「發生咩事?」夫婦倆聽到那聲「砰」,同時「啊」了一聲。
阿牙搖了搖頭,「你地自從個一晚發生怪事之後,有冇一晚停過?定係有持續發生?」她問。
「冇⋯⋯一直都有怪事,只係我地講俾你地聽個啲比較深刻。」劉先生說。
舅父走進房間,拿起那塊佛牌仔細看著。
「睇黎呢個佛牌一直幫你地剋住啲鬼。」他說。
阿牙看著佛牌和牆壁,再凝視著舅父,說:「睇黎隻鬼係我地走之前都唔會再出現。唔知你地介唔介意我地今晚係客房度訓?」
「當然求之不得啦!」他們說。
「阿牙,我地唔好打攪人地啦。」舅父說。
「唔打攪唔打攪!最好你地可以留係度!」劉太太說。
阿牙走近舅父,伸手來拍了拍他的背。他的手旋即一震,手中佛牌跌在床頭。
「我地有多張碌架床可以放係客房。你等等下,我拎出黎。」劉先生說,轉身走入儲物房。
「今晚想請你地唔好鎖門,我地有可能會入黎捉鬼,總之再發生啲咩事就請你地大嗌。」阿牙說。
舅父回過神來提起右手,閉上了眼,口中唸唸有事的說了許多。
阿牙馬上看到一個金黃色的圓拱形屏障圍繞著他們的床慢慢形成,心想:「睇黎舅父啲咒語都幾勁。」
半夜睡著的時候,阿牙忽然覺得一陣酷寒襲體,醒了過來,血脈隨之而賁張沸騰,那陣酷寒立刻消失。
她一睜眼,只見一個女孩伏在她身上想要跳開,阿牙冷笑著抓住她的足踝,她吃驚慌張的轉過頭來,一雙眼珠眼白全是漆黑色的!