回到5D班的課室,剛才我拳打丁老師再次成為班上的焦點。
黎早強道:「喂!大鳩志,頭先你就威啦!上上吓堂打咗姓丁個柒頭一拳,我都想打條仆街好耐架喇!條死肥鬼成日覺得自己好有型,又唔知自己中年發福,著咩上身都遮唔到個肚腩。」
姚智風揶揄道:「嘩!黎早洩,原來咁唔滿意個肥鬼架,咁你頭先又唔出聲,淨係得郭左杰出聲。」
黎早強氣道:「咩啊!你又唔講下你自己,你夠淨係識坐喺到食花生咯!」
霍去登搭著我的肩膀,道:「嗱!鳩爺,話你係我偶像真係無錯,你打完個肥鬼,我以為你會畀人停學,但係見你依家居然仲喺度,個肥鬼點睇都唔係一個大量嘅人,你究竟用咗啲咩方法,令到佢唔追究呢?」
霍去登的問題,我這個當時人亦難以提供答案,我亦不知道董老師究竟說了什麼話,讓丁老師放過我,而我亦沒有打算在這方面深究,現在我滿腦子都是柳豔,我只希望快一點下課去找她,但找到她之後,該怎樣做?我暫時沒有頭緒。
陳依官幫我解圍道:「我地唔好煩成皇志啦!佢已經夠多野煩架喇!」
***
原本我打算在午飯的時候,離開學校去找柳豔,但是我想到那間叫co co queen DISCO應該還未開門營業,只好打消這念頭。
午飯回校的途中,我碰上了管佳莉,她的臉色緋紅、神情有點羞赧,道:「成皇志,頭先數學堂嗰陣,多謝你幫我解圍啊!我都唔係好鍾意丁老師咁樣做啊!」
那時候,我只是想到丁老師欺負柳豔的畫面,所以才揍打丁老師,並不是因為管佳莉的緣故,但我不想說在這話題上說太多,只是道:「哦!小意思啦!」
管佳莉欲言又止,道:「其實…我知道靜宜去咗英國讀書,佢同你分手,你可能覺得空虛…」
我神情詫異地瞧著管佳莉,道:「SORRY,我唔係好明。」
管佳莉深呼吸了一口氣,才道:「你一直都對我好好,我知道;但係我已經咗Humphrey一齊,所以…」
這時我才明白,管佳莉誤會我仍舊對她餘情未了,想到這裡,我不禁大笑。
管佳莉不明所以地瞧著我,好一會我才道:「管佳莉,其實我真係放低咗架喇!我地係朋友喔嘛!我對妳無任何企圖,我頭先打丁老師,唔係因為妳,而係…點講呢?我同佢有啲私人恩怨。」
管佳莉聞言,有點靦腆道:「哦!乜原來係咁啊!」
我點頭笑道:「哈哈,我知道我以前太過偏執,令到妳好尷尬,其實妳可以同我做返朋友,我已經好感激架喇!」
管佳莉歉意道:「對唔住啊!成皇志誤會咗你。哎呀!我真係好瘀啊!」
人們說失戀最好的治療辦法,就是儘快愛上另一個對象,因為呂靜宜,我淡忘了管佳莉;而現在我滿腦子都是柳豔,呂靜宜離去所引起的愁緒亦同樣淡了。