）就講下少量品種先
我個人好鐘意銀狐 唔想一下子比大家睇咁多字 比個圖大家緩衝下先 
銀狐：
呢兩隻係我既鼠 兩隻都係年幾前走左嚕 特登揀左佢地大蛋蛋黎比大家分別下 到底倉鼠既男仔同女仔點分呢 大家可以睇下張圖 兩隻鼠個下半身位都有兩大舊粉紅色漲卜卜既野 冇錯 果舊就係 大蛋蛋而女仔係點既樣呢？
下半身係完全平既 唔會突出一舊粉色又軟淋淋既蛋
（冇錯 呢隻都係我既鼠 佢係九月頭因為老 都走左了 
）不過！
唔突都唔洗咁快判斷係女仔既 有關天氣方面 如果天氣熱 男倉鼠個蛋蛋自己會露哂出黎散熱 凍就會收番哂入去 有可能唔明顯 或者直接睇唔到佢粒蛋蛋。
另外就係 年紀問題 。出世一兩個月未咁快見到蛋住既 不過都唔排除一啲鼠好細個已經分別得出係男仔 點解？ 始終有啲蛋蛋會天生比較大嫁嘛 
好似講左好多野咁
小灰霸啦：
又係我隻鼠既出現
點解佢地張張相都係度訓教嫁？冇錯 ！倉鼠就係 廢 、懶 、玩！食飽訓 訓飽r痕 r完訓 得閒跑幾野咁啦 如果你想知點抱上手 我等等再講啊 ～
呢種就係舖頭賣得一向最平既鼠 叫小灰霸 大家好熟啦
不過 我有樣野要提下大家既：有啲寵物店為左賺多果少少錢 就改哂啲野。改咩？
我發現 例如小灰霸品種名：楓葉鼠/小灰霸 但係寵物店會係另外既箱度擺大隻少少既小灰霸叫肥肥鼠 波波鼠？總之改左名 會比一般小灰霸賣得貴啲 同埋係假日 就會將價錢提高
例如平日係$25 假日變左$45 原因係初養倉鼠既人會以為係唔同品種 就有機會買左啦。但其實兩款唔同既名 都係同一品種鼠 當然 你照樣睇過想養大隻啲既鼠 你都可以照買 我建議可以平日去揀 會平啲
仲有好多品種既
例如雲石、小老母（小露寶啦
）、紫狐、金狐、熊仔鼠等等 如果你地想知道 我再講？其實我唔知連登既人多唔多人熟悉倉鼠既野 同埋感唔感興趣 我打打下發覺自己好多字好唔慣 又驚冇人睇 如果你地想了解啲咩多啲 講我知？ 我等等再介紹或者講經驗？
比張唔係訓覺既相你地睇
）
