[鐵膠遊+預左爆負皮]白色聖誕邪門支那轉機之仙台東京鐵膠+攻城(!?)遊

想充實篇野，但又驚長得濟會悶死人
同埋太過鐵膠同歷史向好似會趕客

唔想睇依d咁睇咩遊記post 自己想講就講啦巴打

所以update一個post係要d時間，要睇下資料

好睇

推一推 今次仲多相睇

揀過相其實，今次d質素好參差

同你同一日同一班機去北京

CA108

半機小朋友咁濟

cont.



繼續仙石東北線返仙台之旅，咁入返東北本線之後，架車明顯地越開越慢，
去到岩切駅直情停左好耐，見到車掌不斷打電話、聽walkie(留意圖2有部ipad，上面有哂附近列車既行車位置)
覺得唔對路之下就開JR東日本個app睇，原來因為強風，東北本線會有延遲








同時見到有架奇怪既車行過，當然要影喇
JR東日本既キヤE195系氣動車 ，主要用黎運送路軌
佢係JR東海キヤ97系既耐雪耐寒版本，2017年12月頭先運到仙台地區使用
都算新鮮滾熱辣遇到佢


最後班車係遲左半個鐘先返到仙台


返到仙台又開餐，當然繼續去牛舌通搵食，今次去善治郎
呢set特盛燒牛脷2300yen，個人覺得係全個旅程最好食既一餐
牛脷最嫩最淋
重有兜湯後面個兜唔知乜野黎，佢話加豉油好味d，但完全食唔出係乜，感覺好似鼻涕


食完落返仙台駅大堂，就見到因為強風，東北本線、常磐線、仙台空港線都運轉見合
好彩去松島去得早...........

返到仙台又開餐，當然繼續去牛舌通搵食，今次去善治郎
呢set特盛燒牛脷2300yen，個人覺得係全個旅程最好食既一餐
牛脷最嫩最淋
重有兜湯後面個兜唔知乜野黎，佢話加豉油好味d，但完全食唔出係乜，感覺好似鼻涕

山藥泥，一般食法係加醬油再撈飯食，但頂唔順佢滑潺潺既質感的話係可以唔食

留名

cont.


見到一大堆等緊列車重開既人之後，就落去巴士站出發去仙台城，今次坐既係特色觀光巴士「loople仙台」，一個鐘一班，循環哂仙台市內主要既景點，Sendai Area Pass當然包埋喇


呢張係仙台城上台個陣影既，後門上車，落車show pass/畀錢就okay，劃一收費


坐左接近半個鐘就到仙台城跡站，重有宮城縣護國神社


311地震對仙台城都造成一定既破壞.....










仙台城，由「獨眼龍」伊達政宗係關原之戰後開始建立，因為起係青葉山之上，所以又名「青葉城」，佢同同時期既城堡最唔同既係佢有天守台，但無天守閣，可謂非常特別，亦因為佢起係山上面，亦非常容易防守

而仙台城亦世代成為仙台藩既根據地，都算相安無事，係經歷過地震同火災破壞左d地方，
直到幕末時期新政府軍攻打仙台(因為仙台藩係反新政府既奧羽越列藩同盟之首，不過當中最慘烈既一場應該係會津之戰，之後會講到)

而皇軍亦以仙台城為軍事基地，係仙台城本丸原址起左招魂社(而家既宮城縣護國神社)，
亦係1935年鑄左伊達政宗既銅像(不過唔係相中個個，而家個個係1962年重新鑄造既，舊個個係二戰期間溶左 )，去到1945年美軍空襲仙台，將所有野燒哂

戰後重建返護國神社同政宗既銅像(城既本丸)，重有仙台市博物館(係三之丸)，
所以同其他城跡都幾唔同

btw上到去好撚大風，企都企唔穩

剛剛google完，原來姐係淮山

下次想試仙台城+松島一天遊

TOO LONG，唔知你read唔read

係仙台，當然要講下伊達政宗


呢個相信係好多人對伊達政宗既印象，包括我

政宗係米澤城出世，係伊達輝宗既仔，媽媽係最上義光(同政宗同時期東北地區既英傑，同伊達家關係亦敵亦友)個妹，細個因為天花而令到右眼失明，所以綽號『獨眼龍』(有說因為政宗鍾意唐末名將李克用，因為佢一邊眼大一邊眼細，畀人叫獨眼龍，所以用呢個綽號)

而政宗係14歲就第一次出征，攻打相馬氏(大約位於福島縣東部，姐係福島核電廠所在地)；
而佢爸爸輝宗因為想提早畀政宗上位，穩定伊達家內部(因為政宗曾祖父稙宗同祖父晴宗曾經因為意見唔同而兵戎相見，歷時六年，史稱「天文之亂」，令伊達氏元氣大傷)，所以就隱居，將家督讓畀政宗，自己就幕後backup政宗(因為當時分左兩派，一派支持政宗，一派支持佢細佬，政宗老母係支持佢細佬既)，當時既政宗只有18歲(我地18歲又做緊d乜呢...... )；

同期信長已經死左，羽柴秀吉開始佢擴張既步伐，同年就打完小牧長久手之戰，德川家康正式臣服於羽柴秀吉

而政宗繼位之後就一改爸爸既政策，對鄰近既大名用強硬政策，簡單d講就係打；

而附近既二本松城城主二本松義繼就好驚，就去見輝宗，希望佢勸下個仔唔好打二本松城，
但二本松義繼突然發難捉左輝宗，想逼政宗應承佢，但輝宗就同伊達家既追兵講唔駛理佢，
結果無奈之下二本松義繼同伊達輝宗雙雙死係伊達家既鐵砲之下，政宗亦憤而攻打二本松城


