有少少似發夢…或者話似半夜紮醒半夢半醒嗰個狀態…
佢聽到一男一女講嘢…但係個腦Process唔到啲對話內容…
舔一舔嘴唇，覺得有啲腥；然後感覺到不時有血從自己個鼻度流出嚟。
滴到佢成件衫、甚至條裙，都有一點點紅色血漬。
唔知坐咗幾耐，楊悅盈先恢復番少少意識。
眼前一片模糊…
「爽唔爽？」嗰把女聲——佢好似叫Jessica？——咁樣問佢；楊悅盈無心情，亦都無力回答。
然後有隻手抬起佢下巴，將啲嘢放咗喺佢塊面上面；佢視線就清晰番。
仍然喺嗰間會議室入面，但係多咗一個著西裝嘅男人，滿面好奇咁望住自己；頭先伸手過嚟幫佢戴眼鏡嘅係Jessica。
「點？有咩感覺？」個男人又問佢，但係佢都無任何回答。
「Intensity我已經Tune到最低，已經搞到佢咁。」Jessica鬆開手，楊悅盈個頭又無力垂番落去，又滴咗兩滴血落條裙度：「所以你呢壇嘢先俾公司Ban。」
開始醒番啲…但係唔係好記得頭先發生咗咩事…
「你嗰壇咪一樣無起色！」聽個男人把聲似乎有啲唔高興：「搞咁多托柒咩其實，而家警察又唔係無槍！」
見到楊悅盈慢慢清醒番，Jessica睥咗個男人一眼叫佢唔好亂講嘢。
「我去做嘢先，你有咩進展再同我講啦。」個男人講完就離開咗會議室。
楊悅盈仲係好頭痛，一手揞住個額頭，癱番落張櫈度；Jessica唔知幾時拎咗盒紙巾入嚟遞俾佢，佢掹咗幾張襟住自己個鼻。
「周Sir…呢？」楊悅盈有氣無力咁問；佢淨係記得同周Sir佢哋入咗嚟…依稀記得佢哋好似已經出番去…之後嘅事差唔多無晒記憶…
「佢哋喺出面等緊你。」Jessica見楊悅盈個樣仲係瘟瘟燉燉咁，開始有少少擔心佢——就算要死都好，千祈唔好死喺呢度！
Jessica踎咗喺佢面前，輕輕力拍咗佢塊面一下。
「…啊？」楊悅盈醒咗一醒，然後將手上面張染咗血嘅紙放喺枱面。
「我同你出去搵佢哋？」Jessica再掹多兩張紙俾楊悅盈，然後扶佢起身；楊悅盈攬住Jessica手臂，搖搖晃晃咁慢慢跟住佢。
啲職員見到楊悅盈件衫佈滿血漬，又好似靈魂出咗竅咁，但係怯於Jessica喺度，因此一直喺度偷望住佢哋兩個。
行咗幾步，楊悅盈先至恢復番可以自己行。
「我…我想去個Toilet先…」佢細細聲講咗句。
Jessica見到楊悅盈好似正常番，先至放心咗少少；佢帶住楊悅盈行咗去洗手間。
楊悅盈走咗入其中一個廁格閂埋門，冚起個廁板當櫈咁坐咗喺上面；感覺到好似已經無再流鼻血，但係佢見到自己件衫同條裙已經好多血漬，所以佢仍然繼續用紙襟住，唔想再整污糟自己。
佢記憶開始清晰番：頭先Jessica先後打發咗山哥同埋周Sir、賴智勇，留低咗自己喺度…然後…自己經歷咗啲好嚴重嘅事爭啲死，但係…佢唔記得咗係咩事。
諗到有啲忟，佢用力拍咗拍自己個頭——好痛…頭入面好痛——
「你頭先對我做咗啲乜…？」佢問喺廁格門外面嘅Jessica。
「你…唔知？」
楊悅盈搖搖頭；然後又醒起門外面嘅Jessica根本睇唔到自己。
「我淨係記得…間會議室淨番我同你兩個人…然後發生咗啲乜嘢我無印象。」
「後遺症嚟？唔緊要，你之後會記得番。」Jessica答佢一句。
——但係我想而家知道…楊悅盈無講出口，因為知道Jessica唔會再同自己講啲乜…
佢而家淨係想快啲番屋企瞓落床…
打開門出番去，喺洗手盤洗咗個面之後，佢就叫Jessica帶佢出去。
[校園/ 懸疑] 已讀不回死全家！（2）
何晞賢
1001 回覆
207 Like
6 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
留名
新post留名
成晚係咁斷線
成晚係咁斷線
成晚係咁斷線
係 好煩
今晚仲出唔出
新post留名
頭先照鏡楊悅盈見到自己面青口唇白，身上面啲血漬又抹唔甩，佢驚一陣會嚇親周Sir佢哋。
