(校園、穿越、奇幻)今年我三十三歲,回到了1998年(12)

加油，我都追咗你文好耐，慢慢嚟
我每日都會入嚟，有文我就睇，無文我就等，直到大結局

有時都會發現線索，就好似靜宜，我發現完探索緊，未有進展

pish

push

推下先

Chapter　９３　新學年

今天是九月一日，新學年的第一天，有些熟悉的舊臉孔離去，同時亦有一批陌生的新臉孔加入，我們由中四升上中五，會考過後，下一個學年又會有多少張舊臉孔留下？

經歷了一個充實又難忘的暑假，再次投入校園生活裡，今年升上中五，這學期在四月初結束，四月尾便開始會考，如果要在會考取得好成績，未來的八個多月便要利用時間好好溫習。

新學期，我穿上了新簇的校服去參加開學禮，校長與教師們依舊如錄音機般在台上說著冗長又重覆對白；台下的同學大部分都未能從放縱的暑假調節回上學的生理時鐘，表情呆滯、雙目空洞，視線失焦地投在別處，聽到其他人鼓掌，便如機器一樣跟隨附和。

升上中五後，同學可以選擇棄讀一科，只要符合最少的六科報考要求便可以了，我們的４Ｄ班內總共有七位同學棄讀化學科，原因並非他們厭惡這一科，而是厭惡教授這一科的導師，我已經棄讀了物理科，不能再棄讀其他科，而且我在這一科的學分挺不錯，儘管那個亁澀的老女人很煩，我還是要上她的課。

參加完在禮堂舉行的開學禮後，回到班房，李老師為我們編排新的坐位。

中四的時候，李老師安排宛琳珊坐在我的隔離，有些美麗的東西在身旁，精神亦較爽利，可是現在我隔離位由宛琳珊換成了成敏研。

說起成敏研這位比我年長三年的女同學，從前她總是向我表現出淡淡的情意，可是近幾個月來，她對我並沒有往日的熱情，現在我的性格有很大的轉變，成熟、進取、自信，這是真正男人應該有的特質，可能往日我那種缺乏睪丸酮、做事畏首畏尾的奶油小生特質激發起她的母性，所以她對我產生愛慕，現在我已失去那種吸引她的那種特質，所以她亦對我興趣漸失，當然以上只是純屬我個人的推測。

上屆學生會即將卸任，學生會的主席及內閣將會留待給其他有興趣的同學去競逐。而自強會亦面臨相同的問題，自強會的主要幹事及我這個會長在明年四月便要參加會考，儘管明年我們能夠原校升讀中六，在這段時間自強會亦會出現真空期，為了維持自強會的日常運作，人手亦要作出相應的安排，我之前平白為自強會捐出了一萬元創會會費（已經在暑假花掉了大半），當然不能按照學生選舉的方法，一人一票隨意去選出新的主席。

有文推呀！

之前暑假曾經參加過社運遊行，經我觀察除了陳依官之外，其他人大都是政治冷感，他們覺得遊行是浪費時間、是滋事份子聚眾生事的行為，還是趁著暑假去玩、當暑期工賺錢、溫習更為實際。

暑假的某天，我與自強會廿多名成員參加遊行。

矮仔文問道：「會長，我地咁樣跟住人行，叫口號有咩用呢？」

「我地有權利表達自己嘅意見，要求政府聽取我地嘅聲音。」

飯桶武恍然道：「哦！之前我見政府收地，班圍村佬又擲石油氣罐、又攞木棍，話文有文鬥、武有武鬥，我地駛唔駛學佢地啊？」

我莞爾道：「咁又唔駛，我地依啲新手，採取和理非嘅策略，跟住人行、叫下口號，最後唱幾首歌，畀啲掌聲鼓勵下自己，就可以收工喇。」

飯桶武訝道：「大…唔係會長，我地咁樣好似似示弱多過示威喎？政府會咁好人咁樣就聽我地嘅說話咩？」

連飯桶武這樣的智商也明白到這個道理，但十多年後的香港人還是…

矮仔文道：「唏！飯桶武你知啲咩喔？我睇新聞啲議員都係咁樣做架？依啲遊行即係同政府晒馬，話畀政府聽，我地有幾多人唔妥你。」

飯桶武問道：「咁如果政府都係唔聽呢？咁應該點啊？」

矮仔文瞧向我，我道：「咁就畀啲掌聲自己，下次再出席囉！」

飯桶武問道：「會長，點解咁多人攞住個箱喺到問人攞錢嘅？佢地係乞衣嘅架？」

矮仔文應道：「緊係唔係啦！佢地擺明收緊陀地啦！嗰個支旗有隻禾花雀嘅字頭，我成日晌電視見到，應該係大幫派嚟架。」

飯桶武問道：「會長，你諗住學依啲政黨，下次輪到插地插旗收陀地啊？」

楊鳳瑤聞言訝道：「成皇志，你諗住做政棍啊？啲政棍淨係識呃人架咋？嗰陣選區議員禮義廉叫我阿媽投佢，投完佢，佢贏咗選舉，之後連影都唔見啊！」

管佳莉道：「聽講做議員人工幾好架！有啲議員有幾萬蚊人工架！」

我笑道：「大家誤會喇！我地今次參加依次集會，只係了解下咩係遊行集會嘖！」

布正麗問道：「其實你爭取嗰個十五年免費教育有咩用啊？政府就算肯聽你講，佢地做野不嬲慢，到咗落實，到時你隨時抱緊孫啦！」

我笑道：「咁起碼我為我個孫成功爭取到喔！」

楊鳳瑤不耐煩道：「仲要行幾耐架！下次再有依啲遊行，我唔嚟架！我討厭政治架！」

楊鳳瑤的取態，相信代表了很多同學的心聲，但這次遊行並非完全沒有得著，以中學生的角色參加遊行，成功得到了一些政黨和傳媒的關注，讓大眾認識到有自強會這個學生組織的存在。

