(校園、穿越、奇幻)今年我三十三歲,回到了1998年(12)

放學的時候，布正麗再次自作主張，說我請自強會的會員食壽司。

我不滿道：「喂！阿姐，你今日屈我請食威水飯食咗成皮幾野！我贏番嚟嗰啲差唔多無晒架喎！」

布正麗道：「你贏番嚟嗰啲係不義之財，污糟架！洗晒佢咪仲好。」

「錢邊到有分乾淨同污糟架？」

「喂！其實你扣咗幫榮仔老豆還錢嗰三十萬仲淨番幾多啊？」

我從褲袋掏出了那疊鈔票，細數道：「得番一萬蚊左右。」

驀地布正麗兩話不山說，一把從我手上奪去了那疊鈔票，然後轉身走去。

我一時間不為意，被她搶去了一萬多元，立時從後追趕。

我比她跑得快，在四樓的走廊盡頭已經追上了她。

我見她氣喘吁吁的樣子，笑道：「妳無跑開步，唔夠我快架？唔好玩啦！乖啦！快啲畀返我啦！」

布正麗喘著氣道：「依啲不義之財嚟架！一係我幫你放入自強會到做會費啦！」

「唔好玩啦！我咁辛苦先贏場波，嗰一皮野畀我紮袋啦！唔該！」

倏地，布正麗把那疊鈔票由衣領塞入去恤衫內。

我瞠目結舌道：「妳…」

布正麗挺起了胸膛，一臉得意道：「依家你攞唔到啦！」

我唬嚇道：「妳睇死我？我癲起上嚟，我唔知自己做啲咩事出嚟架！」

布正麗扠著腰，瞪大著眼睛道：「你敢。」

我舉起了發顫的手，猶豫了一會，最後還是頹然道：「又話啲錢污糟，妳又擺晌心口到。」

布正麗現出勝利者的笑容，拍了我的肩膀一下，道：「我為你好咋！你今次贏錢係好彩，唔係次次都咁好彩架！唔好再賭喇！」

我咕嚕道：「仲敢賭咩！贏嘅都畀妳幫我散晒佢，真係終極無癮喇！」

本身有2萬幾明明係自己錢黎
而家賺完仲要倒蝕俾布甸變月光族

點解會得返一萬?唔係六十萬減三十萬咩？就算減埋房沙展啲錢同請食飯啲錢都應該唔只咁少喎

布甸咁快就管住大鳩志

管家婆

布甸幫志仔儲錢

春巴呢排狀態好咗，唔好理其他人講咩，最緊要自己寫得開心，出問快慢唔係一個問題，人地催你都係因為你寫得吸引想繼續追落去，加油

每日睇完先訓
多謝春巴

睇得好開心

成皮野買布甸 抵啦

比成皮野波都無得揸？
靚女都唔值

今集好正
布甸

機會黎啦
大鳩志仲唔趁機滾布甸上床

肥佬阩偷哂

樓主

無得食仲話抵

房沙展有25萬街數

咁就好笑

點解會得返一萬?唔係六十萬減三十萬咩？就算減埋房沙展啲錢同請食飯啲錢都應該唔只咁少喎

代入咗游大輝個角色？
理解能力低咗？

Good !!!~!

勁慘囉贏返嚟啲錢冇晒

唔知邊位咁有毅力

堅持每個回覆都負評

應該唔會咁快