[SPQR]開坑講下羅馬建城以來既歷史

最近入手左李維Livy既Ab Urbe Condita（建城以來既羅馬史）英譯本
見到學術台唔少歷史post所以我都打算講下，由羅馬建城開始到凱撒稱帝既羅馬史，之後既歷史就有請Edward Gibbon來講

由於涉及既時間幅度太長，所以敘述歷史事件既時候唔會太過詳細，早期羅馬既歷史涉及唔少神話色彩，所以不一定是真既，或者話真正既歷史已經消散係歲月時光裏面，只係得翻零碎既碎片留底

好啦，點解要講羅馬史呢？羅馬既重要性係邊呢？

首先，羅馬既政制係好多人模仿既對象。希臘城邦既世界，用Aristotle既分類方法，可以按照(1)統治者既數量同(2)服務對象，分爲君主制，僭主制，貴族制，寡頭制，民主制同暴民制六種。而這六種政體不是自有永有，而是會變來變去既。

係邁錫尼時代時代，係傳統既君主制，後來貴族削弱君主既力量，變成寡頭制或貴族制，平民削弱貴族變成民主制，之後隨住民主化既失序，由民主制變成處死蘇格拉底既暴民制，暴民制創造出政黨，最後由領袖取代黨派奪取權力，最終以僭主制結束，這個僭主由於得到群衆既支持，可以更加肆無忌憚破壞習慣同規矩，最後完全不受約束，用斯賓格勒既語言來講，呢個時候就係文明既末日。

而對於希臘既思想家同哲學家來講，希臘既主要問題就是政體轉變得太快太容易，雅典可以一下子由民主進入僭主，而寡頭制既斯巴達就有嚴重既内耗問題。當時阿里士多德認爲，最好既解決辦法，就是將君主制，貴族制同民主制三合一，成爲共和制。一方面可以確保公民有足夠既政治參與權，另一方面又避免左多數人既暴政出現。

後來係希臘人眼中，最接近這種政體既就是羅馬。而共和制既英文，詞根就是來自拉丁語res publica。不過希臘人唔夠長命，他們只見到黃金時代既羅馬共和國，所以他們無辦法知道，羅馬一樣都是有政體變遷，但羅馬變既速度就慢過希臘好多，最後羅馬都係走唔出希臘政體既輪回。

羅馬既另一個重要性，就係將文明，由南歐擴展到去中歐，東歐以至英倫三島。羅馬留底既遺產，由下水道到拉丁文，去到成文法，是西方文明既根基；所以後世既共和主義者，就是用羅馬來做原型，希望用羅馬既共和制來解決之後歐洲出現既問題。

他們分別是：

馬基雅維利（無錯，他是共和主義者來）


托克維爾


山姆阿當斯


麥迪遜


讓盧梭


其中美國是受羅馬影響最大既國家。美國開國元勛之一麥迪遜，漢麥爾頓寫聯邦黨人文集既時候，就用左羅馬執政官既名Publius。體制上面，總統是執政官，衆議院是公民大會，參議院是元老院連名都照搬。羅馬既貴族共和制，透過後來憲法既確立同參政權既擴大，成爲左代議民主制（同直接民主做對比）。下面係行代議民主制既國家
美國既元老院，世界既中心。


後來法國大革命重建左共和國，法蘭西共和國行既歷史軌跡都係同羅馬相似，民主制取代君主同平民，最後民主產生黨派，黨派產生領袖，有民意支持既領袖透過軍事力量成爲僭主。而且唔只發生一次。
{img]https://bagofanything.files.wordpress.com/2014/12/david_-_napoleon_caesar_-_statue.jpg[/img]

所以唔了解羅馬既歷史，就無可能瞭解何爲共和，讀歐洲歷史你會唔知道政體點樣演化出來

而羅馬既歷史，係起源自一個女人，她是海倫, 斯巴達國王個女，傳説她係全個世界最靚既女人。幾乎成個希臘世界既狗公都想得到她：


後世詩人用海倫借代愛琴海既文明，歌頌希臘同羅馬既偉大，而兩個文明其實都可以追溯到呢條女身上：

Helen, thy beauty is to me
Like those Nicean barks of yore,
That gently, o'er a perfum'd sea,
The weary way-worn wanderer bore
To his own native shore.

On desperate seas long wont to roam,
Thy hyacinth hair, thy classic face,
Thy Naiad airs have brought me home
To the beauty of fair Greece,
And the grandeur of old Rome.

Lo ! in that little window-niche
How statue-like I see thee stand!
The folded scroll within thy hand —
A Psyche from the regions which
Are Holy land !