當然件事無咁簡單，鄰近既佐竹、蘆名、相馬氏等就聯合出兵對抗政宗，而政宗係呢場戰役入面損失非常慘重，殿後既老將鬼庭良直陣亡，而佐竹聯軍因為後方出事而一夜間徹兵無再追擊，伊達家算係慘勝，史稱「人取橋之戰」，呢場亦可以講係政宗一生人之中最凶險既一場仗

同期豐臣秀吉完成對伊勢長島同四國既征伐，被朝廷任命為關白

豐臣秀吉亦繼續佢統一日本既步伐，對東北各大名發出《惣無事令》(惣=總)，
禁止地方大名之間既私鬥，但伊達政宗一於wfc，繼續佢擴張既步伐


與此同時伊達家既近鄰+敵人蘆名家內訌，畀左政宗乘虛而入既機會，所以就開始左政宗一生人最得意既戰役--摺上原之戰，結果以政宗大勝而回，亦令政宗成為南奧州(大約而家福島縣北部，會津若松市一帶)既霸主

繼續too long，唔想睇可skip

政宗既得意過左唔係太耐，因為比佢更強既豐臣秀吉已經將手伸左入黎東北

係秀吉消滅左關東最大敵人後北條氏之後，秀吉對東北地區黎左一次大洗牌，史稱「奧州仕置」


而政宗因為違反之前秀吉落既《惣無事令》，再加上係加盟攻打後北條氏個陣遲到，本身秀吉係想處死佢，但政宗同佢既部隊以一身全白色面見秀吉，表示請罪同甘願受罰，所以秀吉饒佢不死，不過就做左以下既野：

要政宗將係摺上原之戰後得到既領地(會津一帶)嘔返出黎，改封畀蒲生氏鄉；只保留原有既領地，但之後因為被指煽動葛西大崎一揆(一揆係指人民起義，泛指地方人民/豪族/僧人起義)而再減封去岩出山城(而家宮城縣大崎市)，連原據點米澤都無埋，畀左上杉家

之後政宗一直臣服於豐臣家，亦同時開始親近德川家康，雖然佢無直接參與關原之戰，但支持東軍既政宗派兵支援畀上杉家攻打既最上氏而立功，本身想封佢做100萬石既大名，但因為被指煽動南部家領內既一揆，最後只係加封到62萬石，而政宗亦開始係仙台築城




而係德川家康建立幕府之後，政宗亦有參與兩次大坂之役，但戰績麻麻，重畀真田信繁擊退左

同時相傳佢攻擊同盟軍既軍隊，不過信不信由你，起碼幕府wfc呢件事

戰後論功行賞，將政宗既庶長子秀宗封左去宇和島城，成為宇和島藩，不過佢同仙台藩無關係 ；同時佢收留左真田信繁既次子同長宗我部家既後人，算唔算對幕府陽奉陰違呢？

之後政宗致力發展仙台藩，亦積極同歐洲人來往，有著名既慶長遣歐使節團，曾經拜訪西班牙國王同教宗 ，同時亦將仙台發展成為東北地區既經濟中心

而晚年因為參勤交代制度(規定藩主每年要去江戶一次，旅費要藩主自己出，旨在削弱藩主財力)，經常要去江戶城住，而德川家光間中會召見政宗，聽佢講下當年打仗既經歷，政宗變左講故佬

而政宗最後亦因為食道癌死係江戶城，享年70歲

好，題外話講完，下一篇繼續仙台之旅

cont.

上井晚翠像，又叫土井晚翠，仙台出世既著名日本詞人，最出名既作品係『荒城の月』，
以前日本既中學音樂歌集都有呢首歌


呢隻鷹係昭忠碑，1902年起好，為左紀念西南戰爭同中日甲午戰爭陣亡將士而立，
係311地震受到嚴重破壞，之後修復返


宮城縣護國神社，好靜


之後落返去巴士站，上黎仙台城跡既路都幾曲折，好多手臂彎

https://www.youtube.com/watch?v=YVsDgD-KJVA
btw係等緊巴士既時候突然見到d白白地既野飄黎飄去，但落到地又變返做水，原來係落雪 ，人生第一次見到落雪咋
雖然當時好大風










之後到左下一個目的地，國寶大崎八幡宮
相傳係平安時代名將坂上田村麻呂創立，但正式有規模既建築都係由伊達政宗入主仙台後開始；
幸運地佢避過左美軍係仙台既空襲，成為而家仙台市少有既國寶


又搭車返到仙台駅了


本身想去遊下車河，但見到d路線都繼續運轉見合，無謂喇，結果就返左酒店hea下先

cont.

行過老麥，見到兒童餐有角落生物，即買


我頂呀原來要抽款




中左白熊，幾得意 重有粒塵係櫃桶入面


再落返仙台駅月台，得仙台空港線開返，結果月台同繁忙時間既mk一樣
當然唔會同人逼喇








最後去左附近機鋪玩電車GO!街機
好難玩，太多野要兼顧，顧得速度顧唔到過橋要響警笛同見到對頭車要減光
btw要開左卡先可以玩三個站，400yen算抵玩




返到仙台駅，新年裝飾+極速拆聖誕裝飾


返到酒店睇新聞，今日全個東北地區+北海道都受到『爆彈低氣壓』影響，狂風暴雪
好彩無去北海道，唔係既話睇黎全日都只能係酒店
咁又完一日，聽日開始長距離移動

好想去食牛脷

講完牛脷 樓主有冇食另一名物毛豆泥

無，唔鍾意食豆