[SPQR]開坑講下羅馬建城以來既歷史

1001 回覆
384 Like 3 Dislike
2016-12-28 23:06:48
留名
2016-12-29 00:41:49
巴打會唔會講歐洲黑暗時代?

有排先到黑暗時代
2016-12-29 02:12:52
好吸引
留名支持
2016-12-29 02:43:45
巴打會唔會講歐洲黑暗時代?

有排先到黑暗時代


仲有成個共和國同帝國時期
2016-12-29 02:47:26
LM
2016-12-29 03:18:07
皮洛士戰爭


戰前形勢

上一集講到,統一左北意大利既羅馬好快將野心擴展到南意大利既希臘城邦上面。當時南意大利最強既特林頓Tarentum為左“捍衛領土主權和領海完整“,在‘主權爭議寸土不讓”既原則下攻擊左越界既羅馬海軍。

好快羅馬就派出使節,要求Tarentum賠償羅馬既損失同交還被俘虜既羅馬士兵。特林頓就話你地羅馬侵犯領海在先,我們不會應承你地羅馬無理既請求,但心裏面其實驚到pk,拿拿林就過海找當時希臘最强既雇傭兵,伊比魯斯既皮洛士要求援助。



身爲最强雇傭兵領袖既皮洛士一早就打算同當時最強既職業化軍隊羅馬決一高下,於是無理到自己既顧問既反對下,好快就應承特林頓既請求。他還向當時塞琉古帝國(亞歷山大帝國解體後既其中一個分支)借錢支持遠征意大利,埃及既托勒密王朝(亞歷山大征服後留底既希臘王朝)就派出5000步兵同2000騎兵支持,換取伊比魯斯成爲托勒密王朝既保護國。

於是急不及待就想同羅馬決戰既皮洛士,立即帶著大軍同二十幾隻大象出發去意大利。可惜出師不利既伊比魯斯軍隊遇上大風暴,最後衹有一部分既兵力上岸到達意大利。

因此剛剛上岸既皮洛士需要等待希臘盟友既支援,先敢同羅馬對陣。羅馬自然就唔會比機會敵人,好快就擊敗左塔蘭托同薩爾姆特人既聯軍,直逼皮洛士既登陸場。公元前280年7月,四支羅馬軍團接近四萬五千人既大軍,好快就同得三萬五千人既皮洛士,決戰於赫拉克利亞Heraclea。

2016-12-29 03:38:49
雖然人數上羅馬擁有優勢,但皮洛士既軍隊,用既係亞歷山大大帝既馬其頓長槍方陣。呢支方陣橫掃由波斯去到印度既所有軍隊,成爲希臘世界既必勝陣法之一。由超過六米既薩利莎長槍組成既方陣,正面攻堅能力一流,不過方陣既主要功能其實係吸住敵人,好似一塊砧板一樣,而捶打敵人既角色,就係靠重騎兵完成。呢個戰術成爲錘砧戰術。





皮洛士首先放出伊比魯斯既騎兵,衝入羅馬既方陣,好快就擾亂左羅馬既佈陣,與此同時,長槍方陣好快就開始同羅馬軍團交戰。

羅馬龜甲陣:[img]http://romadventure.weebly.com/uploads/2/7/6/3/27636043/4375054_orig.jpg/[img]

行進中既羅馬方陣




但班打慣勝仗既皮洛士雇傭兵好快就發現,面對七米長槍組成既方陣步步緊逼,羅馬既戰綫不但無崩潰,反而仲維持到陣型,而且透過盾牌慢慢接近方陣,拔出短劍反擊希臘步兵。

戰況陷入膠著之際,皮洛士決定放出秘密武器:大象。衝入戰場既大象好快對羅馬士兵帶來極大既震撼,好多羅馬士兵未見過大象,認爲係牛,面對衝向自己成兩三米高既“牛”,好多羅馬士兵已經忍唔住逃跑。於是戰況好快一面倒,演變成大笨象追殺羅馬軍人,皮洛士既騎兵呢個時候再次出擊,將陣型破敗既羅馬一舉收拾。