為了要把持住自強會會長的位置，我決定提出修憲，這是當初明明確確寫在會章上的，我這個會長可以實行這樣的權利。

當然我要像那些高官修飾一下用詞，再裝模作樣一番。

我道：「眼見自強會逐漸茁壯成長，為咗配合自強會往後嘅發展，我認為自強會嘅架構有重組嘅必要，經歷咗暑假嘅活動，我相信各位同學都建立咗深刻嘅感情，但係我地終會有離開依間學校嘅一日，我希望自強會成為連繫大家之間嘅一個橋樑，所以我決定允許離開咗學校嘅舊校友可以繼續成為自強會嘅成員，當然要定期交會費啦！仲有我地自強會會遍地開花，同其他友校組織結成聯盟，依一個係複雜而艱鉅嘅任務，唔係一朝一夕可以完成，所以我建議要保留番原有各幹事嘅職位，升格為自強會委員會，依個委員會亦都會再作擴充，另外我地會增設其他職位，而秘書長嘅一職係去實行自強會嘅日常識務，而總書記係每年經委員會考核出三四位有能力嘅成員，然後經各會員一人一票投票選出嚟，經過會員投票出嚟同委員會嘅核實，秘書長係得到廣泛嘅認受性。」

大多同學的政治敏感到不足，他們對我這個提議沒有表示任何異議，這亦難怪他們，這個年紀的同學思想大多很青澀、單純、機心不重，沒有察覺到我的企圖。

我篩選了三個人選給其他同學投票，其中一人是曾倩平的妹妹，名叫曾倩儀，曾倩儀與姐姐曾倩平一樣，都是一個沒有主見的人，她儀表端莊、有親和力，和其他同學要好；另外兩人分別是矮仔文和另一名中四轉校生。

結果並沒有懸念，曾倩儀高票成為自強會吳林紫娣分部的秘書長，而我亦安排矮仔文、飯桶武及一些可以信任的同學當新一屆的自強會社幹事。

曾倩儀當選後，有點羞赧道：「我唔知做唔做得嚟？」

我拍了拍她的肩膀鼓勵道：「畀啲信心自己，其他會員投票畀妳，就係相信妳嘅能力，仲有我地會全力協助妳架！所以妳放心，畀心機就得喇！」

曾倩儀點了點頭，成為了自強會吳林紫娣分支的第一任秘書長。

其實曾倩儀的擔心有點兒過慮，實權和財政方面牢牢在我手中，她不過是掛名的代言人。

文呀

文呀

之後為了自強會進一步的擴展，我與陳依官商量，我道：「依官，依家游大輝喺佢學校已經成立咗自強會嘅分支、而隔離尚天同五釀丸都有啲眉目，但係我覺得淨係得學生嘅自強會，力量唔係好夠，我想搵埋曾經讀過吳林紫娣嘅校友。」

我見陳依官一副欲言又止的樣子，便問道：「依官，你係咪對我嘅做法有啲咩意見啊？我地中一已經識，你有咩意見唔怕講喎？」

陳依官道：「成皇志，其實自強會成立咗幾個月，擴展嘅速度已經好快，尚天同五釀丸啲同學仲以為我地係吳林紫娣嘅學生會啲人，你依家…好似仲把持成個自強會咁，我唔係話你咁做唔啱，你為自強會做咗咁多，咁樣做都好應該，但係會唔會做得太多呢？我當初以為自強會只係一個好單純嘅課外活動團體，但係依家好似唔係。」

我搖頭道：「依官，一個組織成長得最快嘅就係初初成立嘅時候，我地要趁住勢頭好，順勢而為，或者你可能覺得我急功冒進，甚至覺得我好功利、好有機心，但係依個社會好多野講人事講關係，我地建立到更多嘅人脈，力量就會越大，自強會先更加有影響力，我地先可以幫更加多嘅人，我成立自強會嗰陣，就唔係將佢當成一個課外活動團體咁簡單，我希望組織起唔同嘅人，建立一個有影響力嘅團體，可以去做一啲我認為係對嘅事，如果無依種力量，無論係幾咁崇高嘅理念，我地都係無法實行。」

陳依官聞言久久未能言語，良久他才道：「你變咗好多，好深不可測，我唔知你能唔能夠做到你口中所講嘅野，我亦都唔係好理解，但係你有種魅力去令我相信你，你想我點做喔？」

我道：「首先我想聯絡啲舊校友，睇下佢地有無興趣加入自強會，有興趣加入就定期交年費，另外我想成立校園小記者，定期報導一啲學校同校友嘅事，人手你去安排啦！」

之後我發現自強會內有一些懂得寫網頁的電腦好手，於是我要求他們嘗試為自強會寫網頁，雖然網頁的內容很簡單，但自強會總算有自己的網頁。

我還計劃參考學聯向有關當局申請自強會為法定組織，不過這要看陳依官聯絡校友的進展再作決定。

support!!

有文呀

呢幾篇有少少悶

應該都係鋪緊之後既野
睇黎會有唔少事發生

大鳩志好有野心

孫權同斌仔加入男兒當自強

好多文呀，多謝春巴