喎

Cult片唔一定係唔受歡迎嘅電影

好多票房同口碑有保證嘅電影都被視為cult片

另外,cult一字的確源自a cult following
除了大眾化的狂熱外，即使是在小眾圈、次文化圈中備受熱愛的作品也可稱作cult。

不過由於這類電影通常是非主流的導演所拍攝，內容上大多屬個人惡趣味或者較為小眾化，自然而然很容易流為Cult片的分類。

原來如此

不過唔同地區唔同文化，所以有陣時歐美cult迷睇港產片會覺吳宇森嘅辣手神探或者英雄本色係cult片

但我地香港人睇返其實一d都唔cult

咁我又想問下b-movie同cult片有咩分別 The thing, They live呢類有人話又係b-movie又係cult片 兩者係咪有關係㗎

可以睇吓我以前打嘅一篇文


-
《Cult片？B級片？》 -
-
B級片和Cult片兩者有咩分別和共同點呢？
-
先嚟講B級片。
喺上個世紀30年代，美國大蕭條時期。荷理活卻反而出現咗「黃金時代」。有聲電影嘅出現同大量無所事事嘅平民令電影院成為最當時得令嘅娛樂場所。
與此同時，為咗吸引更多觀眾，荷理活推出咗「雙片公映」形式。
即係一部大製作電影連帶一部低成本小製作電影上映，而其中嘅大製作就稱為「A級片」，小成本製作就是「B級片」。
雖然後來荷理活為對抗電視劇發展而將注意力放喺大熒幕和立體聲等方面，雙片公映形式漸漸取消。但將哩種低成本、製作粗糙嘅電影稱為B級片嘅統稱卻流傳咗落去。
-

再嚟講講Cult片。
真正Cult片係不根據電影嘅元素，亦不根據狂熱fans嘅數量嚟定義一部電影係唔係「Cult Film」。
真正Cult Film只有兩種特點：

1.排斥主流，Cult片係游離於主流之外，唔會大唱主旋律，甚至要故意排斥主流，從意外嘅角度讓觀眾驚喜。

2.影響主流，Cult片要喺主流之外出現但又能夠影響主流電影。

從上述兩點，相信大家可以區分Cult片同普通粗糙廉價血肉橫飛B級電影最主要分別。一部真正Cult片喺橫空出世後要令觀眾驚異，要令主流以震動，要令電影藝術方面影響後世發展。
-

但經過數十年發展後， Cult片嘅特點進化到十分明顯：廉價、粗俗、怪異、做作、各種次文化元素跨界。
往往喺網上搵到嘅介紹都係好籠統嘅說明令Cult片難以明確定義，以至於好多擁有以上特點嘅B級電影都將其稱為Cult片。
-
但無論用邊種定義形式，Cult片和B級片都是不能畫等號的，更不可以有咁樣嘅定義：Cult=B級=重口味/恐怖片！！ B級片係一種較為明確嘅定義：低成本、製作粗糙、沒有大明星和精良嘅製作團隊、通常用色情、血腥、恐怖嚟做噱頭。基本上滿足到以上條件嘅電影我哋都可以稱之為B級片。

而Cult片相對更多嘅係一種態度：離經叛道，決不妥協，不屈從於主流卻可以引來支持同關注。Cult並非一種電影類別或者風格，我哋可以話Cult片係一種文化，一種電影態度。

樓主高汁 幫我釐清哂啲觀念

我都係學緊嘢咋
其實我開哩個post都係想從其他巴打度再吸收吓cult文化嘅養分，發掘吓d自己未睇過嘅片

原來力王有第二集

仲要只係賣9蚊

其實哩齣續作，除左男主角係樊少皇外，其他所有嘢同上集完全無關

出品公司係瀟湘電影製片，大陸電影公司，成齣戲只有其名沒有其實