皮洛士一舉殲滅超過一萬名羅馬士兵,並俘虜超過7000人。好快就係希臘城邦贏得極大既威望,皮洛士乘勝追擊,殺上北部,並進入羅馬腹地拉丁姆平原,當遭遇由羅馬派出既另一支部隊既時候,皮洛士擔心自己既兵力不足以支撐第二場戰役,就決定撤退。
2016-12-29 04:11:21
皮洛士係Heraclea既勝利,好快就令唔少中立或者被迫服從於羅馬既意大利希臘城邦,加入伊比魯斯同特林頓既同盟。擔心皮洛士將會一舉統一南意大利,羅馬決定一方面決定不論貧富動員所有可以作戰既羅馬公民,另一方面由拉丁同盟同Etruscian城邦上面,召集比Heraclea一戰要多兩倍既兵力,去消滅皮洛士。

對於皮洛士來講,羅馬就好似希臘神話裏面既Hydra九頭蛇,斬左一個頭就生翻另一個出來,羅馬人好似殺極都殺唔完一樣。
CA: Heil Hydra:

公元前279年,皮洛士攻打普利亞,同羅馬大軍遭遇於Asculum上面,今次雙方各派出四萬人。為左對付皮洛士既大笨象,今次羅馬準備左300架特製既戰車,上面有長矛同三叉戈,同埋勾繩,專門獵殺大象。而皮洛士了解到羅馬軍團富有機動性。所以他決定在馬其頓頓方陣之間穿插輕裝既步兵。並加强兩翼騎兵既掩護,冒求利用砧錘戰術,擊潰羅馬軍團。



然而羅馬並唔打算再係平地對陣。羅馬特登將皮洛士引入滿佈灌木叢既山丘地帶,令皮洛士難以使用象兵同騎兵。被迫派出步兵同羅馬決戰既皮洛士方陣好快就被手持短刀埋身肉搏既羅馬軍團突破。



面對陣型出現缺口既皮洛士,馬上就派遣後備既騎兵支援中央方陣遭,並下令中央方陣邊戰邊退,令羅馬軍隊遠離陡峭的山坡。當羅馬遠離有利既地形時,皮洛士立即下令戰象往羅馬軍衝鋒,起初戰象成功擊退羅馬軍隊,但之後羅馬軍隊躲到較高的灌木叢,使戰象無法發揮該有的效果。皮洛士只得派遣輕裝步兵去把羅馬士兵從灌木叢趕出來,但遭到羅馬騎兵攔截而遭到擊退,最後雙方因為天色逐漸暗了下來而各自收兵回營,結束第一天的戰鬥。



第二次朝早,羅馬人都未起身既時候,皮洛士已經先派步兵攻陷羅馬前一日據守既丘陵地,失去地利既羅馬人,未有尋求係皮洛士派出戰象之前就將對方既馬其頓方陣擊破。但馬其頓方陣點會如此容易就被撕裂?羅馬軍團既進攻好快就被擊退,皮洛士立即下令:來人,落閘放象。一大班大笨象衝入戰場,亂踩亂撞,羅馬派出特製戰車應付,戰象好快就被戰車包圍,象兵惟有用長矛同戰車上面既羅馬兵交戰。


但缺乏步兵掩護既戰車好快又被希臘輕步兵擊潰,緊接著戰象在毫無阻礙下向羅馬步兵衝鋒,粉碎羅馬的戰線,這時刻皮洛士率領皇家騎兵投入戰鬥,羅馬戰線全面崩壞並往自身軍營退去,皮洛士以龐大的代價獲得戰役勝利。



這場戰役羅馬6,000人陣亡,而皮洛士軍3,500名陣亡,雖然羅馬損失較皮洛士大,但羅馬可以很快招募新兵來補充,反觀皮洛士在這場戰役除了失去許多經驗豐富的傭兵外,還包括皮洛士的好友和重要將領,這是皮洛士短期間無法彌補的。後人就將呢種得不償失既勝利稱為皮洛士式勝利(Pyrric Victory).
2016-12-29 04:47:08
皮洛士再度派遣使者與羅馬議和,這次僅僅要求羅馬保證塔蘭托和其盟友獨立自由,但羅馬以皮洛士離開義大利半島為條件才願意協談。

更加不利既係,當時掌握地中海命脈既迦太基,由於擔心皮洛士將會統一南意大利,所以決定係公元前279年同羅馬結盟。唔知道大家仲記唔記得Elissa,個個發誓要同特洛伊人永遠爲敵既怨婦?無錯,自從Aeneas帶領特洛伊人離開迦太基之後,迦太基既發展同羅馬一樣越來越蓬勃,係科西嘉島到西西里島接收左唔少腓尼基人既殖民地,而歐洲大陸上面既馬賽到伊比利亞半島上面,亦有大量既迦太基殖民地。幾乎成個地中海既貿易都掌握係迦太基手上。而西西里島,猶如迦太基既門口,所以迦太基是不會容忍西西里島落入希臘人既手上。





