入門倉鼠飼養資料庫

巴/絲打介唔介意Share邊度買...? 成日行旺角都好Lost

但小露寶個樣真係無敵可愛

我都係行金魚街 我唔記得名 好多間都買過

傻仔鼠日日都要筆走d濕曬嘅木糠

衰妹訓到鬼死咁咁樣衰
依家養咗一星期左右 佢第一日開始已經比摸 會咬人但唔大力 依家會主動爬上手但次次都一上咗去就會一路郁或者行好似想落返地咁 又或者會係我一路爬上我手臂再上膊頭
但有冇機會令佢佢會係我手上面訓 好想試下

早1,2日行完得一間有熊仔鼠
不過全黑唔岩心水

係嫁 熊仔鼠好快會比人買哂 一見到就好決定買定唔買 因為通常諗好番番轉頭就已經賣淨幾隻 仲要隻隻都鬼死咁大

全黑都幾得意 但好少人揀

有辦法 等我整合埋啲圖先 又勁多字

冲涼

Hello各位。

今次想同大家分享我個上手抱鼠訓覺經驗
雖然唔係隻隻鼠都得 但計計埋埋 都有5隻鼠肯安心係我手度訓 唔多唔少我都吸取左啲令佢地訓著覺既小技巧 唔怕多字可以睇一睇 我超長氣。。。

好啦。想講 其實有個勁勁勁偷雞既地方 就係我發現鼠同人一樣 訓覺果時一樣咁脆弱 唔明？ 我例如 人訓著覺 比人唔小心整醒左 有部份人會好嬲 都有部份人會醒左唔再訓 再極端啲 有部份人係訓覺果時比人整 都唔會理 繼續訓 。

係呢度 我想講其實鼠都一樣。有試過鼠會發嬲 試過唔理我 試過醒左坐係度 無啦啦喺頰囊拎左粒栗米出黎食

我仲搵到個注意既地方 你唔可以驚醒到佢地 例如開籠果時 移動果時 都唔得太大動作 而且手要慢慢伸入去 唔好即刻抱起 再黎 睇下佢有冇反應 如果佢即刻起身睇下有冇聞你隻手 聞完冇事 你試下安撫番佢係籠等佢繼續訓 唔好急住抱佢出黎。 又或者 佢有機會比你整醒左 咁你冇嚕 要等佢再訓果時先可以試抱。

岩岩一拎到上手既鼠好脆弱 如果你成功左係佢訓覺果時抱佢出黎佢又唔反抗 超恭喜 距離佢會係你手度訓覺既機會唔遠啦

你要放係手度 用哂成隻手掌包實隻鼠 佢會覺得好有安全感 然後 你環境要好靜 唔可以有聲 如果唔係我可以肯定佢聽到聲佢會即刻醒唔肯訓

再另外 要唔郁得 我試過成個人崩緊左
然後好慢好慢 咁去掃佢個身 倉鼠仲好鐘意人幫佢按摩 好輕咁捏捏下 會震下震下 睇住佢地訓到發夢咁手腳係咁郁 一訓 咁就成粒鐘了。

最尾就係隻手都係汗 佢啲毛濕濕地

我以前做過紅蘿蔔 其實都係q pet集團 你地有咩都可以問我都可以分享下

以下係我成功既例子 銀狐既都成為過去式 當初佢地走左 我連相簿都唔敢開黎睇 一睇到回憶番番哂黎 邊個話倉鼠得幾年命又冇交流點會有感情？錯啦我同佢地就係個活生生既例子。到今時今曰我都仲未正式逐張睇番佢地個樣 好立眼睇就ok

最初第一隻肯上手既小朋友

到第二隻 好有成功感 最初成日咬我

第三隻 9月走左 都係我既最愛 由帶佢番黎第3，4日已經可以上手抱住訓 乖到不得了


接落黎呢2隻 係而家仲開心食玩訓緊既傻妹。小灰霸

其中一隻小灰霸

另一隻小灰霸


呢5隻裡面 2隻男 3隻女 所以冇話男乖啲定女乖啲 純粹睇個性同埋信任程度。
我都相信你好比心機照顧佢 愛錫佢 鼠係好聰明 佢地會feel到 會比feedback 你

最緊要多嘗試 唔好怕咬呢樣野 今次唔得 抱多幾次 試多幾次 有日佢地會比你抱

祝大家早日成功

你幾耐幫佢洗一次 係咪成日搞到自己黃屁股

Hihi絲打 我想知其實係咪成日都有好多打架打到死左既鼠。。。 因為又未必賣得出 又要放埋一齊 每曰每晚。。。

係架 由奇小露寶 太恐怖 一打打到可以分屍..第二日翻工會見到冇左個頭之類 其實鼠都還好 冇死 但都流血 我地會用所謂既藍箱隔離 幫佢地消毒好 再sd翻上倉 倉係有醫療隊既 未必賣得出多數都係冇病冇痛 只係未合眼緣冇人買 但係多數都唔會點打 反而bb打得勁 最恐怖真係小路寶！一個禮拜總有一兩隻傷兵 都唔係太誇張

其他鼠*

不定，頭先係鼠波屙尿成身尿

估唔到原來小露寶先係最狼死果個

笑左

可以食埋條屍先恐怖

有心養又唔想去黑店買既巴絲可以上spca或者Hkvxv(ig)果到睇 成撚日都有人棄養

我都有留意 但係都唔知係咪病鼠...同埋怕唔合眼緣
想養隻女仔銀狐 帶少少黑線既

笑死 岩岩幫佢整左個分界頭

聽日講下倉鼠小動作解讀～
##lm