[立秋老虎] 西裝、皮鞋、皮件討論帖 (18)

有冇人知VBC料襟唔襟磨
我開始擔疑個褲檔位

我都係個句啦，我係作為一個用家去評論，講出我既著後感。我冇講過Loake用料好過Andres，純粹以一個用家去分享Tarantula呢個款既皮革好過Andres既Scotch Grain。亦唔知點解你會誤解左我用Shoe Shine去分辨塊皮得唔得，我都係比個溫馨提示d會玩Shoe shine既人。或者你都摸過對Tarantula 100次啦，個Last塊皮好唔好就真係見仁見智，如果下下將個標準擺到上John Lobb CJ Edward Green，你估個個有Buget買對5K以上既鞋咩。

👆🏻唔同意並非因爲兩者平，而係字面上不同意你既比較同結論。係因為我見過摸過亦個皮既source係邊度黎，Andrea Sandres既皮面用料平均比Loake 1880 好，再者smooth leather對比grain leather不合理，因為從鞣製到後處理都不一樣，這樣說明會比較清楚嗎？

但我相信現實就係，當一對Edward Green既202 Last咁既鞋型擺係一個著開皮鞋既人面前...

我d意大利佬野夠成日俾人話好英式啦，唔通佢地又係岩咩？「英式西裝」、「英式皮鞋」唔識既人睇完kingsman乜鬼都加英式兩個字架啦，淘寶緊到飛起既爆款都自稱英式添，仲好多人誤以為荷里活西裝就叫英式西裝，難道又是對的？

不對的觀念不會因為人多、誤會就變成對的。

睇你講完一堆歷史，的確你係可以證明到英國都有好多樣化既款式同Last，同樣法國意大利一樣有我所講既『圓短鈍』，所以即使係Edward Green既Last 202都唔可以叫英式？你話佢只係一個商品說明，我既睇法係，一個百幾年既三大英國鞋廠話呢個Last係Classically English，咁唔叫『英式』應該叫咩？

我不斷強調既係不應以長短去定義國家風格，而應該用其他野，亦不應該用一個商品說辭去概括一個國家既風格。

商品說明上佢話佢英式無問題，佢屬於傳統英式既一種表達方式，但唔係所有/大部分英式都係咁樣，亦不能同英式畫上等號。

舉個例：川菜既麻婆豆腐係中式，但如果好似某d外國人咁誤以為中國風既菜式就全部都似川菜就好滑稽囉。

A在B之內，B不等同於A。

再者Loake果對認真我不覺得英式得去邊 如果咁既鞋叫比較英式，咁我真係唔知講乜好

我係呢排得閒得滯姐

而點解我會去解釋呢件事情係因應你寫既呢一段

我會認為定義「英國皮鞋」會用呢類Last比較貼切，亦係你講既短打派系。而修長派系係唔係英國皮鞋既Signature？我相信絕對唔係；相反我會認為修長派系更常見於西班牙、義大利。

👆🏻👆🏻👆🏻

次次睇牛肉乾同人學術討論都好緊張刺激

發覺g2000條幾年前條聚脂纖維褲透氣過VBC
著落仲舒服

牛肉麵巴打會點去形容/概括一對「英式」皮鞋？
以我所見，英式鞋共通的地方係鞋邊的處理方式。唔會用contrast stitches 唔會有chain stitching 壓齒偏好高密度 低調又沈穩

最後造咗咩西裝

留名想知究竟咩先係「英式」？

VBC from suitsupply

想問LH既鞋 定價算公道嗎

呢兩日掛住焗餅，上少來一陣就咁激烈。
乜野叫英式？呢個真的有排抝，不過簡單點，看看愛丁堡公爵和威爾斯親王的衣著同鞋，就可以概括到甚麼是英式吧？
由大英帝國位列最高的兩位男士來界定甚麼是英式，都應該不用怎麼抝了吧？

