春泥
2018-01-26 01:18:20
榮仔的問題得到了完滿解決,我的心神放在快要來臨的期終試上。
距離期終試只有一星期,老師們的變化最為明顯,他們比平常緊張,把握課堂上的每分每秒去追趕進度,可是大部份的同學依舊維持平日的習慣,平常看漫畫雜誌的繼續去看漫畫雜誌;平常睡覺的繼續去睡覺;有些同學感受到老師的轉變,嘗試抖擻精神去聽課,但由於之前大多時間沒有留心上堂,這時候突然插入,當然聽得滿頭問號,勉強了十分鐘,發覺不對勁,覺得還是去找周公實際一點。
從前我亦是像班上的大部份同學一樣,只在考試前的一兩天才溫習,最後考出來的成績居然是全班十名之內,這樣的結果讓我覺得自己的已經成績很不錯,但我忽略了一點——這只是一間BAND 4的中學,結果在會考的時候只是考取了十一分的成績,連原校重讀的機會亦沒有。
回到1998後,我當然明白到就算在這裡考得了全級第一亦沒有太大的意義,我不是和這間學校的人鬥,而是與全港十多萬的考生去競爭。
春泥
2018-01-26 01:18:32
午飯時,姚智風提議買飯盒到郭左杰的家裡,吃完可以打WINNING,陸泳祥又提議待會放學後去踢足球,林海原等人均表示和議。
陳依官道:「SORRY啊!我唔去喇!我諗住買份蛋治,食完就溫書。」
黎早強道:「駛唔駛啊?仲有成個禮拜先考。」
霍去登道:「咪係囉!考成點都會畀你升上中五架啦!」
我道:「唔係喎!葉松逸同高幹威咪係repeater囉!」
陸泳祥輕蔑道:「講起嗰個葉松逸就嬲喇!repeater係到扮晒勁,上數學堂成日話好淺!屌,你讀過一年緊係覺得淺啦!真係咁撚勁就唔駛repeat啦!」
我聞言有點汗顏,我repeat過一年,而且來年將會參加第三次會考,但我沒有「扮勁」,他們應該不是說我,我毋須對號入坐。
林海原附和道:「咪係囉!條友又唔係真係勁,中英文完全唔掂,英文咪又係同我地一樣讀輔導班。」
我道:「睇見你地咬牙切齒咁樣,你同佢地好大仇口喎?」
霍去登訝異道:「鳩爺,你唔知咩?」
「吓!葉松逸除咗份人串啲、大份啲、個身成陣臭汗味、同埋無乜優點之外,我覺得佢真係無乜野,最少佢無同我有牙齒印,我真係唔知你地同佢有咩過節喎?」
霍去登道:「條友似住自己係repeater大過我地一兩年,就成日借啲意抽啲女水,盛衣貝、宛琳珊都瀨過野。」
我瞥了陸泳祥一眼,恍然道:「咁唔怪知得啦!」
黎早強笑道:「不過之前佢居然唔識死抽布甸水,布甸即刻一巴星落去,啪一聲打到條友成塊面紅晒,仲篤住佢個頭嚟鬧足半個鐘,條友死晒狗SAY SARRY,之後每次見到布甸都要兜路走,依單野全校都知道,無理由你唔知喎!」
「吓!依啲八卦新聞,我真係無留意喎!」
我嘗試幻想當時的情形,這又真的很符合她的性格。