入門倉鼠飼養資料庫

唔應該俾佢咬，一咬就話下佢，放番佢入籠
久而久之就會知道唔咬得人
咬你你仲俾野佢食，佢唔咬多你兩野就笨

有養開，留名支持下
記得要宣揚「籠要有足夠空間同滾輪」，「倉鼠係獨居動物」
太多人唔知倉鼠唔可以擺埋一齊養 放埋一齊一定打撚到仆街

我到依家都唔係太敢捉起佢
大家平時係點捉鼠鼠？

當年我有一對係我屋企人朋友移民俾我地領養左
一開始唔知唔可以一齊
夜晚兩隻打交打到嘈出聲我用手阻止俾其中一隻一野咬落黎，仲記得佢咬完係咬實我要fing開先得，流左幾分鐘血先止到
但就剩係嗰次之後隻鼠就未試過咬我
隨時爬上手就訓，俾手指佢會咬我指甲 就血岩岩剪完好貼佢都係唔會咬到我手

最後應該係自然死，死前一晚不停咬籠要出黎，一出到黎就喺我隻手抖大氣唔郁休息，但一放番入去又不停咁咬籠要出黎，咁就知咩事
陪左好耐，第二朝都真係死左

仲有「嚴禁使用棉花！」

我見之前樓主講用粟米砂舖底 想問下有無圖睇下
另外到底用咩比佢保暖好
綿花又驚佢食落肚 紙巾d人又話有漂白劑對佢地唔好
好難捉摸啊

第一次養果時試過一次養幾隻 第日朝唔見左一隻以為跳左出籠 點知原來比其他食左
而家養梗第三次 比佢好食好住就成日咬我

推薦使用象仔牌廚房紙
四季適用 無粉塵又安全

撕成長條就可以了
佢地會自己揀岩用的走

你隻鼠有瘤？

係啊 有好多粒肉瘤仔
幸運嘅都係良性 無惡化過
不過都做咗天使了

我另外一隻小銀狐都係良性瘤，之前做過兩次手術，現在又復發，好彩今次位置唔喺肚仔，係近右腳但唔影響生活， 依家俾黑酵母，佢食下希望control 到唔好再變大， 隻衰豬唔好咬就得

象仔牌 = Scott
呢隻軟身又過到 FDA認證
價錢6卷大約 HK$24-27
(※有D牌子廚房紙會好硬同利邊會傷到鼠鼠)

冬天我會落呢隻紙碎俾佢，大約2日換一次
http://www.oxbowanimalhealth.com/our-products/litter-bedding/pure-comfort-white

補充:冬天我係紙碎+Scott ，紙碎做底，scott 就撕碎好似"團子"張圖咁放紙碎上面

屋企隻衰野成日摷到D野地周地都係
次次幫佢清完籠, 轉個頭又成地野食

琴晚又試下比佢上我手食野
放晒D野食係手心
結果, 佢又係大力咬實我隻無名指..
開始唔想同佢玩了...

另外有D健康建議，糧唔好俾太多，約 鼠體重1/10 好，怕佢餓就加幾粒OXBOW 草圈

有D垃圾糧就唔會買
買大路牌子 bunny expert *(呢隻脂肪比較多唔可以過量)/ Versele-Laga (呢隻有2隻版本，一隻俾熊仔鼠食/一隻俾細鼠食)，oxbow 合成糧(最好係呢隻，但要時間轉，因為口感唔好鼠鼠唔like，我買garden select 口感會好D但都唔係食好多，家下我會70%雜，30% oxbow)
磨牙石唔係必需，D糧有磨牙作用就得
我D鼠冇用磨牙石，牙齒係冇過長

雜糧瓜子/花生抽起，間唔中當零食俾佢

生鮮生果菜
e.g. 蘋果 西蘭花, 粟米唔好太多，太多會肥，佢會放o係腮好容易變壞
蘋果要去皮，唔可以有核 (蘋果核對鼠有害)
記得洗乾淨
「食得健康一點，伴你長久一點」

掂鼠前後 要洗乾淨手，保護鼠鼠保護自己
籠2-3日要洗(夏天1-2日) ，唔係好易有霉箘

抱到上手後，每日輕輕按下同睇下鼠鼠身體
有冇瘤或者其他毛病e.g. 傷口 /不明原因甩毛，有問題就去請教獸醫唔好上網亂查
可以的話買個蛋糕電子磅，每日磅下佢，睇下有冇過重，同突然輕o左
另外鼠鼠病發可以好快，所以有問題一定要立即就醫

平時可以每月儲定一D錢 e.g. HK$300/month
做鼠鼠醫療基金，一歲打後鼠鼠會開始中年
有機會有D大小毛病，如果有儲開唔洗到時一大筆
另外真係健康終老，D錢可以用來幫鼠鼠打點身後事

BTW 如果有能力或可以的話，半年左右做過body check

俾多D時間佢
如果佢咬你，你要俾佢知唔岩

立即收起手中野食
可以放番佢落籠，之後話下佢同佢講咬人鼠唔得
同話佢知你咬我就話，如果第2個唔知會掉你落地
變死死鼠，死死鼠冇瓜子食....等

屋企隻衰野成日摷到D野地周地都係
次次幫佢清完籠, 轉個頭又成地野食

呢個我覺得冇問題，有活力由佢啦
佢自己會安排

唔好放棄啊

樓上太長所以唔quota 啦
補充水果蔬菜做法
留意番 有啲菜需要煮熟先比佢地
西蘭花 青椒 南瓜 等等

好灰心
依加隻三線鼠養咗半年
由佢一個月大開始養
養咗一個月後都肯主動上我手
唔知做乜之後就唔肯，只有瓜子引佢先肯
有時我就捉佢上手
初初都無咬我，即使佢成日想向外爬，好想走咁
依加上咗我手就成日中等力度咬我，就算上咗手之後我幫佢掃背都無用。之前肯我隻手到食嘢。依加上我手，只對瓜子有反應，一俾佢就塞入口想走人。
唯一肯嘅就係俾我伸手入籠到掃佢背
今日買咗個鐵欄，打算俾佢喺廳到跑下啦
點知就狂咬個鐵欄，咬到有聲
買咗包士多啤梨味倉鼠威化餅俾佢，平時見fb group啲人嘅倉鼠好中意食。點知佢聞兩下就算，之後完全無視佢。
養咗半年，同佢交流愈來愈少。買咗好多嘢俾佢，佢都唔中意。
唉 好灰心 之後都係做啲例行工作，換下糧食紙墊算。

唔一定隻隻鼠都會鍾意食
都有倉鼠唔食瓜子果仁
有時發脾氣唔睬你有可能處於發情期
放佢出嚟玩係即刻咬定跑左陣先玩？

放佢入個圍欄到，周圍望咗陣，幾分鐘倒啦，就不停想爬出黎，然後就咬欄

因為佢第一次咁樣出嚟緊張
可以比鼠球佢喺屋行下先

厭世鼠

你收養多隻，到時兩隻爭寵就會輪住上手
我之前有2隻時，抱一隻另一隻會妒忌，咬籠要抱
兩隻成日要人抱

家下其中一隻小天使之後，另一隻已經冇咬籠要抱
現在要捉佢出來抱...少o左主動上手抱