而尋求脫離迦太基控制既西西里島東部同南部既希臘城邦(Agrigentum, Syracuse, and Leontini),就向皮洛士求助。公元前278年,係意大利半島進展不利既皮洛士就將大軍派到西西里島,勢如坡竹既皮洛士好快就攻陷幾乎全部既迦太基據點,除左Lilybaeum。迦太基好快就提出同皮洛士議和,但被要求所有腓尼基人撤出西西里既皮洛士拒絕。皮洛士開始圍攻西西里島最後一個迦太基據點Lilybeaum。

但隨著戰事既拖長,希臘士兵好快就喪失耐性,皮洛士需要用到脅逼同懲罰去維持軍紀。而一開始尋求皮洛士協助既希臘城邦,亦開始懷疑皮洛士:皮洛士係希臘城邦長期駐扎軍隊,而且自命自己做城邦既法官同仲裁者,城邦裏面既貴族同元老被逼流亡。越來越唔受歡迎既皮洛士被迫放棄對Lilybeaum既圍攻,撤退翻意大利半島。當皮洛士撤走之後,迦太基好快就派兵重新接管西西里島。

重返意大利半島既皮洛士軍隊,係橫渡麥西拿海峽既時候遭到迦太基海軍既攻擊而損失慘重。當皮洛士係公元前276年翻翻去特林頓既時候,他身邊只剩二萬人。公元前275年,羅馬軍隊由執政官Cornelius Lentulus同Manius Curius出發到 Beneventum 同皮洛士決戰。係森林裏面迷路既皮洛士軍隊遲左進入戰場,一早就準備好既羅馬軍隊發動突襲,搶奪左屬於皮洛士既部分戰象。

擁有戰象既羅馬人同皮洛士係平地決戰,但戰象始終都係皮洛士先控制到,羅馬軍隊被再次擊退。退翻營地既羅馬軍隊,用長矛遠距離攻擊戰象。一隻年輕既戰象被長矛擊傷,發老皮fing走自己身上既希臘軍人,並衝翻翻去皮洛士既陣營到找尋自己既媽媽。好啦,象媽媽見到自己既仔仔受傷,又帶領自己既“族群”衝過去迎接仔仔。於是皮洛士既陣營好快變成象群橫衝直撞既游樂場。羅馬趁亂攻擊,最後終於擊敗皮洛士。

2016-12-29 05:18:31
死死地氣走翻翻希臘既皮洛士,又走去同馬其頓開戰。打贏馬其頓做埋馬其頓國王既皮洛士,又同另一個戰鬥城邦斯巴達開戰,今次他終於死係斯巴達人手上,呢個時候係公元前272年。This is Sparta!


當皮洛士撤退翻希臘既時候,南意大利基本上已經無力抵抗羅馬既入侵。係皮洛士戰死既同一年,特林頓淪陷,意大利除左西北部既Po Valley之外基本上由羅馬統一。個南阿匹利亞落入羅馬手上,亦代表羅馬既勢力開始伸延入地中海。當初迦太基擔心希臘城邦會威脅自己,宜家,羅馬大軍就駐扎係自己既門口出面。而當初遙距支持皮洛士既埃及托勒密王朝,又好現實地同羅馬開展外交同貿易關係。

眼見越來越多羅馬商船係自己地盤游來游去,迦太基自然會擔心自己既貿易利益會被分薄。趕走左希臘人,換來羅馬人都唔係辦法,所以呢對短暫既盟友,好快又因爲利益,越來越敵對。

公元前270年,一群自稱戰神之子Mamertines既意大利傭兵,係西西里島同非常有名(出產僭主)既希臘城邦叙拉古Syracuse發生摩擦。Mamertines尋求迦太基協助,而迦太基就順手將Mamertines既據點麥西拿占領。為左趕走迦太基人,Mamertines又秘密找迦太基既對手羅馬要求協助。

對於羅馬而言,容許迦太基占領麥西拿,等如放任迦太基對付叙拉古,一旦叙拉古淪陷,西西里將會完全被迦太基控制,迦太基既勢力甚至會由叙拉古延伸到希臘。一直要係地中海分一杯羹既羅馬,自然唔會坐視不理。



