(校園、穿越、奇幻)今年我三十三歲,回到了1998年(12)

我瞧了布正麗與楊鳳瑤一眼，心裡嘀咕道：「女人呢真係…之前就勢成水火，依家就聯手一齊…欺負我。」

會議結束後，我覺得橫豎這筆錢要這樣用，便對楊鳳瑤道：「喂！死妹釘，妳問下學姐去唔去啦！依啲機會無乜幾何，而且多啲人一齊玩開心啲。」

楊鳳瑤皺了皺眉，道：「依排我都好少同學姐見過面。」

「叫妳叫埋學姐一齊玩嘖！妳唔想叫，唔駛畀埋依啲藉口我啊？」

「唔係啊！」楊鳳瑤現出思索的神情道：「我最近真係好少見到學姐，佢好似好忙咁，我懷疑學姐拍緊拖啊？」

我聞言現出錯愕的神色，道：「學姐拍緊拖？妳見過佢男朋友？」

楊鳳瑤搖頭道：「咁又無見過，不過佢最近多咗打扮，又噴香水、又化妝、又著啲好女性化嘅衫，之前佢都唔係咁嘅。」

「學姐都成廿歲人，打扮下好正常嘖！而且貪靚係女仔嘅天性，有咩咁出奇嘖？」

「唉！最弊嘅係有次我發現佢書包有盒condom，仲要開咗包裝架！」

楊鳳瑤的說話讓我感到很震撼，學姐已經有男朋友，而且已經發展到這麼親密的關係，我的心情很複雜，我的心猛然揪了一下，我覺得口腔有點苦澀，之前她向我表白，我對她亦有情愫，可是當時礙於我與呂靜宜在一起；我和呂靜宜分手後，其實我可以與學姐發展，但我覺得剛剛與呂靜宜分手不久，不應這麼快開始一段新的惑情，我以為可以等待適當的時機，豈料學姐已經有了別人。

其實想深一層，我與學姐從未開始，雙方之間只是有一絲若有若無的情愫，我亦不該太過放在心上，學姐已經二十歲，應該要談戀愛，給人愛錫，我應該調整心態祝福學姐找到一位愛她的好男孩。

離開學校時，我與布正麗同行，我道：「我見妳只係溫咗一個禮拜數學就可以有咁嘅分數，證明咗只要妳努力，就可以做到，仲有大半年先會考，妳係醒目女，只要肯畀心機，依家開始溫書，妳隨時可以升上中六。」

布正麗搖頭道：「我自己知自己事，我都唔鍾意讀書，今次我係為咗唔駛留班，可以快啲出嚟做野，先努力去讀，你依家叫我畀心機讀書，唔玩我啦！」

「成個暑假流流長，妳咪試下讀下書囉！」

「暑假我好忙架，除咗ＣＡＦＥ，我仲打算去阿益叔個拳館幫手。」

我訝道：「幫手，妳去打拳啊？」

布正麗笑道：「唔係，我係去做打雜，幫手執頭執尾，整理下文件、去銀行入數咁囉！之前你叫益叔搞下啲暑期興趣班吸引啲小朋友參加、同埋舉辦啲打拳消脂健美班吸引啲師奶，佢照你嘅說話去做，依家佢拳館生意都唔知幾咁好，所以要請人幫下手，搞下啲文書囉！」

我訝道：「依啲野妳識嘅咩？」

布正麗皺了皺鼻子，道：「你唔睇小我啊？我有讀電腦架！依啲一般文書處理難我唔到架！」

既然布正麗已經有自己的目標，我亦不再多廢唇舌。

別過布正麗後，想到還有兩個星期便要放暑假，回到１９９８後到現在，只是過了九個月，但這九個月之間發生了很多大小小我未曾想像過的事情，不知道之後還有什麼在等待著我呢？

擔心也是沒用，既來之，則安之。

原來個故係紙言已經跌到落廿幾位

之前仲有前十

加油啊 唔好放棄 繼續支持你 好鐘意睇你寫故ga

加油 呢到睇方便

春巴加油 依家淨係追你一個故
呢一部曲描寫青蔥歲月 睇到好有feel

我敢講春巴既作品係最好睇

有無連登神人可以將春巴既故比編劇睇呀，好想睇電視版

排名如浮雲
好故自留人

加油，其實我睇左好耐
先祈唔好停，停左我會抑鬱

認同

Daily push

學姐係雞係公廁

Agree !!!

其實他人唔睇喺佢地洩，仲有我坡睇，我地會一路支持落去

急起上黎，公廁都照去住先啦

推

多謝爸打一直支持

係 好有畫面

出得咁慢緊係啦
4/5日唔睇
先得一兩篇

無文 早抖

唔讀書，唔通布甸要退場了？

盒 condom 會唔會係之前同成皇志用剩架?

要組織一下

可能要過多兩日

慢慢啦 慢工出細貨
我地會等你

Agger