不論你摸過幾多百對Andres，就算你係佢地既Buyer都好，難道你又可以講得出過百款皮革款款好過Loake既所有皮革？所以咁講根本就唔係以事論事。講翻呢兩對皮鞋，價位相若，品牌定位相若，你話我用「我覺得」去評論唔適當，我又問翻你？點解我唔可以覺得Turantula塊皮比較之下較好。同樣地，我都覺得Andres既Boxcalf可以屌打Loake既Shoemakers系列既所有皮革。你話「Smooth對比Grain唔合理」的而且確係客觀，但你話「係因為我見過摸過亦個皮既source係邊度黎，Andrea Sandres既皮面用料平均比Loake 1880 好」，咁咪同我一樣係用「我覺得」既主觀角度？

同你一樣我摸過著過見過，點解就唔可以用「我覺得」呢3個字加自己既親身經歷去評論？定係方丈唔容許有人同你持有相反睇法？你既睇法就一定係正確？我唔係話自己一定正確，所以用「我覺得」，一個「個人既睇法」去評論兩雙皮鞋。

英唔英式呢個問題唔係靠你同我係連登呢度定義，我認為屬於英式既野都唔會強逼你認同我。淘寶荷里活呢d咁冇參考價值不如唔好講，我寧願聽你講下歷史仲有說服力。

學你話齋英制皮鞋都可以好修長好多唔係短既派系，而呢D代唔代表到English都只係見仁見智，我唔認為有一定既答案。我自覺自己唔係一個「皮鞋之神」，唔會做到公平公正客觀咁評論，所以我選擇主觀提出睇法－－而我既睇法就係好似Edward Green 202 Style既Last都會比較「英式」，如果你覺得唔岩聽，你咪當我係淘寶同荷里活。

先唔講對Loake既Two Tone配色，我一直表達既都係對鞋用緊既Capital Last比較英式，你持相反意見亦唔見得有既客觀，咪又係「我不覺得英式得去邊」。



上圖呢2對都係相同鞋楦Capital，而我認為呢個Last係英式，尤其對比Andres Sendra個對Chisel Toe，當然會「比較英式」。

回應翻你舉既例子，我覺得唔係好貼切。你話「川菜既麻婆豆腐係中式，但如果好似某d外國人咁誤以為中國風既菜式就全部都似川菜就好滑稽囉。」，你都識講啦，「中式」呀，無論川菜，廣東燒味定係雲南米線，全部中菜歸納為「中式」。
引用Cullen_Skink兄

「牛肉麵巴打會點去形容/概括一對「英式」皮鞋？
以我所見，英式鞋共通的地方係鞋邊的處理方式。唔會用contrast stitches 唔會有chain stitching 壓齒偏好高密度 低調又沈穩」

而且中國咁大，中菜都會好似皮鞋咁分英式 美式 義式，中菜分為中菜八大派系就好似你所講既「川菜」，仲有「湘菜」「粵菜」等等，正如Cullen_Skink兄所講既同一道理，特點「酸甜麻鮮香辣香油重味濃」，常用辣椒、胡椒、花椒就會歸納做川菜，「唔會用contrast stitches 唔會有chain stitching 壓齒偏好高密度 低調又沈穩」就屬於英式。

就算幾多樣化都好，就係因為有共通點先會被歸納為「中式」，而且食物文化同皮鞋文化豈可混作一談？尤其所觸及既人數，用菜式同皮鞋款式真係可以好客觀咁用黎類比論證？

其實我只係等飛機得閒得滯先覆咁多

第一屆連登皮鞋辯論大賽正式開始！
大家以熱烈嘅掌聲歡迎兩位參賽者！

睇得出

無數咁多屆啦....
不過咁仲好 好過冇人出聲

岩岩打左成抽野想覆你，結果斷線乜都無晒⋯ 依家簡短d

你上面所講嘅觀察我個人認為只係細節上既差異，而並非風格上的區別，比較唔適合。其實英式到底是甚麼呢個問題好微妙，因為如果睇返各個唔同年代嘅英國鞋匠，又或者係睇返各個唔同牌子嘅英國皮鞋，你會發現佢哋嘅風格差異其實非常大。尤其是唔同年代嘅匠人審美嘅取態又非常不同。

