[立秋老虎] 西裝、皮鞋、皮件討論帖 (18)

都係 網上2000頭多dd 應該ok..好耐無睇

Carmina加曬價啦，正價三千，outlet先有平

新手想請教各位巴打

想買呢款鞋，品牌二揀一的話
邊款好？
純比官網，Andres Sendra 貴 Loake 300舊港紙左右

如有煩似款式，其他性價比更高嘅牌子，請指教下小弟

Andres sendra


Loake

我覺得上面好睇d

Loake應該唔ship香港wo

無知一問
上網睇一般suit jacket 長度正常去到手指公第二節
但如果小弟瘦底 膊窄手長
係咪應該短少少 如果唔係睇落件嬲好長 個人成支竹咁

係哦，都無為意，但見amazon都有

兩個Brand其實Grading差唔多，我會睇兩樣嘢去揀。

第一，皮革。
呢對屬於Loake既1880系列，呢個系列既皮向來都唔差，個人認為同Cheaney差唔多。呢個對比Andres Sendra既 Scotch Grain會略勝一籌。
兩對我都試過做Shoe Shine，Loake係容易磨好多，如果會玩Shoe Shine可以留意呢點。

第二，Last。
呢點其實好睇個人喜好，我個人就鍾意Loake呢個Last「Capital」，細心留意你會發現Loake最Classic個幾個款全部都係呢個Last，比較British。而Andres Sendra既last就比較Fancy，其實都係睇你個人喜好同襯開咩西裝。

都係個句，兩個Brand既Grading差唔多，Andres Sendra都係Goodyear，鞋底做得靚仔d。

個人會鍾意Loake個對多啲。

Andres Sendra個last都唔算好fancy姐

對比之下略顯Fancy啦，可能我個人唔鍾意d太過修長既皮鞋，尤其隻腳大睇落好鬼長。

多謝師兄分析，好詳盡！

「我覺得」咁比較法其實唔多好，皮革好唔好並唔係用容易起鏡與否去判定，smooth leather去比較grain leather用容易起鏡與否去分高下不是十分合理。

Last的話就咁睇圖，我睇唔出對Andres Sendea有特別長，比loake果對斯文係岩既，但用fancy去形容我覺得就唔多妥當。

再者如果你腳大，就咁睇呢兩對，loake果對360度welted分分鐘睇落仲chunky 更大舊wo

我從來都唔係用Shoe Shine方面去評論塊皮既好壞，我係講「兩對我都試過做Shoe Shine，Loake係容易磨好多，如果會玩Shoe Shine可以留意呢點。」純粹係提醒一下玩Shoe Shine既話揀Loake個對會比較好磨，同埋的而且確Smooth Leather係比Grain Leather容易起鏡。

我用「我覺得」呢三個字，係因為呢兩對鞋既Last我都有，作為一個用家去評論兩對鞋。我著開UK8，兩對拍埋一齊，對andres Sendra起碼長2cm。

我本身係一個英國皮鞋既愛好者，所以對於偏修長既鞋型比較敏感，本身修長既Last加埋啡Grain leather撞Navy Suede，對於我黎講我會認為Fancy左啲。

咁每個人對皮鞋既接受能力都唔同既，我身邊好多朋友連Wingtips都覺得Fancy。

全港最平西裝係咪荷李活
只著兩次 所以想盡平
唔該哂

咁上下既shirt咩牌子會有?

「呢對屬於Loake既1880系列，呢個系列既皮向來都唔差，個人認為同Cheaney差唔多。呢個對比Andres Sendra既 Scotch Grain會略勝一籌。」

我唔知係咪我誤解啦，但我睇落去就字面上解讀好容易令人誤以為Loake既皮革用料比Andrea Sendra好。

然後我覺得你對「英國皮鞋」可能存在一d誤會 英國皮鞋不論成鞋定訂造，都有修長既派系，John Lobb Paris (Lobb家族孫輩二男有為John Lobb Paris製楦部門工作，亦大部分於英國製造，故定義為英國皮鞋）2字頭既楦、Gaziano & Girling、Crockett & Jones 348、358楦等、George Cleverley Long nose等；平一點的Barker、herring shoes都有大量修長既楦形。訂造方面，George Cleverley、G&G、Nicholas Templeman等都係傾向修長既審美傾向。

而短既派系例如Edward Green、Forster & Sons等，即使做得短，成品也大多比較classy、斯文，而非Chunky。

只有Trickers等做country shoes為主，又或是Loake（部分系列）、Sander（部分系列）等會把鞋楦楦形做得比較Chunky、country，從細節上去睇，單論圖中呢對Loake，360度welting即使佢唔「長」，較寬既鞋邊同鞋爭都welt埋呢件事已經會令對腳睇落好肥好大對。

