入門倉鼠飼養資料庫

幾時到你放低啲鼠照

屋企養咗狗 養埋倉鼠應該日日開片

潛咗水 而家上水post下相先

Amazon

Thanks巴打

繼續講啦 接落黎我想分享下一向我係點抱鼠上手

對於初養鼠既人黎講 鼠係好得意 往往到左面對佢係籠入面 想拎佢出黎玩果種恐懼 先發現你唔敢拎。。。。。

好！呢個情況點算好
我認為係有步驟既！大家可以不妨一試

第一步：
伸手入籠比佢行埋黎聞下你啲味 習慣下 知道你對佢冇威脅同埋安全

第二步：
得幾種反應姐。如果佢聞完繼續係你身邊徘徊而又冇咬 恭喜你 可能你隻鼠有機會好易同你熟到 而且都唔係好怕人

另外 例子2 就係佢聞完咬鬼你 有啲初頭可能輕輕咬 唔痛既 大多想試下係咪野食 同埋好奇 咬多幾野你再放手落去佢就會唔再咬 有啲大力咬就係好驚你同埋你隻手有野食味 佢地會大力咬之前會有特別行為 eg.好激動/會尖叫（fifi聲既叫聲） 都唔排除會冇咩徵兆下突然發神經咬 本來鼠就係啲好敏感既動物
你如果手拎過啲糧或者鼠零食 就唔好摸佢地啦 除非你想引佢地黎

例子3 如果鼠冇過黎聞 遠遠望住既話 你需要再比多啲時間佢適應 鼠同人都一樣 對陌生環境好敏感 都有啲好似原本就係自己屋企咁 驚都唔驚

例子4 從來都冇走過黎望你又唔聞你
咁你要慢慢發掘下你既鼠有咩先吸引到啦。

我呢 通常都係拎個主糧袋shake shake下
樽入面既零食又chok下佢 只要一拎出黎 佢地聽到唔洗5秒會狗衝喺個窿走出黎r野食
佢地仲好驚人地會搶走佢地啲食物兜 成日拎起佢地個食物兜 佢地會圍住個兜身邊 睇實個兜

第三步：
好啦 當你分辦到你既鼠係邊種 你試下抱 成功的話恭喜哂 。
仲有個方法既。

我有個經驗 就係你盡量拎啲長少少 大大地既糧食比佢 如果佢肯咬 你就趁住佢咬唔放果時 你就

呀！！！！！！！唔小心禁左

小弟最近有興趣義倉鼠，有幾條問題想請教一下：

1. 愛協 / fb group 都有領養倉鼠，請問領養方面有無地方要留意？
2. 邊個品種比較適合新手養？
3. 飼養倉鼠有咩用品同消耗品？
4. 倉鼠通常食咩？邊度有得買？
5. 倉鼠初初入屋有咩要留意？
6. 點樣幫倉鼠清潔同清理排泄物？
7. 天氣凍時點樣幫倉鼠保溫？
8. 點樣同倉鼠陪養感情？
9. 倉鼠唔舒服有咩特徵？

多謝巴絲解答

Hihi 2，7，8同9 我之前有講左啲 你可以慢慢睇參考住先 之後果啲我有啲建議我晏少少答你

搭單問, 我見你推介新手養銀狐
但熊仔鼠大隻d好似好好手感, 同埋毛色選擇都好似多d, 真係心思思
但係咪真係會比較難養?
同埋會唔會大味好多? 因為打算係房養

歡迎加入倉鼠大家庭
1.領養注意方面我認為都係要睇番你養鼠既條件 例如你handle到一隻病鼠 斷咗手斷咗隻腳/年老/本身已經有病 咁就冇問題 你有能力照顧就冇咩要注意 但係相反 你唔太熟鼠方面既就留意番 病鼠同年老既鼠外表有明顯特徵

病鼠我係前面有講咗幾點 呢度我唔重覆了 好多字 都係果啲皮膚病 濕尾症（腸胃炎）/感冒等等

另外我都順便講下年老既鼠外表
- 開始甩毛
- 有機會有白內障 眼珠變白色
- 行動跌跌盪盪 以前爬到高 老咗就冇力爬 連行路都冇咩力 左搖右擺咁 好易跌
- 會縮水。。。 舊時肥嘟嘟 老咗就縮水變到好細粒
- 比以前睡眠時間多好多
-背部有聳起 好似一座山咁 好明顯 即係陀背
等等呢啲象徵 樣真係會有後生同老樣睇

後生 肥仔果時


走既前幾日 老年


搭緊車 等等再講

跳過第2條 我前面解釋左少少我推薦左三線鼠 即係銀狐 小灰霸 紫倉 金狐（布丁鼠）裡面既銀狐 一黎我本來就好鐘意啦 二黎我個人認為好易上手 至少比起小露寶呢啲 身型唔係話小露寶咁細 又唔會去到熊仔鼠咁大

比比建議第3條～
養倉鼠 人仔細細 真係唔好諗住好少野搞得掂 可以買下買下都好重皮
由0開始買過個倉鼠既用品 試過買左成千蚊 我係係街度揀既 如果你話上淘寶淘或者揀到啲平野就另講。

倉鼠仔有咩係基本需要用到呢？
籠、跑輪、食物兜、水樽呢4樣係籠既範圍一定要到。

你想認真養 我仔細講多少少
你可以係籠物店見到有啲細細個 輕提又方便既鐵籠 我個人認為鐵籠係件對鼠好有威脅既物件 好多個案係啲鼠爬上爬落 隻腳細 會卡住係鐵枝度 導致拔唔番出黎失救死 仲有好多人以為倉鼠單單一個籠仔就夠 其實籠物店放出黎既超細籠係外出籠 方便比人拎出街 而唔係真正放係屋企飼養既籠