不過如果要歸納的話，我諗都可以歸納出一啲共通點。根據我自己睇過嘅書、見過嘅匠人、以及睇過嘅圖片及實物，我認為「英式」嘅皮鞋都具有一個共通點，就係鞋身嘅線條比較平緩，鞋面到腳背既坡度較小，這成鞋或是訂製，長窄定肥肥，18xx年到20xx年所共有的一個特點，視覺上較為溫潤。與此同時，佢地鞋開口部分通常比較小、vamp（toe box extension 與腳背起點之間的區域）亦較為短，腳背區域坡度小而長。

我拎幾個唔同年代比較有代表性嘅鞋匠做例子：

John Lobb，這些是我四年前去John Lobb London trunk show時拍的老樣本。(不該不知的一人，發明了double monk、spectator shoes等，名氣大，影響深遠）


Nikolaus Tuczek （18xx年後期的人了，George Cleverley的師傅，發明了chisel toe同lazyman shoes等，門下大批鞋匠於其後有一段時間堪稱主宰英國訂製鞋業）
http://the-shoe-aristocat.blogspot.com/2012/03/ultimate-bespoke-shoemaker-nikolaus.html?m=1

Forster & Son （現由日本人掌舵，恪守當年風格$
http://blueloafers.com/shoes-2/foster-son-bespoke-shoes-5-finished-shoe/

George Cleverley （一度將chisel toe 發揚光大，可惜91年過身）
http://www.bownsbespoke.com/georgecleverley.htm

Nicolas Templeman (新年堀起的新秀）
http://dieworkwear.com/post/119368700629/nicholas-templeman

相較之下，如果你都有留意意大利嘅牌子或匠人，你可以留意下佢哋鞋身嘅線條，變化波幅多是比較大的，而且更硬朗。

比人踩左腳
咁樣既話巴打們會 起走成個cap toe再shine過
定淨係呢個位落wax shine過？

嘩又袋錢落袋

用邊隻wax? 咁易成塊冇左

姑勿論我個人頗為反對地圖炮，用國家去將匠人分黨分派。

其實與其一直歸納甚麼是英式，我認為嘗試不同的鞋匠，一個一個去睇佢地既審美取態、有咩影響左佢地既創作思路、佢地想表達甚麼，了解每一個背後的故事更為有趣。

這跟文學與藝術是一樣的，當你一直做歸納工作，不斷將他們分類，希望可以明確地將他們分系的同時，很容易會忽略更多背後的東西。

看到作品、看到作者、接觸他們去採討作品與作者之間的關係，為個這樣的一個人會用這樣的一種表達方式，這些都是很有趣的事情。

這亦是我主張不論鞋匠來自何地，都不該將其用派別區分籠統評論，亦對所謂英式、意式之類的辭彙反感。我認為應該是要個別評論的。

Saphir + Boot black high shine coat
都唔易架喇 180磅地盤佬著住安全鞋大大力踩
對鞋冇穿冇爛已經好感動

Foster & Son 最標準Oxford / Lazyman



Cleverley

我唔覆咁多，關於你其實疑問我先前既兩個post已經提及到，不長氣了。

但有關皮既部分，我用「我認為」、「我覺得」係我既習慣，如果你要我用客觀描述的話，咁我換個說法：

從皮革來源（廠）、皮革選位（一張皮革的利用率），Andrea Sandres都比Loake優勝，這是客觀事實，close file。

我認為呢個Last係英式，尤其對比Andres Sendra個對Chisel Toe，當然會「比較英式」。

你其實知不知道自己講緊乜⋯⋯Chisel toe係土生土長英國野黎⋯⋯