當海倫成年之後，成個希臘既男人都來要求同海倫訂婚，斯巴達王無辦法之下就聼左其中一個求婚者奧德賽既意見，由海倫自己決定。最後海倫簡左好有男子氣概既Menelaus。後來Menelaus繼承斯巴達既王位。


同一時間，有個叫做Paris既後生仔，愛神Aphrodite應承左巴黎話你會得到全世界最靚既女人。所以Paris就把心一橫去斯巴達溝海倫。老公出差，海倫見到後生又靚仔既巴黎自然係忍唔住，識左幾日就跟左巴黎私奔去一個叫特洛伊既地方。
[img]http://www.opankey.com/img/troya600x300.jpg/img]

Menelaus知道老婆勾佬走左，自然唔憤氣，一下子call齊全希臘既狗公去攻打特洛伊，夾埋圍攻左特洛伊九年，是爲特洛伊戰爭。戰爭之中雖然巴黎中箭死左，但特洛伊始終久攻不下，於是希臘人就做左一隻木馬，之後既故事發展大家都知：希臘人夜晚由木馬走出來，大肆屠殺，而羅馬既故事就係呢個時候開始。

特洛伊會戰勝歸來！希臘人掃進棺材！


當時特洛伊人有個將軍叫Aeneas, 為左逃避希臘人，他帶領左一群難民由特洛伊過海去左西西里島，之後由西西里島橫過地中海，去到當時既北非突尼斯。不過個陣時個地方係叫做迦太基，由一班希臘化左既腓尼基人統治。



當時統治迦太基既係一個叫Elissa（又名Dido，不過個名太似Dildo，所以叫Elissa算）既女人，無獨有偶，她都是最近先來到北非定居。Elissa原本係腓尼基城邦tyre既公主，為左逃避暴政帶埋國民走難去到北非。當時她要求北非土著既國王要一塊土地比難民留底定居，班土著當然就唔想讓任何一塊地出來，於是就玩野，比塊牛皮Elissa，話塊牛皮包圍住既土地，就送比你。

Elissa心生一計，就拿左把較剪(?)出來，剪短牛皮做一條長既綫，同班難民夾手夾脚將成個海岸都圍起左。班土著望實o嘴之際，Elissa就建立左迦太基城。

見到Aeneas又走難過來，Elissa就話不如你地都留底係迦太基，我地一齊生活啦好嗎？Aeneas見到Elissa又靚女又好人，原本真係想永遠留係度唔想走，直到有一晚，天神啓示Aeneas：毋忘初衷。

於是Aeneas惟有帶住兩行馬尿，離開迦太基，搭船去羅馬。Elissa見到自己既愛人掉低自己走佬，心痛欲絕，搭起左個台燒死自己，臨死前對住地中海大叫：衰佬！你夠膽死唔好翻來呀！呀唔係，無論你走到邊到，我地迦太基人都永遠與你爲敵！！！！

走到去意大利，班特洛伊人已經失去所有既補給，除左劍之外身上已經一無所有。於是他們就決定打劫最接近既城市。他們抵達既地方，係一個叫做Latinium既地方。當時Latinium係由一班戰鬥民族統治，他們叫做拉丁人。

其實拉丁人同特洛伊人本身係親戚來。公元前3000年，他們都是來自一支叫做雅利安人既游牧部落，係高加索到烏拉爾山脈既印歐草原過住原始打獵既生活。直到有一日他們開始馴服馬匹，於是令他們成爲第一支有機動作戰能力既部隊。騎住馬既雅利安人首先沿住黑海打入希臘半島，征服同消滅當地既文明，將土著當成奴隸。這批人就是後來希臘人同特洛伊人既祖先。

另一班人過左一千年之後，就由宜家烏克蘭既大草原攻入去多瑙河，再爬過阿爾卑斯山進入左意大利，成爲拉丁人。另一批人就繼續北上霸住成個西歐，他們叫做凱爾特人。最强壯，最唔怕凍既就一路北上去到宜家既北歐，長住落來，他們後來被稱爲日耳曼人。

好啦，回到正題，話説當時拉丁人既國王知道有班難民無啦啦係自己地頭燒殺搶掠之後，就派大軍打算一次過消滅班生番。但畢竟大家生得差唔多，始終有幾分親切感，於是就派使節去見Aeneas問下他們邊度來，究竟想點？點知一開口，原來係特洛伊既大英雄。當時希臘對地中海已經有好大既影響力，拉丁人既宗教同文化都受希臘好大影響，所以知道特洛伊戰爭。

拉丁人即刻放低武器，大排筵席款待特洛伊戰爭既英雄同特洛伊遺民，仲順手將自己個女嫁給Aeneas。兩個人結婚，同時代表住特洛伊人將會繼承拉丁人既王位，由呢刻開始，特洛伊人已經唔需要再逃亡，他們會成爲拉丁人既一份子，永遠留係拉丁姆平原。


之後Aeneas為左安置自己既同胞，就用老婆個名Lavinium命名起左座城，仲生左個仔叫Ascanius。但問題係，其實Lavinia仲有婚約在身，拉丁國王老人癡呆症，唔記得Lavinia其實已經秘密許配左比Rutuli部落既國王。於是Rutuli王帶住軍隊來要翻自己個老婆

