(校園、穿越、奇幻)今年我三十三歲,回到了1998年(12)

布正麗冷哼一聲，道：「死妹釘，妳顧掂自己先啦！」

楊鳳瑤怒道：「死妹釘妳叫架？」

兩人互相對視著，我道：「時間寶貴，兩位可以開始未？」

我為兩人講解了一片，再解一次題，然後要兩人嘗試解答。

初時，我還擔心布正麗跟不上我們，但豈料她的進度挺理想，與經常溫習的楊鳳瑤相差不遠。

楊鳳瑤訝異布正麗居然和她一樣可以答中題目，不忿道：「你地理科生，喺數學有優勢。」

布正麗道：「吓！我上堂唔聽書，返到屋企又唔做功課，如果唔係數學唔合格要留班，我都唔會溫書，其實啲數學都唔係好難嘖！有幾日時間應該溫得切，合格唔大問題。」

布正麗這番充滿自信的說話讓楊鳳瑤感到受傷害，道：「妳太過樂觀喇！咁啱依一課淺嘖！」

布正麗瞧了瞧楊鳳瑤，道：「做咩嘖！成日潑我冷水，踩親妳條尾啊？」

「今次數學考試妳敢唔敢同我鬥高分，邊個贏咗可以叫輸咗嗰個做一件事。」

布正麗現出奇怪的表情，訝道：「做咩嘖？無端端鬥高分？」

「妳驚啊？」

「怕妳有牙啊？鬥咪鬥囉！妳輸咗唔好唔認數。」

我瞧了瞧兩人一眼，並不明白為何她們突然之間要打賭？不過我覺得這種打賭可以激發起雙方的鬥心，為了一口氣她們一定會拚盡，好使自己能夠壓過對方。

楊鳳瑤與布正麗的打賭，不禁讓我回想起，之前我亦與楊鳳瑤在數學的考試上比過高低，最後我贏了，奪取了楊鳳瑤的初吻，但我的舌頭差點被她咬斷。

好多文

好多文
春巴保重身體

多文

好正
春巴文係連登最正

推

「死妹釘你叫㗎？」

啫係剩係成皇志可以叫？

火藥味好濃似乎爭仔爭到出曬面

楊小姐呷緊醋，布甸姐有點兒後知後覺

好多文 春巴快啲好返！

未

睇咗三舊水醫生

辛苦啦春巴

輸左要同成皇巴拍一日拖

楊小姐你輸硬

布甸姐你讀理科
數學肯定有絕對優勢

好多文呀 , 不過之後要抖抖?

垃圾mk 妹讀文科理科都一樣架啦
等阿叔幫你補生物啦

計下微積分先再講

楊小姐你輸硬

計下微積分先再講

我諗要計微積分的話布甸九成都會完勝你

Chapter　９２　暑假前夕

期終試分八天進行，橫跨了兩個星期。

對於那些不太著重成績的同學來說，考試要比平時上堂還要好，因為考試只是在上午進行，下午的時候是屬於自己的。

這天的上午，剛剛考完中文。

我們從三樓由籃球場改成考試場地的體育館步出。

曾倩萍向管佳莉抱怨，道：「莉莉，我頭先唔夠時間，最後嗰條長題目做唔切啊！」

管佳莉安慰道：「唔好擺喺心上面啦！倩萍，我地食完飯去溫聽日嗰科啦！」

姚智風、霍去登等人聚成一團，林海原提議下午去唱Ｋ。

黎早強道：「喂！小西杰，你去唔去啊？」

郭左杰道：「我唔去喇！你地玩得開心啲啦！」

黎早強瞥了郭左杰及他身旁的盛衣貝一眼，臉上現出一個意義不明的笑容，道：「ＢＩＯ下個星期先考，咁快就要溫定喇！」


盛衣貝聞言，臉頰昇起了兩朵紅暈。

郭左杰瞪了黎早強一眼，狠狠道：「收你個口啦！黎早洩。」

何敏傑打量了四周一眼，道：「阿祥呢？」

林海原道：「佢同宛琳珊去睇戲。」

姚智風問道：「喂！大鳩志、依官，你地去唔去啊？」

我與陳依官均搖頭表示沒有興趣，姚智風道：「你地又去溫書啊？聽日考英文，邊有得溫架？更何況依個考試考到識飛都無用啦！出嚟搵工，鬼得閒睇你今次考成點咩？」

霍去登再作出呼籲，道：「有無人想去唱Ｋ？最後一次召集。」

成敏研與方詠珊二人舉手表示有興趣。