入門倉鼠飼養資料庫

有病，要睇醫生

唔該哂巴打

想問倉鼠需唔需要人摸？定唔好搞佢佢會更開心？

仲有前幾日天氣涼少少, 屋企隻倉鼠好似活動量少好多, 係唔係正常？

我覺得主要都係睇個性 同埋佢對你既信任程度 有啲鼠本來就唔鐘意人掂 到佢死果日都仲係唔比人抱上手
有啲就好鬼鐘意人摸 又鐘意人地幫佢按摩氹佢訓覺 好似我啲鼠就係咁啦 佢好enjoy嫁 仲一路一路震震下 舒服到佢

如果隻鼠對你有戒備 都一樣會唔比你掂 佢會叫 會好驚 咁就唔好搞佢會好啲

另外倉鼠活動量少左 你可以觀察佢係咪唔舒服先 如果長期係度訓覺 你就要留意下 有冇濕尾呀 有冇生野之類 夜晚見佢都有出黎跑下步都仲可以放心啲 同埋記得睇佢既便便同飲食方面 有冇少食左 水飲得夠唔夠

如果發現有異樣歡迎上黎討論

早晨 我又黎分享啦
唔知大家有冇發現呢幾日既朝早同夜晚都涼涼地呢
冇錯 就係漸入冬天既日子
係冬天既日子 倉鼠仔要點過好？

其實倉鼠比起隔離爬蟲黎講 溫度方面比較易處理同適應 至少唔洗話凍到要加哂暖墊之類

幫倉鼠保暖有好多方法 我列出黎比大家睇下有咩材料、物件輔助保暖同埋有咩小方法避免大家隻愛鼠感冒或者有咩唔舒服 （會講埋方法既利弊 每人有唔同立場同埋用過既經驗 所以參考好啦至於採用邊種方法就經自己慢慢考慮番 ）

首先我地係底材著手先
一般我地鋪底既會用栗米砂、紙棉、木糠、紙粒同埋廚房紙。
係冬天 我會比紙棉。

咁不如我順便講下底材一啲小資料。

栗米砂

除左冬天 我都會一律採用栗米砂 貪佢夠乾爽 又吸收同防潮 而且唔臭

如果你用一般既籠（鐵籠之類）有好多空隙 鼠既特性就係好鐘意挖野 下場會係點？
咪就係你可以成日發現到係地下或者枱面 總之籠既周圍都有栗米砂

有樣小發現
我見過啲鼠會久唔久係度拎住啲栗米砂係度咬 由其係岩岩清潔完 放左新既栗米砂落去 佢地就會係度揀 揀黎咬。開頭我以為佢地拎黎食 大為緊張！
最後發現 原來佢地係會咬碎少少 多數揀大粒既栗米砂黎咬碎 同埋用紙棉效果都係一樣 會咬淋少少同細舊少少黎用既。所以如果你選擇栗米砂同紙棉比佢地 又見到我以上講既情況 唔洗擔心 佢地分得好清楚到底咩係 野食 。。。。。

紙棉

冬天我都會採用呢款紙棉 本身棉可以夠佢地暖笠笠 相信好多人都會對紙棉既反應都表示麻麻 原因係紙棉對於倉鼠既健康有可能造成影響
紙棉有好多粉塵 倉鼠吸入有機會令佢地個呼吸系統同埋肺部出現問題 例如係過敏等等 （可能會聽到倉鼠發出一啲異常既聲音 但唔係受驚嚇既＜吱＞聲 而且係長期 持續既聲 有啲微弱 ）

如果你最後決定採用 我建議可以由你清潔完個籠 放紙棉落去既時候 你可以見到好多粉塵周圍都係 隔一陣再撥下放左落去既紙棉 睇下仲會唔會飛哂啲塵出黎 如果冇啦 咁你先放番隻鼠同佢地食物兜呀 水樽呀之類既野落番去 至少避開左啲塵先

切記唔好放左隻鼠落去先放紙棉 要一切就緒先最後放低隻鼠

漏左放低我隻鼠用紙棉既相


圖中既籠叫［壓力克箱］

熊仔鼠一歲幾了，算唔算老鼠？
好似已經冇以前咁活潑

一歲幾都仲未算老 大概人黎做例既話 就係中年人啦。 兩歲幾三歲就係老人家黎嫁啦。

好開心見到有倉鼠post 勁中意倉鼠
想問樓豬同隻鼠幾耐先fd 到？
我隻熊仔鼠 次次捉佢上手都走
好羨慕你隻鼠會反肚係你隻手到訓覺

勿相認

養到變肥大叔

好掛住佢地 ⋯⋯

好白好滑

小露寶最可愛

Hihi 我就係見冇咩討論倉鼠既post先開番個 而且又唔多人真係知倉鼠既資料 所以決定分享下
你果隻熊仔鼠 好難搞
我養細鼠就得 有隻最快一兩日已經係手訓著覺 有啲就幾個禮拜 之後日日都要上手抱訓覺 反肚捽肚仔又得
熊仔鼠我自問都搞唔掂 熊仔鼠成日發神經
我晏少少share個我平時同倉鼠互動既文 要番工做野 要慢慢打字 哈

好正 就係呢啲死肥仔 好白滑 好想係咁搓圓禁扁佢

哇 你都養過好多品種。。。

我都覺 簡直光滑

你既相呢

我冇養

點解唔養啊 屋企唔比？

我會成日係咁搓佢 佢脾氣真係超好

超矇

食o左美毛糧?

D毛色好靚

今日又要破財買糧