[立秋老虎] 西裝、皮鞋、皮件討論帖 (18)

真・祭帳

朋友，呢個我明顯無著好件衫啦🤷🏻‍♂️

依家都無乜人做祭帳了
我去大酒店都已甚少見到，以前結婚有人送喜帳添

膊頭唔服、恤衫反領，張圖仲有大把野睇
況且作為「曾經」舖頭嘅老闆，著到咁都幾失禮
定還是想巴打們好似你咁著衫去見人？

係咪留番起佢，到你走時，做張比你？

睬過你

膊頭唔服你up緊乜？ 恤衫個領本身我就無打算要佢硬挺似T&A架啦，non fused唔落collar stand無熨衫咁又點？我又唔係去開會見客，如果按你呢種講法去judge，Brio、Armoury、bryceland 死晒啦。 唔係下下都要官仔骨骨乜都又挺又直架

你睇真啲？圖右邊舊骨凸到？
。。。我諗你著呢套衫果日應該打十號風球
唔好再拎自己同Judge、Brio、Armoury呢啲比啦，你唔係Prologue老闆㗎啦
利申：無惡意

我無拎自己同佢地比，而係講相，呢個關身分咩事？你講得無錯，我不再是Prologue老闆，講白了我只是一個買衫買得比較多既麻甩佬，

我已經在上面擺左我同一件衫著好的樣子，衫既野著好左同無著好是兩回事，衫不是鐵板來的，我好多擺出黎既相都只係share ootd，根本連dun都費事。

如果你硬要講問題的話，可以的。但唔係拎呢d野黎講，姑勿論本身有無著好件衫，就算有骨突又如何？件衫無pad的朋友，如果有個人舊骨好突，咁佢著無pad既西裝時有突係非常正常，所以才有到底做衫應唔應該落pad、舒服行看定外觀行先既討論。

同埋做乜個討論點走左去我果度，哪怕假設我完全沒有任何專業、權威性，同我指出件衫有問題有甚麼關聯？

我又無叫人幫襯P記，亦無叫人去幫襯誰誰誰，就算我係個唔識任何野既人，如果我地討論既係Coller而個產品的確有問題，就是不是不是應該去跟住幅相討論件衫本身？

主觀的東西我唔講，同魚蛋討論到一半未有共識的問題我也不提，純粹睇making，邊有人做衫兩邊gorge line一邊向上一邊向下架⋯⋯

不如我又是但搵張C記相黎睇下 你話C記嘅Lapel有好大嘅問題，套套衫手造，平心而論件件手工係咪件件都要十分完美先可以著？又或者我又搵張Lapel相睇下有咩問題。我就睇得出少少啦 大家又幫眼望下？

你兩個究竟想玩乜?
玩考眼界嗎?

老闆大戰老闆
食花生留名

交流下姐，何老闆你好

我絕對無惡意啊蛋爺
係蘇生覺得我地啲野十分唔掂
反正佢覺得西裝無20k唔著得出街

一係就靜到死，一係就哎交，咁有聲氣總好過無

上星期知道幫我造開衫的師傅入咗廠，都幾唔開心。
今年幾個識的師傅都相繼入院，出院後都可能退休，以後都唔知去邊度造衫

佢同個個都嘈架啦，習慣就好

再嘈全部唔俾布你地

乜你咁講野

哈哈哈，我好似無同你買過布喎

寧願嘈出火花，好過以前個度無人傾封埋Post

朋友，你如果是老闆，不如你再仔細睇下你的出品，甚麼能交貨，甚麼有問題好過同我嘈啦。

你講得岩，套套衫都手造，套套衫都手裁，不是件件完美是可以接受的，Luciano要挑骨頭都大把野挑啦，但是錯在哪、錯成點，係有分程度架。

如果係fitting出問題，姐係仲有得執，可能只是師傅睇錯單或者fitter度錯，是可以接受的。但有的地方係唔錯得架，尤其是離譜到個gorge條線一上一下、件衫離晒頸之類，係唔應該出現的。

我依家叫做無業遊民得閒得滯，我亦無叫人幫襯誰或不要幫襯誰，只不過你都親自黎埋呢度做宣傳，俾人放大檢視亦可算正常吧？

三幾千一套衫不會要求你有Corcos水準，我未至於咁無稽。所以我一開始都只係話Coller既product耐人尋味，是因為我見到一些圖同一些人俾我睇的實物令我覺得有點奇怪，如果令你不快，咁我都只可以同你講聲唔好意思，但我講的地方有無道理，我希望你再諗諗。

我就日日放假響屋企玩喵
老闆呢個名我真係受不起