重申多次，我作為一個用家去評論，分享我既用後感。我認為Loake1880既皮革比起圖中Andres Sendra既Grain Leather質量較好。

我認為「英國皮鞋」既定義都可以好廣，如果由「品牌」「Handmade in England」、「Last」等等方面都未必可以完全定義到「英國皮鞋」呢四隻字。又或者咁問，Clarks屬於英國皮鞋嗎？如果上圖呢對Andres Sendra變左英國製作同英國品牌，同時Last同款式不變，又屬於英國皮鞋嗎？

我認同你講英國皮鞋有修長派系，尤其係G&G大部分都係修長為主。但修長呢個派系係咪真係可以代表到「英國皮鞋」呢四個字？講到「英國皮鞋」呢四個字我會先諗起Edward Green既Last202、Tricker's既Last4444、Last4445（Trickers出名既Country Boot）、Loake既Capital呢類鞋型。Edward Green亦形容Last 202係「Round-toed and classically English」。我會認為定義「英國皮鞋」會用呢類Last比較貼切，亦係你講既短打派系。而修長派系係唔係英國皮鞋既Signature？我相信絕對唔係；相反我會認為修長派系更常見於西班牙、義大利。

「John Lobb Paris 2字頭既楦、Gaziano & Girling、Crockett & Jones 348、358楦等、George Cleverley Long nose、Barker、herring shoes「其實Herring咪又係一堆廠代工」、George Cleverley⋯⋯⋯」我唔會話你所講呢堆嘢唔屬於英國皮鞋，只係覺得頭先提及「短既派系」更加貼切。點都好，你我太執著呢4個字應該點樣定義，最後只會變成捉大家字蝨。咩係真正既Signature？咩係主流？咩先係英式皮鞋？又應該由邊個定義？而我指既「英國皮鞋」只係「一般大眾對英國皮鞋既刻板印象」，當中我係冇否定過修長派系唔屬於英國皮鞋。

講番呢兩對鞋，我由始至終表達既係，Loake既Capital Last比較英式，Andres Sendra既款式同該款Last相比之下會較為Fancy。更何況Andres Sendra主要係做Patina為主，本身品牌都比到人一種Fancy既感覺，當然獨立黎睇，相比佢大紅大紫既Patina就當然唔算Fancy啦。

而肥大呢個問題，相比起你所講既Country Shoes所用既Storm Welt先係真正既Chunky，同埋360Welt主要都係影響皮鞋後半部分既觀感（後踭部分），所以唔認為係致肥既主因。

睇到你打既皮鞋知識就知你係一個識鞋之人，重申多次，你講既英國修長派系我係絕對認同，我亦無惡意，純粹討論。

Edward Green 202 Last

「我認為Loake1880既皮革比起圖中Andres Sendra既Grain Leather質量較好。」

👆🏻Do not agree👆🏻

我認同你講英國皮鞋有修長派系，尤其係G&G大部分都係修長為主。但修長呢個派系係咪真係可以代表到「英國皮鞋」呢四個字？講到「英國皮鞋」呢四個字我會先諗起Edward Green既Last202、Tricker's既Last4444、Last4445（Trickers出名既Country Boot）、Loake既Capital呢類鞋型。Edward Green亦形容Last 202係「Round-toed and classically English」。我會認為定義「英國皮鞋」會用呢類Last比較貼切，亦係你講既短打派系。而修長派系係唔係英國皮鞋既Signature？我相信絕對唔係；相反我會認為修長派系更常見於西班牙、義大利。

短不等同於Chunky，Edward Green就算係202 606都不會有這種觀感，再者商品描述還商品描述，如果短圓鈍先可以叫英式，咁攝政王年代既野同1800年代已Tuczec時期帶起既風格又是甚麼？到底咩先叫English？

正如你話意大利更常見修長，Firenze 四大家除左il micio 無一個係長既，長果個仲要係日本人、羅馬最大朵Marini 短到無倫、 Silvano Lattanzi短、Paolo Scafora又係多數短、Botoni又係短；數極出名既除左Bestetti都無得幾多個長，真不見得短既有幾咁少見，上面每個都係意大利大大粒既大朵。

至於西班牙，本身就係抄黎抄去，講多無謂。就楦形上黎講，我向來不同意以國家去區別，否則好容易產生誤解。即使係歸納不同國家不同品牌既皮鞋楦形時，我地都唔會用長短、寬窄去描述，因為不論意、英、日、法邊度都好，都會有長同短既楦，而且太粗略粗疏。

講番呢兩對鞋，我由始至終表達既係，Loake既Capital Last比較英式，Andres Sendra既款式同該款Last相比之下會較為Fancy。更何況Andres Sendra主要係做Patina為主，本身品牌都比到人一種Fancy既感覺，當然獨立黎睇，相比佢大紅大紫既Patina就當然唔算Fancy啦。

