【天文】‎與 太陽 有關

1677年，哈雷慧星個個Edmond Halley提出咗一個量度嘅方法， 利用 金星凌日 Transit of Venus。

呢個「慧星」, 同我o地平日聽到o既「衛星」, 意思係咪相通?

彗星

幫推

唔係，樓主打錯字。應該係哈雷[gold]彗[/gold星。

咁點解聽人講，而家我哋夜晚見到嘅星星光其實係好耐好耐之前嘅星體反射過嚟嘅？

1. 唔係反射

2. 有咩問題？

太陽距離地球8光分，所以光要行8分鐘先到地球，亦即是任何時候從地球觀測太陽，都是「8分鐘前的太陽」。這個差距無任何辦法縮短，所以總之地球「現在」見到的就當「現在的太陽」。

同理，距離我們4.22光年的比鄰星（最接近太陽的恆星），我們現在看到的時4.22年前的影像，「現在」發生甚麼事都好，都要最快4.22年後先會入到我地眼。只不過4年幾相對短，可以計返實際係邊年邊日發生。

不過，其他恆星距離我們幾千幾萬光年，我們「現在」看到的影像，下下都要轉換返日期實在太麻煩，所以統一以「地球看到的時間」去紀錄。

定其實你唔識分行星同恆星？

我識分，我意思就係行星，行星唔係反射太陽光我哋先望到星星咩？ 我意思係我哋夜晚抬頭望見嘅星星光，某啲係嗰啲行星（太陽系內嘅）反射過嚟地球，到我哋望到已經係隔咗好耐，簡單啲講，我哋肉眼會望到火星金星，咁我哋望見嘅係即時嘅火星，而唔係一段時間之前嘅火星？
因為一直都有人咁講，我攪唔清，唔明先問，你唔使咁勞氣嘅

因為只有行星先會反射太陽光，而距離地球最遠的行星海王星大約離地球30天文單位，無計錯大約4光小時，即光行四個鐘先到。金星火星距離我們更近，所以只係幾到十幾分鐘的差異。

正如上面所講，與其在接收到光線後，根據距離換算回時間費時失事，不如索性以接收到的時間為準，因此這些差異忽略不計。

舉個例子，你做生意嘅要從世界各地收e-mail，但因為基建、科技、距離等等因素，每個客戶的e-mail都要花最1秒到5分鐘先去到你手上。咁假設你在1300同時收到兩封e-mail，你在任何時間都只會話1300同時收到兩封e-mail，而唔會講話收到一封125959發出和一封1255發出的e-mail。

另外，肉眼能望到的行星只有金木水火土五粒，其餘天上千萬顆星星都是自身發光，無需要反射太陽光，即使太陽消失，仍能看到滿天星星。

又真係冇諗過呢個問題
太陽光用4小時照射到海王星
海王星反射太陽光到地球我地眼中應該都要3小時52分

前後用左差不多8小時

繼續推

因為根本不成問題

一次追一個月嘅份量

兩個月後再返嚟啦

太耐唔推太陽能無電會lock post.

叉～～～電～～～