Jessica離開咗廁所之後就無再同佢講過嘢，楊悅盈亦都只係腳步浮浮咁跟住佢尾，終於行到出番門口。
山哥、周Sir同賴智勇坐咗喺張梳化度，本身周Sir同賴智勇有啲怯咁嘅樣，但係見到Jessica身後嘅楊悅盈之後，佢哋三個都不約而同——同頭先啲職員一樣——一面驚訝咁望住佢。
周Sir仲好似特別激動，見到佢哋兩個行出嚟，即刻起身來勢洶洶咁走過嚟。
賴智勇都即刻跟喺周Sir後面行過嚟。
見到周Sir神色凝重咁行埋嚟，楊悅盈雖然一直對佢無乜好感，但係見番啲熟悉嘅面孔，始終安心咗啲。
但係周Sir過嚟嘅方向唔係對住楊悅盈，而係Jessica——佢走到Jessica面前，毫無先兆咁一下扯住佢件外套領口拉住佢。
頭先嗰個自信臭串樣完全唔見咗，Jessica第一次露出一個恐懼嘅表情——
「一日！你頭先係咪話一日就可以完咗件事佢？」周Sir有啲歇斯底里咁大聲問：「係咪呀？」
Jessica本能地掙扎，同周Sir推撞嗰陣唔小心撞到後面嘅楊悅盈，佢一失重心爭啲跌低——
好在賴智勇啱啱好過到嚟扶住佢，然後扶咗佢埋一邊。
「…無事吖嘛？」賴智勇壓低把聲問楊悅盈，唔知係咪因為俾周Sir嚇親。
楊悅盈搖搖頭。
「快撚啲搞掂佢，完咗件事！」周Sir唔知點解好似失咗控咁。
櫃枱個女仔縮番落去，然後開始有啲職員行出嚟；呢個時候山哥已經埋到嚟。
「喂！」佢幫手拉開咗周Sir；但係周Sir似乎仲未死心，好想推開山哥再埋番去Jessica度，山哥惟有制伏咗壓咗佢落地。
有兩個男職員出咗嚟，Jessica心有餘悸，捉住咗其中一個男同事手臂，呼吸急促咁望住周Sir，以防佢再衝埋嚟。
「你應承咗俾多一日你你搞掂佢架！」周Sir郁唔到，但係仍然對住Jessica大叫。
楊悅盈見到周Sir咁樣，皺起眉用一個疑問眼神望住賴智勇；賴智勇拎咗部電話出嚟俾佢睇。
——關鍵人物全員死亡！ （進度：2/4）？！楊悅盈睇到呢度之後個心涼咗一截：明明應該只係淨番徐建文一個…？
然後佢又睇到兩條新規則：30分鐘內要覆Admin Send俾佢哋嘅Message，同埋——
——楊悅盈望一望周Sir而家個狼狽樣，雖然好想幸災樂禍咁笑佢，但係只係覺得佢好慘——
——無論係羅彥輝件事又好，已讀不回死全家件事又好，一直都用嘗試以局外人、第三者身份睇住啲學生嘅周Sir，終於以一個最壞嘅形式加入咗佢哋。
「冷靜啲呀！」山哥喝咗佢一聲，然後對住啲職員講：「警察，唔使緊張！」
見到山哥已經控制住周Sir，Jessica先放開咗個男同事。
「一日或者兩日…」佢一邊整理好自己件衫領，一邊對住周Sir講：「但係…唔該唔好俾我再見到你。」
然後佢對住楊悅盈點一點頭，就行番入辦公室入面。
山哥終於放開咗周Sir，拉番佢起身；然後佢哋四個一齊離開咗MTCC。
喺電梯入面，四個人都無出過聲。
直到行出咗橦大廈，山哥拎咗枝煙出嚟點起，吸咗一啖先同佢哋三個講。
「…你哋聽到頭先個八婆點同我講？」佢噴咗一啖煙出嚟，表情有啲無奈：「我…我嚟緊幫唔到你哋咁多，你哋自己小心。」
講完之後，山哥就掉低佢哋轉身走；但係行咗兩步，又回頭過嚟對住楊悅盈講多咗句。
「妹妹，唔好太睇得起自己，有啲嘢唔係你想做就做到。」佢講完之後苦笑一下就走咗。
「頭先…你同個女人一齊，發生咗咩事？」賴智勇問楊悅盈。
楊悅盈只係搖搖頭——開始有番啲模糊片段，不過佢仲係未記得番晒成件事。
「咁我哋而家…」賴智勇交替咁望下周Sir同楊悅盈，但係楊悅盈個樣仲有啲迷糊，而周Sir就繼續神不守舍咁，搞到賴智勇唔知點好。
有啲徬徨嘅時候，電話就響起。
Jessica離開咗廁所之後就無再同佢講過嘢，楊悅盈亦都只係腳步浮浮咁跟住佢尾，終於行到出番門口。
山哥、周Sir同賴智勇坐咗喺張梳化度，本身周Sir同賴智勇有啲怯咁嘅樣，但係見到Jessica身後嘅楊悅盈之後，佢哋三個都不約而同——同頭先啲職員一樣——一面驚訝咁望住佢。