下一集:布匿戰爭
2016-12-29 07:30:41
支持
2016-12-29 09:29:39
留名
2016-12-29 10:04:55
留名
2016-12-29 11:24:26
追到live
2016-12-29 18:29:44
追到live


漢尼拔要出場lu
2016-12-29 18:30:14
追到live


sor覆錯haha
2016-12-29 19:14:00
第一次布匿戰爭

公元前264年,元老院無辦法決定是否同意大利傭兵結盟,於是就將討論交比左平民大會。一班平民自然係話:打啊!一次過消滅迦太基!



自從荷坦西亞法(Lex Hotensia)係公元前287年頒佈之後,平民大會已經擁有同元老院相同既權力:平民大會既決議對所有羅馬公民都有同等效力,包括貴族。這也是羅馬既權力,陸續由貴族向平民轉移既象徵之一。

被委任為遠征軍指揮官既Appius Claudius好快就帶住接近七萬人既羅馬大軍出征去西西里島。羅馬軍隊係麥西拿登陸,而迦太基既軍隊就被意大利傭兵擊敗。重新占領麥西拿既羅馬-意大利聯軍,好快遇到迦太基既增援,同意大利傭兵作戰既叙拉古都加入埋迦太基既一方,包圍麥西拿。



於是羅馬大軍決定南下叙拉古,逼使叙拉古加入羅馬個一邊。西西里島係一個崎嶇不平既火山島,陸路運輸不便,主要靠海路補給,而海路當時係由迦太基壓倒性既海軍控制住,所以叙拉古加入羅馬-意大利聯盟既重要性,就係為羅馬係西西里島建立一個補給點,補給就唔需要下下由意大利突破迦太基海軍既包圍先送到島上面.

2016-12-29 19:15:28
追到live


漢尼拔要出場lu

要等下一次Punic wars先有漢尼拔
2016-12-29 19:34:04


迦太基正規軍同凱爾特雇傭兵:

掌握住制海權既迦太基,一開戰既時候,仲希望同羅馬講和,但知道羅馬無講和既意願之後,就係公元前262年向西西里島既據點派出五萬大軍,六千騎兵同六十隻大象。而且有錢到漏油既迦太基,仲由利古尼亞,伊比利亞同高盧請左最勇猛善戰既凱爾特人加盟。為左阻止擁有海權既迦太基向西西里島派兵,於是羅馬就決定圍攻西西里島南面,對正突尼西亞既城市Agrigentum 。



當時把守Agrigentum既係叫Hannibal Gisco既將軍(當時好多迦太基貴族都叫Hannibal),由於圍城既羅馬軍隊有接近四萬人,而守城既迦太基軍隊人數好少,所以他決定堅守唔應戰,同時向迦太基要求增援。長期既包圍好快就令Agrigentum城内既補給開始耗盡,等到迦太基增援來到,Gisco就決定先發制人,奪取左羅馬既補給站,切斷羅馬圍城軍隊既通信同補給。
2016-12-29 19:40:33
留名
2016-12-29 19:50:38
羅馬軍隊馬上出來應戰,接近四萬人既部隊係Agigentum城外對決。利用騎兵既機動性,羅馬迅速迂迴包圍左迦太基既陣型,並突襲迦太基既營地造成迦太基戰綫既大混亂。陣型潰散既迦太基軍隊,損失超過三萬人,四千人被俘。城内既所有居民都被羅馬賣做奴隸。

羅馬占領Agrigentum之後,就可以隔住地中海遙望迦太基,而成個西西里島既麥田出產都陸續落入羅馬手上。羅馬就不需要再由本國輸入補給,反而西西里島就慢慢變成羅馬既糧倉,向本國供應糧食。




控制左西西里島之後,羅馬就決定建立一支可以同迦太基一戰既海軍。之前羅馬既海軍規模好細,所以一直避免同迦太基海軍正面衝突。而係Agritentum羅馬就俘虜左幾首叫做Quinquereme既迦太基戰船。

Quinquereme就好似當時地中海裏面既無畏艦一樣,係迦太基海軍既主力艦艇。係希臘盟友叙拉古既協助之下,羅馬開始用逆向工程山寨出自己既Quinquereme,並開始建立自己既海軍力量。


