[SPQR]開坑講下羅馬建城以來既歷史

「上一集講到」同「下一集」
好有king sir feel
有聲

King sir講歷史

當Regulus既條件送到迦太基既元老院（迦太基都是共和制）既時候，個個長老個個都哇左出聲。羅馬開出既條件實在太過嚴酷，甚至有人覺得，直接戰敗之後被羅馬統治，可能仲好過接受羅馬既和平。於是迦太基當時仲有少少錢，就決定去希臘既戰鬥民族斯巴達請左位將軍來幫手拆掂個殘局，他個名叫Xanthippus。


Xanthippus好快就重新組織左迦太基既陸戰陣營。他將騎兵放係兩側，凱爾特雇傭兵放係右翼，中軍就由擺出馬其頓方陣既迦太基正規軍組成。係步兵前面，配置戰象。準備好之後，Xanithippus就帶住改良左既迦太基陸軍出發，目的地係羅馬軍隊駐扎既突尼斯。





迦太基過去因爲步兵無法抵擋羅馬軍團既攻勢，所以一直避免同羅馬係平地交鋒，但就因爲這個原因，無辦法將騎兵同象兵運用到極緻。今次Xenithippus就專登係平原決戰羅馬部隊。一開波就放出大笨象，撞穿羅馬既中軍，同時側翼既騎兵一擁而上，用人數優勢消滅羅馬既騎兵部隊。勝負一下子已經決定左，甚至唔需要出動到馬其頓步兵方陣。羅馬一下子損失一萬二千人，而迦太基只損失800人。由滅國邊緣被救活既迦太基人，無不歡呼：This is SPARTA!!!!!!



Regulus本人亦被迦太基俘虜，他既眼皮被割落來，之後被迦太基行象刑，用大笨象將他踩死。

遠征軍近乎全軍覆滅之後，羅馬毫無辦法之後，唯有將戰場移翻翻去西西里島。當然，衰野係好少只發生一次，好多時都係接二連三發生。羅馬軍隊帶住遠征軍既殘餘回程既時候，遇上地中海既大風暴，羅馬傷亡超過九萬人，今次真係全軍覆沒。連Agrigentum都無辦法把守既羅馬，決定係公元前255年將呢座城市燒成灰燼。



羅馬好快又由本國調動大軍，幫Regulus報仇，當大軍抵達西西里島之後，又開始重奪被占領既城市。

今次連迦太基一直控制既巴勒莫都被羅馬占領埋。公元前249年，羅馬決定派海軍進攻迦太基最後既據點，北部既Lilybeaum。係登陸之前，領軍既羅馬將Plutcher，決定突襲迦太基既軍港Drepana，但陰謀被識穿。迦太基海軍迅速轉移到公海，並利用機動性擊敗左羅馬艦隊。


同一年，一位叫做漢尼拔.巴卡既將領，係西西里島發動對羅馬既反擊；當時既羅馬已經無能力再建立另一支艦隊，所以海上既戰鬥，以迦太基既勝利告終。

去到公元前247年，之前提到既個位漢尼拔.巴卡，知道陸戰好難同羅馬軍團對敵，於是就決定運用游擊戰，將羅馬軍隊控制係西西里島上面。好快西西里島既戰況又再陷入膠著。

去到公元前241年，呢個時候，場仗已經打左超過二十年，不論係迦太基定羅馬已經陷入國庫空虛，經濟停擺既狀態。為左結束戰爭，羅馬既元老決定將自己既私幾錢都捐出來，重建羅馬海軍，實行盡地一鋪，不成功便成仁。



由執政官Gaius Catalus率領下，接近二百首quinqueremes組成既羅馬艦隊，開往西西里北部，封鎖同圍攻迦太基係西西里島既最後一個港口Lilybaeum。衹要將Lilybeaum攻落來，漢尼拔巴卡既游擊戰，都會因爲缺乏補給而難以持續落去。

迦太基為左解救Lilybeaum之圍，就決定派出剩低既250首戰艦，載滿所有可以帶既物資同士兵出發去西西里島。Catalus既艦隊，就決定輕裝上陣，全速去到Aegetas群島附近攔截迦太基艦隊。呢個時候，勝負已經大致由戰船既載重決定左。

裝滿物資同人員既迦太基戰船，好快就被羅馬戰船迂迴繞過，由脆弱既側面用撞角一首接一首撞沉。接近五十首既迦太基戰船被擊沉，剩低既戰船就被吊橋勾住，羅馬軍人一擁而上，俘虜左七十首迦太基戰船。

失去海軍支持既漢尼拔巴卡，仍然堅持係西西里島上面作戰到最後一刻，但對迦太基元老院來講，失去左制海權既戰爭已經無取勝既希望。同羅馬唔同，元老院既迦太基貴族都唔希望出自己既錢再起另一支既艦隊。於是長達23年既戰爭，以羅馬既慘勝結束。