Rutuli同Latinium好快就開拖，特洛伊人同拉丁人用慘痛既代價打贏左Rutuli人。拉丁國王戰死，Aeneas繼承王位，死傷慘重既Rutuli人於是轉移向Etrusci既城邦求助。Etrusci係跟住拉丁人進入意大利既其中一支雅利安人，他們控制由阿爾卑斯山到意大利既廣闊領土，Etruscian擔心特洛伊人同拉丁人融合，會挑戰自己既地位，於是就聯合所有既部落去攻打Aeneas。

Aeneas決定親自帶兵去Numicus河邊同Etruscian聯盟決一死戰，最後又用慘重代價擊敗敵人，今次，死既係Aeneas自己。


後人為左紀念這位特洛伊英雄，拉丁人既國王，就叫Aeneas做Jupiter Indiges

當老豆戰死沙場既時候Ascanius仲食緊奶，於是阿媽Laviania就負責大部分政事。經過長期既戰爭，Etruscian聯盟同拉丁同盟都無力再戰，於是大家就決定沿著台伯河爲界，承諾以後互不侵犯。大家就相安無事生活左好幾個世紀。

拉丁人係阿爾巴山起左座城，叫Albam Longam，而且沿著台伯河建立殖民地。去到後來，王位傳到落Numitorem努米托爾身上，點知他細佬Amulium為左爭奪王位居然殺左自己阿哥，仲强暴阿哥個女Reae Siluiae，逼她做自己老婆，改名做Vestalem維斯塔貞妮。

比人老強既維斯塔貞妮生左對雙胞胎，阿哥叫羅穆洛斯Rumulus，細佬叫羅穆斯Renum。身爲國王既Amulium居然心狠手辣到叫人將剛剛出世既雙胞胎掉落台伯河。

好在雙胞胎比森林既母狼發現，雙胞胎就飲住狼奶，度過童年。

讀完歐史就覺得古歐洲係現代人類文明起源

btw母狼個名叫做Lupercal，但後世認爲實際上Lupercal應該係人來，Lupa係古拉丁語是解妓女。


後來，飲狼奶長大既雙胞胎，就成爲羅馬城既象徵。

相依爲命既兩兄弟一直互相照顧，而且兩個人天生靚仔又有領導才能，有正義感中意幫窮人同奴隸出頭，好快就有一班支持者追隨，並開始挑戰Amulium既統治。

有一次細佬Remus比人抓左去首都Albam Longam。當阿哥去救細佬既時候，他終於知道左自己既身份！於是兩個人就聯合Albam Longam反對暴政既群衆，將暴君（自己老豆）Amulium殺死，將被廢既阿爺Numitor重新扶上王位。

正當大家都認爲會有大團圓結局既時候，好衰唔衰，兩兄弟有齊自己老豆好勇鬥狠同自相殘殺既基因。

兩兄弟既支持者覺得，其實兩兄弟推翻暴政既功勞最大，應該由後生仔做國王，唔係個收割革命成果既廢老。於是兩兄弟就決定學自己既祖先，離開首都出去建立一座屬於自己既城市。


阿哥就話不如起係Palatine山隔離，細佬就話我中意Aventine山，兩個人一嘈上來就話我地不如根據鳥兆決定。細佬話我見到六隻雀，阿哥就話我見到十二隻，多過你，而且我係大佬，我話事，而且我仲會成爲新城既國王。細佬同他班friend唔福氣，於是就係阿哥起城墻既是偶搞破壞，細佬仲笑阿哥：你個城墻太矮啦，係人都攻到過來。細佬一跳就跳過城墻，被人公開侮辱既阿哥Romulus一怒之下，阿哥就將細佬Remus殺左。

阿哥於是就按照原定計劃，用自己個名將自己既城市命名為羅馬Rome.呢個時候係公元前753年。

城市建成後阿哥將市內能夠作戰的居民分為以3000步兵和300騎兵組成軍團Legion。市內其他的人成為市民。從市民中他選出100名最高貴的作為城市的議會，他叫呢批代表做貴族（Patricius），他們既議會就叫做羅馬元老院。Patricius這個詞最早係「爸爸」既意思，因爲阿哥Romulus希望班有錢既代表會好似照顧細佬一樣照顧自己手下既窮人。

與此同時，羅穆盧斯Romulus傳播出了羅馬係所有願意開始一個新生活的人的避難所的名聲，因此羅馬吸引了許多逃難的人以及兇手、犯人和逃跑的奴隸來追隨“羅馬夢”。但問題係，來既都係男人，女呢？女呢？d女去左邊？

而家既意大利人仲係唔係當年羅馬人既後代？

而家既意大利人仲係唔係當年羅馬人既後代？

衹可以話一部分係，一部分唔係
南方應該比較多拉丁人，北面好多都係日耳曼人既後代

留名

留名

留名

留名

留名

就黎到最大規模既NTR事件

岩岩考試先考完羅馬史學

留名

See

留名

支持支持，依排真係好多歷史post