跑輪呢方面要好注意 跑輪愈大愈好 由其熊仔鼠 熊仔鼠需要好大既空間同埋伸展到佢地既身體
如果跑輪細 倉鼠會受住跑輪既細空間咁運動 久而久之 佢地既骨骼會出現問題 eg. 陀背年輕化

食物兜冇咩特別 你要預左佢地好鐘意揀野食或者將啲野食撥黎撥去

至於水樽 你放水樽係籠入面果時 記得用手點下個水樽出水位 睇下會唔會因為水樽擺位問題而令到水樽冇水出

另外另外 水樽要洗乾淨 由其係水樽入面有機會有啲積 有菌 你可以用手捽一捽 摸下有冇滑潺潺 洗到乾淨為止

我曾經用過鐵籠 發現佢地會成日咬 而且咬到鐵枝甩哂色
而家轉用爬箱 我個人好鐘意 唔單止睇得好清楚佢地一舉一動 仲唔怕佢地會咬
但要考慮既係 洗果時個籠真係好重 同埋貴

繼續第3條
倉鼠用既底材有分好多種 都一樣 前面有講左了 廚房紙/栗米砂/紙棉/木屑等等都可以 利弊都有少少分析左。

至於 輔助品 我暫分為冬天同夏天。
冬天有人會加棉花比佢地保暖 不過同時都有好多鼠試過誤食 令到棉花「click」住左腸臟 以致死亡。 同埋都有鼠試過比棉花綁到隻腳仔又係失救死。因此 到而家為止 用唔用棉花保暖都仲係好大爭議。一般人已經改用放更多紙棉或者廚房紙取替棉花

喺夏天 你可以選擇用好似鐵片既野比佢地散熱 （突然諗唔起果啲鐵片叫乜） 寵物店賣好貴 其實你就咁汁舊磚番黎洗乾淨 已經好涼爽 佢地鐘意就會走上去攤 散下熱

貓狗有維他命補身 倉鼠都一樣有。一般寵物店都有賣 不過我習慣係加係水度 一樽裝 每次只加3滴既維他命水（似乎你水樽份量） 因為需要浠釋 所以唔可以太濃落太多 。

沖涼房同沐浴沙 你可以放定入去籠度 長期放置都得 不過我一般都只for污糟既鼠用 即係我果隻小灰霸 周圍痾尿 搞到自己好臭好油 就會放係入面

倉鼠沖涼除左沐浴沙 仲有沖涼粉
睇大家視乎鐘意邊種 有分高溫消毒等等用途
但切記
倉鼠唔可以用水沖洗

再來跑步波 比倉鼠放風出黎跑 唔淨係局限於籠入面 係屋度周圍滾。

但係 我啲鼠試過跑跑下 冇左聲 一搵之際 發現佢停左係度係入面訓緊覺
仲有一次 佢停左係度食野 成地都係碎 一係一路跑一路痾屎

仲有啲零食 倉鼠可以食既零食 大概都係清淡 最好係烚雞肉 乾菜 一啲生果 有汁既唔可以比太多 倉鼠既腸胃唔可以一次過承受太多水份 。

仲有啲人會買好似韆鞦既吊飾 倉鼠有時係企上去搖下搖下 呢類可以企高既物件最好睇實啲 以免倉鼠企高會爬到出黎

用少許暖水洗可以，只要擦乾身同環境唔好凍


我間唔中都用暖水洗佢地屁股...(因為尿到D毛都黃)....

我用棉花棒濕少少水 但真係見過人成隻拎去沖

我用個食物盆開 5mm 高水
浸佢個 屁股落去，之後好似同BB 咁洗屁股

倉鼠小心唔好俾鼻仔入水，同要保暖，唔好失溫

曾經有過一年冬天放一隻未用過既襪比佢暖 佢好鐘意 成日都係入面 唔肯出黎

跑輪

上面所講既韆鞦仔

沖涼果時一係發吽豆 一係訓覺 攤屍

一啲雜圖

倉鼠自己都識自己清潔鼠毛
浴沙非必要 (獸醫講)，浴沙唔小心入眼入鼻有時仲煩
反而環境乾淨張緊要D


天氣熱 1-2天清洗一下籠
冬天可以2-3天，同冬天要俾多少許墊材佢保暖

襪仔，我兩隻15分鐘就屙尿........

好正, 上面好多教學
巴打們, 如果我係想買隻銀狐黎養, 有無邊間寵物店係無咁黑?
我住得好近旺角, 依排成日去睇鼠鼠
之前睇巴打話"紅蘿蔔"幾好...?

巴打你地洗籠係咪會清晒D底墊?
我知道應該要留番少少倉鼠味既紙比佢地
如果1,2日洗一次好似幾密咁..
擔心自己放工番黎.. 煮埋飯洗埋碗無晒力1,2日洗一次..
巴打有冇咩快洗既技巧教下小弟?

我通常會分大洗同細洗
大洗成個籠拆散清洗,一個星期最少一次
細洗我會洗底盤，瞓覺杯仔
轉轉輪，食物盤呢啲，1-2 日一次

水記得日日換

細洗既話, 即係巴打會清一清D屎, 用BB濕紙巾末下個底, 屋仔咁..?

太複雜
我直接拆個底盤出嚟
用水沖