因為羅馬是勝利者，和約條件完全是羅馬制訂的，其中包括：
迦太基撤出西西里島。
迦太基無條件交還羅馬戰俘，但是需要重金贖回他們的俘虜
迦太基不准攻打敘拉古和它的同盟
迦太基將西西里島北面的一些小島轉交羅馬
迦太基立即付款1000塔蘭特，以後10年每年付款220塔蘭特。
兩國的同盟不准互相攻擊，也不准在對方的疆土之內徵兵。迦太基從此無法雇用羅馬職業軍人。

西西里島同周邊既群島從此成爲羅馬既西西里行省。迦太基只保有突尼斯，科西嘉，撒丁尼亞，而且仲需要支付非常大筆既賠款來賠償羅馬既損失。迦太基甚至仲無錢出糧比自己手下既雇傭兵，係努米比亞部落既支持下，迦太基陷入同雇傭兵既内戰裏面，後來全靠漢尼拔巴卡既才能先得以鎮壓。

歷史學家波利比奧斯表示，在當時的情況下，這是傷亡最大的戰爭，比亞歷山大大帝的戰爭都要多。羅馬前3世紀的人口記錄中，在戰爭期間，羅馬失去了50,000名公民。這五萬人中還不包括沒有公民權的軍人。

留名

再留名支持

留名

就咁睇羅馬建城史都幾似春秋戰國

Lm

留名

留名

留名

高質 留名 學野

就咁睇羅馬建城史都幾似春秋戰國

應該更加似三皇五帝個個時期，由原始氏族社會開始轉變入國家
春秋戰國個人認爲似中世紀早期

當時迦太基係西班牙既駐軍，已經達到九萬人，係歐洲大陸唯一可以抗衡羅馬軍團既力量。但Saguntum頑强既反抗，仍然令迦太基受到慘重既損失，包括連漢尼拔自己都受傷埋。但最後缺乏羅馬既支援下，Saguntum淪陷敵手，所有公民寧願自殺都拒絕做迦太基既奴隸。


對於漢尼拔來講，他一早就計劃好點樣對付羅馬。迦太基同羅馬一直都係爭持係西西里島上面，西西里島係迦太基既門戶，但距離羅馬就好遠。漢尼拔明白到，要打贏羅馬，一定要將戰爭帶去羅馬本土。而進攻羅馬一定不可以靠傳統既海路，而係要靠陸路，由羅馬把守最寬鬆既方向進攻。漢尼拔既計劃係歷史上從來無人想象過：他要跨越阿爾卑斯山進攻羅馬。



與此同時，漢尼拔亦都知道，羅馬宜家已經今非昔比，所以迦太基需要一支龐大既同盟軍先可以同羅馬抗衡。於是漢尼拔由西班牙伊比利亞既部落，到高盧既凱爾特人等，他同所有對羅馬不滿既部落都建立左外交聯係。隨著迦太基大軍北上，伊比利亞人，凱爾特人紛紛加入迦太基遠征既大軍。

仲未知道漢尼拔作戰計劃既羅馬，決定用傳統既方法解決迦太基，排出遠征軍由海路到達伊比利亞，尋求同迦太基在陸上決戰。但羅馬大軍去到先發現，大部分迦太基既部隊已經跟住漢尼拔走左，只係得翻親迦太基既部落同盟留底。羅馬同希臘城市馬賽既聯軍，好唔容易先係Cissa找到一支一萬人既迦太基部隊，好容易就打敗左他們。但呢個唔係決定性既戰役，對羅馬來講，相當多既迦太基軍隊居然潛水唔應戰，於是他們決定封鎖新迦太基既港口阻止非洲援軍。

但殊不知漢尼拔已經幾乎放棄左非洲同伊比利亞，他既援軍係來自高盧到Po Valley既大批凱爾特部落，本土既正規軍對他來講已經唔重要。

當時率領羅馬軍團遠征伊比利亞既，係一位叫大西庇阿既羅馬將領(Scipio Africanus)。當時他自薦做遠征伊比利亞既指揮官，因爲他既老豆同叔叔都係死於漢尼拔細路手上，立志要幫親人報仇既西庇阿係埃布羅河Ebro河口處登陸，並立即發動奇襲攻取了迦太基人在當地的一個基地新迦太基，獲取了大批戰略物資，包括城外的巨大銀礦。



由於約束軍隊、善待俘虜、釋放被迦太基人囚禁在新迦太基城內的當地人質等措施，他成功地給當地人留下了「羅馬人是解放者」的印象。

[img]http://peerie.adaptive.net/faces/full/10/283-3406.jpg[/img[

當時西庇阿手下的士兵抓到了一個靚女，並將她獻給西庇阿；但西庇阿得知這名女子已經與一個凱爾特人酋長訂婚後，就立刻釋放了她，沒有傷害她的貞潔。西庇阿知道，羅馬無可能支援伊比利亞既遠征軍，所以最好既辦法就係同當地人打好關係，於是個靚女就帶住未婚夫既凱爾特部落來加入羅馬既同盟軍。



