[SPQR]開坑講下羅馬建城以來既歷史

再講啲來聽下
例如咩國咩地區

希臘：波希戰爭
伯羅奔尼撒戰爭
波蘭歷史
德國-三十年戰爭
西班牙王位繼承戰爭
大同盟戰爭
普魯士（有巴打講緊）
法國大革命

全部正野！想聽！

好, 首先大家唔好嫌我慢 , 我想跟住樓主巴打既進程逐步講下羅馬軍隊由共和國早期到帝國後期
我一樣會用啲比較易明既方法嚟比大家睇, 由於羅馬軍制重大轉變大約可分為三部分
我會先講頭個啲, 即係由共和初期到中期

羅馬共和初期軍事體制:
相信大家應該仲記得樓主講過, 當羅馬開始壯大既時候
冇耐就同高盧開戰, 仲比人打到仆街 , 究竟點解呢
嗰個時候既羅馬仲係受到強烈既希臘文化所影響
所以羅馬軍隊其實同希臘城邦既差唔多
一樣都係有hoplite, velites, phalanx
hoplite即係希臘重裝步兵, 除咗有大家係戰狼三百入面睇到
有大盾, 矛同短劍之外 仲有簡易護心鏡同黃銅頭盔
大約係咁樣:

由於裝甲係自備既, 所以啲窮撚有時係會連甲都冇得塊布就上戰場
有啲窮撚甚至連盾同短劍都冇, 咁點上戰場呢
所以就有所謂既velites啦:

佢地係輕裝上陣 打遊擊戰
配有個小圖盾同幾支小標槍最多有把刀仔, 佢地主要係用嚟打擊對方陣型 擾敵
或者引走敵方側翼等己方主力夾撃敵方, 由於冇甲既關係 ,佢地有既係靈活性
靠走位同速度嚟打擊對方 而且係羅馬軍隊既主力遠程部隊(羅馬本土係冇專業箭手部隊,之後再交代)
輕甲亦即係代表一同對方部隊接觸就渣都冇得剩
嗰個時代既羅馬仲係以希臘方陣(phalanx)做主力, 唔同既係羅馬人會將部隊分開三個line
front line叫 hastati意思係青年軍 通常係啲廢青組成
second line 叫Principes 即係啲有經驗同年長既軍人俗稱廢中
back line叫triarii 但係唔係廢老 而係一啲精英 通常係最打得同最有經驗同有錢 亦有最好嘅裝備
呢啲back line叫reserve 即係前面打到就快瓜先會上前打 平時係食花生
但有時會用做shock infantry 用嚟做突擊/沖散敵人陣型
咁樣有錢人同貴族呢就叫做equites 亦即係騎士 有錢到買到馬好自然就係上流社會啦 通常用嚟做追擊
即係細嘅打生打死 佢地就執死雞 類似咁啦
用phalanx做主力係意大利嘅地形係極之不利 嘅 第一平原唔多
做唔到phalanx最勁嘅攻擊模式- 方陣沖剌
第二, 多遭遇戰, phalanx嘅組成係要時間, 對於個陣缺訓練嘅羅馬人係未反應得切就已經比人食咗隻豬
當然仲有好多其他問題啦 所以做成當時被高盧同其他barbarian打到仆街嘅局面喇
直到Camillus 嘅出現羅馬軍隊就開始有更完善嘅體制同戰術

好佩服你講故事的能力，你一定係個好老師

我有興趣既個d歷史應該無人想學

再講啲來聽下
例如咩國咩地區

希臘：波希戰爭
伯羅奔尼撒戰爭
波蘭歷史
德國-三十年戰爭
西班牙王位繼承戰爭
大同盟戰爭
普魯士（有巴打講緊）
法國大革命

全部正野！想聽！

波希 ，伯羅奔尼撒戰爭同波蘭歷史都有興趣

無凱爾特人衝擊，羅馬軍事體系都好難成型

無凱爾特人衝擊，羅馬軍事體系都好難成型

Helvetii

有冇興趣開個新po講
喺呢度講可能版面上會有啲混亂

有冇興趣開個新po講
喺呢度講可能版面上會有啲混亂

其實係有足夠史料可以開新post講
但我冇咁多時間經營一個新post, 會好快沉
所以係盡量唔影響樓主時既情況下我都係係度講埋
大家當係補充史料咁睇啦

我有興趣既個d歷史應該無人想學

再講啲來聽下
例如咩國咩地區

希臘：波希戰爭
伯羅奔尼撒戰爭
波蘭歷史
德國-三十年戰爭
西班牙王位繼承戰爭
大同盟戰爭
普魯士（有巴打講緊）
法國大革命

全部正野！想聽！

共和中期 Camillian Legion
上回就講到 Camilius 覺得咁落去羅馬人一定唔夠周邊既勇武國家打
羅馬人係唔容許自己首都再一次被人攻入,
男既老粒 女既女女女
所以佢下定決心要進行改革, 之前講到羅馬人既裝甲係黃銅做既
黃銅相比起鐵係好廢 因為黃銅係好軟, 面對住意大利北方既日耳曼/賽爾特人
精良既鐵製武器係不堪一擊 會好輕易被劈開 根本係保護唔到個士兵
所以佢諗到要用鐵製既頭盔 同埋引入拉丁部落傳統防具 大方盾(scutum)
比前排既hastati 用, 但係經過幾次戰爭發現呢個防具相當有效之後
principe都開始採用喇, 除咗最後排相當離地既triarii



但係要講到真正專業既士兵訓綀 要到大約前200年開始講起喇
呢個時候既羅馬軍隊已經係進歩咗好多
hastati 同principe除咗配備黃銅製既胸甲同頭盔 大方盾 羅馬短劍
仲有一樣羅馬人獨有既武器 - Pilum 直到帝國中後期都係相當超前既武器

羅馬人知道 對付配有大盾嘅方陣同蠻族士兵
佢地啲所謂嘅遠程士兵扔下石仔/矛係冇用
而pilum最主要既用途並唔係用嚟殺人,係用嚟破盾
頭個part係好尖好幼, 用嚟穿透敵方裝甲同盾, 但係由於佢幼
所以一接觸到盾具就會彎, 咁樣係羅馬人唔想扔完出去之後會比敵人扔番轉頭
仲有, 當pilum插住咗敵人盾具之後係好難整番出嚟
令到敵人一係要拎住個重到仆街既盾, 或者係扔鳩走個盾
冇咗個盾嘅敵人又點會係羅馬人嘅對手呢
呢個時候羅馬短劍就大派用場啦 :

羅馬短劍係改良版嘅賽爾特長劍, 佢主要用途唔是用嚟劈友,
由於羅馬人嘅戰鬥陣式係好緊密, 士兵與士兵之間冇空間比你用劈呢個姿勢
大家試下想像羅馬人如果用長劍劈人會點:
羅馬士兵A: 你劈到我啊屌你老母
士兵B: 對唔住大佬
..........................
羅馬士兵大數係用刺嚟攻擊對方, 咁樣對於當其時個個都係着鎖子甲上陣嘅MK極為有效
羅馬人講求效率, 劍刃兩邊開鋒係用嚟割開敵方主要血管/根鍵, 用最短時間令對手失去戰鬥能力。
比較有錢嘅羅馬士兵就唔會著黃銅護心甲, 而會著保護性更好嘅鐵製鎖子甲
有啲甚至會配備護腿 用嚟cover大盾保護唔到嘅位置
下一篇講陣式同大西庇阿改革