當時迦太基既海軍繼承左希臘既傳統,慣常用撞角去撞沉敵軍既戰船。但衝撞既戰術往往需要高超既海戰技巧,而羅馬正正就缺乏呢樣野。但羅馬最厲害既,就係陸戰,於是羅馬就想到將陸戰轉移去海上面。於是羅馬就係自己既艦艇上面加裝叫做Corvus既烏鴉吊橋,當迦太基船打算接近羅馬艦艇既時候,羅馬就放低吊橋,派遣自己最厲害既陸軍上船殺敵。



2016-12-29 20:08:45
「上一集講到」同「下一集」
好有king sir feel
有聲
2016-12-29 20:11:17
公元前260年,羅馬執政官西庇奧.亞西納Scipio Asina(西庇奧係羅馬非常有名既貴族,之後你會見到更加多既西庇奧出場)帶領第一支羅馬艦隊出征,可惜出師不利,去到Lipari Island既時候遭到Gisco既伏擊,羅馬失去17首戰船。

西庇奧被俘虜,於是羅馬人就用Asina,拉丁語解母驢來嘲笑他。對於羅馬人來講,帶兵出征打勝仗,係最高既榮譽,保證政治前途都一帆風順,但打敗仗基本上登如前途盡毀,政治生涯亦都基本上玩完。

平民出身既Gaius Duilius好快就接掌羅馬海軍,由130首迦太基戰船組成既迦太基海軍好快就同Dulius既103首羅馬戰船係Mylae遭遇。勝券在握既迦太基海軍馬上就衝入羅馬海軍既陣營裏面,但意向不到既係羅馬居然有corvus呢一手。一下子,一批接一批既羅馬軍團登上迦太基既戰船,30首迦太基戰船,包括迦太基既旗艦都被俘虜。




心知不妙既迦太基海軍,決定唔再尋求由正面撞沉羅馬戰船,而改由後面同側面接近,但為左衝撞而設計既迦太基戰船,如果唔由正面攻擊實際上登入廢左大半武功,而羅馬既吊橋只需要改變角度,就可以勾上迦太基戰船既側翼,於是迦太基又再損失20首戰船。海戰失利既迦太基海軍決定撤退

Mylae海戰之後,羅馬海軍營救左被圍攻既Segestus,並且將戰綫轉移到迦太基控制既科西嘉島,迦太基海軍再次係科西嘉被羅馬擊敗。係公元前260年到258年,迦太基曾經係Hamilcar既領導下由西西里北部發起過反擊,但最後都被羅馬擊敗。



乘勢追擊既羅馬繼續向北面迦太基最後既據點發動進攻,係公元前258年直抵巴諾莫,但最終被迦太基擊退。
2016-12-29 20:26:29
去到公元前265年,呢個時候戰爭已經持續左超過八年,羅馬建國以來從來未經歷過如此漫長既戰爭。貿易中斷,大量既年輕勞動人口被源源不絕送上西西里島上面消耗,不論係迦太基定羅馬,他們都知道如果戰爭無辦法結束,將會演變成長期既消耗戰。

於是羅馬係公元前265年決定,由西西里島直接進攻迦太基既非洲本土,一舉結束戰爭。由超過二百首戰船掩護既羅馬海軍,由Agrigentum出發前往非洲北部既突尼西亞迦太基本土。但未航行到非洲,迦太基海軍就同羅馬海軍係Mount Econmus附近遭遇。



迦太基今次改由側翼進攻羅馬艦隊,但他們既中央部好快就被擁有吊橋既羅馬艦隊俘虜同擊破。失去中軍支持既迦太基艦隊,好快被分而擊破。超過65首迦太基戰船被俘虜並且帶到羅馬城作爲戰利品。超過三萬名迦太基海軍戰死。


登陸非洲既羅馬軍隊,首先占領迦太基重要既軍港Apsis,之後係Adys,羅馬將軍Regulus擊敗左由西西里回防既迦太基部隊。呢個時候距離迦太基城得四十里既Clupea都淪入羅馬手上。迦太基城好快因爲恐慌而陷入混亂,迦太基盟友,位於北非既努米底亞馬上就發起叛亂,迦太基周邊既城邦被努米底亞部落搶掠,大批郊區居民湧入迦太基城,無人耕作既農地好快就荒廢,形成糧食危機。

呢個時候,Regulus向迦太基提出和平條件。
2016-12-29 20:27:39
支持歷史post
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