原本打算用一場決定性既會戰擊敗漢尼拔既羅馬，估唔到漢尼拔，呢位名將巴卡既仔居然驚到唔敢應戰，連封鎖伊比利亞都逼唔到漢尼拔出來，那麽係你後院放火逼到你出來啦挂？

同漢尼拔一樣善於利用外交關係既西庇阿，就聯絡左迦太基南邊既努米底亞人。心水清既讀者應該記得，努米底亞人同迦太基既關係一向麻麻，係羅馬支持下，一支努米底亞部落造反，逼使當時既迦太基駐留軍撤翻本土應付（漢尼拔當時仍在東征）。羅馬就趁機大肆係伊比利亞擴張。但始終漢尼拔既大軍幾年來從來都無現身。



公元218到215年，迦太基試圖奪取西西里島同撒丁尼亞既計劃都被羅馬海軍用決定性既海戰摧毀。本土既迦太基海軍從此進入守勢，正當戰況一片大好既時候，北面突然傳來高盧部落造反既消息。

為左鎮壓造反既高盧部落，羅馬逼不得已由西庇阿手上抽調出一支軍團去鎮壓，變相令西庇阿需要留係伊比利亞訓練一支新既軍團出來補充，唔需要擔心被追擊既漢尼拔，就繼續帶住不斷壯大既同盟軍，去到高盧各地游說酋長：一旦迦太基戰敗，羅馬就會强大到無人可以阻擋，之後你地既部落，男既就會被屠殺， 女既做羅馬人既性奴。加入我們既話，你地可以保留自己既生活方式同自由，而且...富庶既意大利半島仲有大量既戰利品，葡萄美酒，穀物麥田，黃金珠寶，拉丁靚女，統統都係羅馬。



當然，有部分高盧酋長一聽到話要翻過阿爾卑斯山之後，就覺得條友on9無理他。不過仍然有相當多既部落響應漢尼拔既號召，向住阿爾卑斯山既山脚進發。漢尼拔既外交手腕，令即使唔加入遠征既高盧部落都會比迦太基同盟軍順利通過，所以漢尼拔係進入山區之前，幾乎無遇到過反抗同損失。

但去到山脚之前，迦太基大軍需要通過另一個主要障礙，那是宜家橫跨法國同意大利既隆河：
當時把守隆河既係羅馬既凱爾特盟軍Cavares。他們一早就係隆河設置好防禦，當迦太基大軍過河既時候，就開始凱爾特人典型既戰嚎，又敲打自己既盾牌挑釁迦太基同盟軍。但意想不到既係，過河既原來只係誘餌，迦太基一早就親自率領部隊係Cavares既左岸登陸，另一支部隊就突襲Cavares既主營地。被迂迴包抄既Cavares發現自己被馬其頓方陣既六七米長槍包圍之後，就紛紛投降。



當漢尼拔渡過隆河既時候，已經係九月尾，而漢尼拔一定要趕係冬季之前就越過阿爾卑斯山。更大獲既係，小西庇阿（大西庇阿細路）既羅馬軍隊已經追到去隆河並且發現迦太基部隊既動向。他命令部隊加速行軍，步兵每日需要行軍12.5英里，騎兵同殿後既步兵甚至去到一日行軍19英里，好快他就進入阿爾卑斯山山口既Insula同等待他到來既凱爾特盟友會合。

Live左 睇到欲擺不能
巴打呢個post真係好撚正
圖文並茂 寫得又好睇

請繼續

歷史學家對於漢尼拔越過阿爾卑斯山既實際路徑，一直有不同既看法。但他們一致認同，不論邊條路綫，漢尼拔大軍行走既道路都係非常崎嶇不平。係陡峭既山坡上面，迦太基軍隊仲要面對敵意凱爾特部落既攻擊，一直接一直既大象由山坡轆落山，軍隊仲要面對突如起來既雪崩同山泥傾瀉。缺乏物資補給既軍隊，仲需要面對山區既寒冷，由西班牙出發持續行軍五個月既士兵好多都體力不濟倒地不起。



St. Bernard Pass，漢尼拔通過既其中一個山口。漢尼拔大軍係度休息左兩日，當時既大軍已經心力交瘁，好多都質疑漢尼拔既領導，面對領導危機，漢尼拔就講大話：過左呢個山口就係意大利既Po Valley，我地再堅持多一陣，羅馬就近在咫尺。





呢個時候已經係十月底，大雪係日頭融化係夜晚又再凝結，除左令山區變得更加寒冷之外，仲令山路更加濕滑。唔少士兵一個錯脚就跌落懸崖，漢尼拔大軍既人數越來越少。唔少病患無法再前進，漢尼拔需要忍痛將自己既同胞留關係山區自生自滅；無法通過狹窄山路既動物被留係阿爾卑斯山上面。正當漢尼拔都質疑自己既決定是否正確既時候，Po Valley就出現係眼前。