所以想同大家分享下 亦希望大家都分享下自己心得
普通內衣
首先68 個人建議 無論你有波無波 即使係aa都好
都儘量少著68既bra
如果你間唔時著下tee想襯下靚bra帶著
咁一次半次都可以 但千萬唔好當係正常bra著
首先佢無乜承托力 托唔住個胸
另外佢啲杯一般都唔夠大 包唔到肉 著耐左啲肉就會飛哂出黎
副乳一定會有 而且變八字波 肉會走哂去個背到
總之就唔好著
triuxph／wacxal
普通內衣黎講佢都可以
始終係專業內衣牌子 唔會太差
不過唔會有咩矯形效果 建議胸形定左既人先著會比較好
而且佢質料都嘗算舒服 時間唔係太耐既話亦唔會點變形
一分錢係一分貨既 兩隻牌子都唔平
普通內衣方面我並無太多經驗
因為自有胸以黎我都一直搵緊矯形內衣
因為以前細個唔識揀
阿媽買咩就著咩 加上佢有朋友整內衣 成日拎返黎比我著
而個啲內衣其實係完全唔適合我著
但一著都著左成個中學時期 所以去到大學個陣個胸已經走哂樣
於是搵到part time以黎 自己一直都想搵幫我矯到形既內衣
以下係少少唔同牌子既心得
bodxbra
無錯呢間亦都唔建議大家哂錢去試
首先佢d bra好快變形 自問都手洗手曬好鍚bra 亦都放得好好
但佢唔夠兩個月已經開始變形 根本唔岩著
其次係唔好比佢啲碼呃到你 全部碼都係打飛機
平時我都係著開C 去到佢拎個G比我 話我一路著錯碼
大佬呀你唔好咁痴線啦
兩個蘋果你又話係兩個西瓜 咁真係G個啲人去到你到個碼都變Z啦大佬
籃球咩家陣
所以唔好聽到個sales話其實你個cup好大呀點點點而覺得開心
胸大其實唔等於靚 胸形靚個啲先叫靚
再者佢地其實唔care幫唔幫到你矯形 而係不停叫你買多少少或者買package
而忽略有啲bra其實個客根本唔啱著
最後係佢d sales其實根本唔識教人著bra 亦都唔識幫人揀
因為我都蠢過 買左package 唔買哂又好浪費 但覺得身一間個sales唔太好
於是前後都去左三間 你老母三間啲sales都一尻樣
每次都叫我買多啲 又亂咁教人撥肉
無錯 的確佢d bra著起黎會幫你將個胸夾到好大
但可以好肯定話比你知係一啲都唔好睇
你將全部肉撥哂去胸中間 其實有d肉根本唔屬於胸個個位
你可以夾到個胸好大 但你著埋衫之後會好核突 成個人會好厚好醜樣
satamx
款式唔多 簡單為主 但功能都可以
去得呢啲矯形內衣店你就預左要比d sales姨姨睇
無得怕醜 不過叻既姨姨真係可以幫你搵到岩你既bra
個陣去既時候試著就已經見到一著上身個胸推返埋中間
係大左 副乳位都可以包到
但係有個問題就係佢好快會走位 唔keep得好耐
頭幾日買完個sales幫我教左位 但兩三日就開始走位
自己教完無耐佢又會走位 keep唔到好耐
同埋你著上身個陣個形係ok既 但係唔著就無用 淨係著住先有效果
而呢個著左先有既效果唔係我想要搵既野
braologxe
去完呢間真係好火 d sales西口西面 問一句搭一句
入到更衣室佢就咁睇一睇就拎個bra比我試
無同我講解下點著點推 咩size
其實d矯形內衣再差既都會將你成個胸d肉推埋一齊
所以你如果唔太識睇既話你一黎見到自己個胸大左好多就覺得好似好有用
所以著上身都係見到d肉推埋左胸中間
咁我就話想試多個 佢話再試多個d size都係一樣 試多個都一樣
話佢做得耐一睇就知道你係咩size 唔使再試....
最後我係買左一個試試效果 但比錢個陣只係純粹問下佢學生有無咩優惠咁樣
佢一句就話d package二三千蚊架 你買一個算啦
佢老母 好似我無錢比咁 你又唔比我試多次 咁我梗係唔買多啦
唔岩著又格硬買咩唔通
蔡太
比錢買難受 係咁比人鬧
你唔會知自己著咩size 佢比咩你著咩
佢仲教你唔好推
但其實間間內衣店都教你推
其實你個bra就咁著上身d肉根本唔岩位
唔推既話其實就只係可以搵個肚兜遮住個胸咁
唔會幫到你矯形
同埋佢成日叫人買橋同背心 老實我就覺得無咩用
加上佢個到私隱度好差
試衫容易比出面等個d人都見到你個胸 好尷尬 以後唔再去
mode marie
呢間係我最後一間試既內衣店 已經著左兩年幾 返唔到轉頭啦
佢d bra真係功能一流 唔好期待好舒服 矯形內衣點都有少少緊身
但著耐左其實無乜野 唔會痛唔會緊到勒肉
而佢既bra係真係幫你將d肉撥返去中間 而且副乳位包得好好
亦都將背既肉推返去前面
我著左成個月都無乜點變形 但我都有聽話定時返去比個姨姨幫我教位
而且佢大動作都唔會點走位 肩帶都唔會跌
其次係佢鋪頭既sales真係好好 我係去開沙田店
第一次去試個陣其實我係比較中意無鋼圈同埋埋淨色既bra
著左上身之後個姨姨就話唔岩我著 我要著有鋼圈先矯到形
仲拎左3,4個比我試 話試到岩身先好買 話bra好貼身唔好亂買
真係好感動 第一次遇到唔逼我買野既內衣店
然後個姨姨仲教我推肉 不過佢唔係叫我將d肉推去胸中間 而係推上鎖骨對下
因為原來長期d bra唔岩著 鎖骨下d肉已經跌哂落去同走哂去背到
所以個bra著上身條肩帶有時掂唔哂d肉就係咁解
胸大細真係唔係話最重要 最重要真係個胸形
著左半年左右我已經明顯見到d肉返返去前面 背肉薄左 副乳都收左70％
之後我就一直長期係呢間都買了
搞到好似廣告文 但真係唔係
有少少長 不過呢到係接近五年既心得
大家都可以係到分享下唔同牌子同自己既心得