周Sir仲好似特別激動，見到佢哋兩個行出嚟，即刻起身來勢洶洶咁走過嚟。
賴智勇都即刻跟喺周Sir後面行過嚟。
見到周Sir神色凝重咁行埋嚟，楊悅盈雖然一直對佢無乜好感，但係見番啲熟悉嘅面孔，始終安心咗啲。
但係周Sir過嚟嘅方向唔係對住楊悅盈，而係Jessica——佢走到Jessica面前，毫無先兆咁一下扯住佢件外套領口拉住佢。
頭先嗰個自信臭串樣完全唔見咗，Jessica第一次露出一個恐懼嘅表情——
「一日！你頭先係咪話一日就可以完咗件事佢？」周Sir有啲歇斯底里咁大聲問：「係咪呀？」
Jessica本能地掙扎，同周Sir推撞嗰陣唔小心撞到後面嘅楊悅盈，佢一失重心爭啲跌低——
好在賴智勇啱啱好過到嚟扶住佢，然後扶咗佢埋一邊。
「…無事吖嘛？」賴智勇壓低把聲問楊悅盈，唔知係咪因為俾周Sir嚇親。
楊悅盈搖搖頭。
「快撚啲搞掂佢，完咗件事！」周Sir唔知點解好似失咗控咁。
櫃枱個女仔縮番落去，然後開始有啲職員行出嚟；呢個時候山哥已經埋到嚟。
「喂！」佢幫手拉開咗周Sir；但係周Sir似乎仲未死心，好想推開山哥再埋番去Jessica度，山哥惟有制伏咗壓咗佢落地。
有兩個男職員出咗嚟，Jessica心有餘悸，捉住咗其中一個男同事手臂，呼吸急促咁望住周Sir，以防佢再衝埋嚟。
「你應承咗俾多一日你你搞掂佢架！」周Sir郁唔到，但係仍然對住Jessica大叫。
楊悅盈見到周Sir咁樣，皺起眉用一個疑問眼神望住賴智勇；賴智勇拎咗部電話出嚟俾佢睇。
——關鍵人物全員死亡！ （進度：2/4）？！楊悅盈睇到呢度之後個心涼咗一截：明明應該只係淨番徐建文一個…？
然後佢又睇到兩條新規則：30分鐘內要覆Admin Send俾佢哋嘅Message，同埋——
——楊悅盈望一望周Sir而家個狼狽樣，雖然好想幸災樂禍咁笑佢，但係只係覺得佢好慘——
——無論係羅彥輝件事又好，已讀不回死全家件事又好，一直都用嘗試以局外人、第三者身份睇住啲學生嘅周Sir，終於以一個最壞嘅形式加入咗佢哋。
「冷靜啲呀！」山哥喝咗佢一聲，然後對住啲職員講：「警察，唔使緊張！」
見到山哥已經控制住周Sir，Jessica先放開咗個男同事。
「一日或者兩日…」佢一邊整理好自己件衫領，一邊對住周Sir講：「但係…唔該唔好俾我再見到你。」
然後佢對住楊悅盈點一點頭，就行番入辦公室入面。
山哥終於放開咗周Sir，拉番佢起身；然後佢哋四個一齊離開咗MTCC。
喺電梯入面，四個人都無出過聲。
直到行出咗橦大廈，山哥拎咗枝煙出嚟點起，吸咗一啖先同佢哋三個講。
「…你哋聽到頭先個八婆點同我講？」佢噴咗一啖煙出嚟，表情有啲無奈：「我…我嚟緊幫唔到你哋咁多，你哋自己小心。」
講完之後，山哥就掉低佢哋轉身走；但係行咗兩步，又回頭過嚟對住楊悅盈講多咗句。
「妹妹，唔好太睇得起自己，有啲嘢唔係你想做就做到。」佢講完之後苦笑一下就走咗。
「頭先…你同個女人一齊，發生咗咩事？」賴智勇問楊悅盈。
楊悅盈只係搖搖頭——開始有番啲模糊片段，不過佢仲係未記得番晒成件事。
「咁我哋而家…」賴智勇交替咁望下周Sir同楊悅盈，但係楊悅盈個樣仲有啲迷糊，而周Sir就繼續神不守舍咁，搞到賴智勇唔知點好。
有啲徬徨嘅時候，電話就響起。
何晞賢
來電
Live
巴打 預計仲有幾多篇完？好心急想知結局
有感情問題纏身都唔爛尾
值得正評
值得正評
Live左
lm
MTCC真係幫警察設計武器
lm
Lm
我晚晚都有追 樓主真心寫得好
我晚晚都有追 樓主真心寫得好MTCC真係幫警察設計武器
黑警
Jessica真係好濕鳩
新post留名 樓主加油!
樓主加油!lm
Live完即留名
希望今日唔好成日死 ser