入門倉鼠飼養資料庫

巴打們我想問倉鼠可唔可以用棉窩？
Taobao個籠送埋 我驚會影響倉鼠呼吸

冇乜必要唔駛用

呢位巴打係咪鼠奴 見你都識好多野下
前幾日 我又帶隻鼠去睇醫生 終於唔睇珍xxx 睇左兩次都冇用 轉左睇毛x界 佢診症過程我都超滿意 但我前日餵藥 餵完唔小心倒瀉左支藥水 先發現佢地係支針管刻錯份量。。

係呀，所以餵藥要睇包裝上分量

你睇馬醫生定黃醫生?

BTW 你隻鼠乜事，感冒?

感冒
我有睇包裝 諗左好耐 total 4隻藥 有2隻藥分別化痰同收鼻水 消化好耐睇清楚要點食 驚餵錯 佢包裝的確係寫住3 佢針管用左紅筆清楚劃針管岩岩好個3字 佢個樽 藥水份量唔多 我第一次餵已經有諗 要食足10日 仲要每曰2次 抽咁多夠唔夠食到10日呀 我睇左幾次包裝同針管佢又真係冇錯喎

之後我就照餵左佢 餵左兩日 前日我餵完唔小心倒瀉其中一支 第日我打去話想配番藥水 佢重覆番一次比我聽 點知係餵1.5 本身係電話度講 琴日我去到拎藥 我即埸睇佢支針管刻係1同2之間 我話我好肯定你地比我支野叫我餵3ml 登記果個堅持話佢地唔會犯咁低級錯誤 我算 我番到屋企再對多次 拎到番屋企 拎番4支針管出黎真係3 同1.5ml 大佬一隻倉鼠仔點承受咁大份量 仲要餵左2日 餵成4次 好在我隻鼠冇死到姐 點都好 覆診果時我會拎埋4針管同包藥去理論

佢今次睇第3次啦 一直感冒唔好
頭兩次比同一隻抗生素 今次換另一間診所 都換埋抗生素 再加其他藥 感冒暫時係好左啲 如果再唔好 下一步就要種菌對症下藥 畢竟佢先4個幾月大 仲有算係比較多時間繼續開心訓下覺食下野 我可以有能力比佢醫我都想佢好得番 佢小灰霸黎

應該係 0.3 同0.15ml..... 3ml人食都覺得多

btw 要睇個藥分量
因為0.3ml /0.15ml ，可能係稀釋分量唔同
同一隻藥，可能因為稀釋唔同有分別，餵份量有所不同


你之後同醫生反影下，聽下點解會咁

留意，同小心傳染其他鼠
咁後生，如果食物營養夠又唔駛咁擔心
食藥記得間唔中俾下益生菌佢食，食抗生素 好傷腸胃

Cunipic低脂高纖呢隻合成糧有咩評價
會唔會同oxbow差好遠？

除左勤力清潔之外
大家有冇除味好方法?
因為對味道有少少敏感

同埋我請教一下呢, 你地洗籠既時候係用咩洗? 隻鼠會放邊?? (我諗住買個鼠波比佢, 一洗就放佢入去跑)

我一向都係洗籠時用鼠波放風
平時用清水，太污糟就用嬰兒淋浴露洗

但其實只要唔好用太大香味鹼液同過水要
過得乾淨d用乜都差不多

想問 倉鼠開始甩毛 同埋 成隻濕濕地 係咩事？

睇獸醫

新玩具

其實如果有d舊野
而又唔會再養
咁d 籠呀，用品有無地方賣左去/捐左去

facebook 有D group有，但我自己冇試過

入嚟就係為咗睇鼠鼠

就咁甩毛有機會皮膚病/老
但係佢甩毛再加上濕濕地都奶奶地野
凶多吉少 睇獸醫啦一定要

佢好頂癮 係邊買

Facebook有好多鼠group 但都建議慎選 唔排除會要完你既免費用品要轉售