入門倉鼠飼養資料庫

冇，唔一定要
我都係用瓦杯俾佢用，又易洗

但佢而家成日瞓係個角落頭到 係咪佢好驚？ (啱啱開始養)
想換底材 但又驚嚇親佢
新手求指點

佢哋習性係咁，鍾意有啲嘢靠住

你可以買個鼠球， 換籠時等佢自己行入去， 順便比佢放下風

熊仔鼠好乖好痴人

我隻肥妹都好痴人

佢自己將張紙摺起遮陰瞓

想問下 養左幾日 一開始買籠買細左(真係好細 )
而家買翻個大嘅想換翻佢入去
但佢本身已經好鬼死驚成日叫 成日係間屋企到唔出黎
如果而家再換籠會唔會又嚇多佢一鋪？

都住咗幾日，唔爭在過多幾日先啦

巴打屋企有幾多隻鼠鼠!!

兩隻熊仔，一隻刺蝟

細膽肥妹

同埋斯文阿伯

屋企隻奶滋真係好得意..
上星期四黎第一日黎我地屋企, 一開始都仲驚驚青青沖入屋仔
到左星期日我洗籠之後, 佢活潑左好多
識自己飲水, 玩跑輪,
最乖係........ 佢竟然自己識走上屋仔上格度屙屎!!!!
咁我幫佢清屎就可以方便好多
唔洗搬佢出屋仔咁清, 真係好乖
又肯上我手食野

btw.....
我本身買左雜糧比佢食...
結果佢只係揀粟米, 葵瓜子, 一片片既燕麥皮黎食...
會唔會唔係咁好..?
其他糧係放幾多都唔食.. LOL

抽起葵瓜子，花生/葵瓜子 唔好日日俾，你一星期俾幾粒當零食好

天氣開始凍，大家用緊咩屋仔俾鼠住，出去睇啲屋唔太岩熊仔鼠住。

我果隻唔痴人
食野先會蒲頭，平時要熄燈先會玩跑輪。
毒撚鼠

如果唔比佢, 佢會唔會唔食野先後.......?
咁粟米比唔比得佢...?

我都係用紙棉做底料, 諗住再凍就比多D佢算.. 唔敢比其他野佢搞

落多D紙就得，唔好放當風位，最好放室內(唔好放騎樓)
唔需要做太多野，鼠鼠天氣冷自己毛都會生長多D會適應
如果真係 10c 以下我先放入房開暖爐

如果鼠籠放地下，我會加條布墊籠底

正常鼠唔會俾自己餓，點都會食野
只係平時抽起太高油瓜子同花生

平時你俾咁多好野食，自然會選香口野食先
其他唔香根本都唔想試

瓜子類 = McDonalds
Oxbow 合成糧 = 家中青菜 / 五青汁

咁係咪唔洗俾屋企佢住，淨係落多啲紙就ok?
如果暖爐係用邊隻？
新手第一次過冬

我用普通暖風機，開細細地就得
有冇屋我覺得都冇所謂，最緊要啲紙夠佢
保暖就得，佢會自己堆好啲紙

幾年前養過幾隻
第一次養個陣隻衰豬甩毛
帶去睇醫生問佢肚dum一粒粒係咪生野
醫生話: 乳頭黎

救命啊好得意