依家係二揀一對比兩對鞋，相比起Andrea Sendra，對loake既配色不是更fancy嗎？再者個Last，呢個只係普通到不能再普通既soft chisel，我就唔會用fancy呢個辭去形容喇。

而肥大呢個問題，相比起你所講既Country Shoes所用既Storm Welt先係真正既Chunky，同埋360Welt主要都係影響皮鞋後半部分既觀感（後踭部分），所以唔認為係致肥既主因。

淨係個爭同條welt都大一圈啦

202我見過摸過都唔止一百對，唔洗貼圖俾我睇啦

至於西班牙，本身就係抄黎抄去，講多無謂。就楦形上黎講，我向來不同意以國家去區別，否則好容易產生誤解。即使係歸納不同國家不同品牌既皮鞋楦形時，我地都唔會用長短、寬窄去描述，因為不論意、英、日、法邊度都好，都會有長同短既楦，而且太粗略粗疏。

👆🏻補充，呢段既意思係，係歸納國家特色時會避免用長短寬窄去描述，而會用例如：「線條較為棱角分明、線條較緩」、「鞋面到腳背坡度大、小」、「剛陽、溫潤」、「鞋不同區域比例」之類既方式去歸納。

而描述個別廠、匠人時則會用上長短，因為涉及個別審美傾向，同時會用更具體既描述，例如：「Forster & Sons 的訂製傾向把外側孤度做大，形成香蕉形的既視感」、「George Clevery訂製把Chisel toe發揚光大，Vamp偏短但收得急，鞋後半及開口比例傾向偏長」、「Masaru-San 製作的鞋履，線條流暢而帶有大量曲線，有攝政王時代的審美傾向，楦型偏窄偏長，看起來精巧、細緻。」、「Yohei Fukuda製鞋時，尤其方頭，前半部甚有George Clevery風格影子，但後半則更類近於John Lobb London，或許與他學習的製鞋時到英國研修有關」、「Roberto Ugolini的楦形線條變化非常大，而且棱角分明，方楦頗具剛陽味，圓楦則多較鈍」、「Stefano Bemer過世後店內承襲其生前風格，楦形線條變化巨大，鞋邊偏粗且配合低密度齒壓痕，延條上低SPI粗線，整體剛感十足」etc.

兩位鬧得咁用力，做細又有機會學野

唔覺係鬧喎！係Feel到兩位對學術研究嘅果分執著、與渴望 。

我都係個句啦，我係作為一個用家去評論，講出我既著後感。我冇講過Loake用料好過Andres，純粹以一個用家去分享Tarantula呢個款既皮革好過Andres既Scotch Grain。亦唔知點解你會誤解左我用Shoe Shine去分辨塊皮得唔得，我都係比個溫馨提示d會玩Shoe shine既人。或者你都摸過對Tarantula 100次啦，個Last塊皮好唔好就真係見仁見智，如果下下將個標準擺到上John Lobb CJ Edward Green，你估個個有Buget買對5K以上既鞋咩。

同埋由頭到尾我都冇講過短就等同於Chunky，一直我都係講緊Tricker's Country款既Storm Welt睇落先叫Chunky，360welt Chunky與否你我睇法唔同，無謂深究。

你話『我向來不同意以國家去區別，否則好容易產生誤解。』咁其實所謂既英式係乜野？你所講既『短既派系』Edward Green又屬唔屬於英式？定係好似你所講，唔應該用國家去區分，所以根本就唔存在所謂既英式法式乜物式。

睇你講完一堆歷史，的確你係可以證明到英國都有好多樣化既款式同Last，同樣法國意大利一樣有我所講既『圓短鈍』，所以即使係Edward Green既Last 202都唔可以叫英式？你話佢只係一個商品說明，我既睇法係，一個百幾年既三大英國鞋廠話呢個Last係Classically English，咁唔叫『英式』應該叫咩？

你寫出黎既理論我明白，的確就算係英國鞋廠都可以出好Fancy既皮鞋，好似Barker既Creative咁（唔係好識欣賞），好似你講既Marini同Botoni，撇除Patina一樣可以做得短身同Classic。

但我相信現實就係，當一對Edward Green既202 Last咁既鞋型擺係一個著開皮鞋既人面前...


我諗絕大部分人就算唔睇牌子，都會認為呢一對係一對『英式皮鞋』。

我Post圖純碎係照顧一下唔知Last 202係咩樣既人，始終呢度唔係得我地兩個人，同埋唔係個個都好似你咁摸過對202 100次咁多，擺相俾到Hard feeling你同你講聲Sorry。