[方丈] HR萬事屋，面試搵工，升職講數，你問我答

我冇話你錯, 只係大家目的/ 側重點唔同
留black and white 任何時候都係好既
但係現實上事主想拎到HR reply, 佢Send email 真係block 左
HR 真係唔理佢, 佢上司真係唔理佢
就算事主拎到contact hist 出黎話自己有搵佢地
都已經去到奴記先拎出黎, 都已經對佢黎講好辛苦
打電話人地都可以唔聽, 但係對事主黎講可以易做少少(?)
同埋HR 唔聽公司電話既機會會細少少(?)
所以我會recommend 咁做姐
其實又email 又電話雙管齊下都得的

係, 但係email 左人地, 人地唔理佢
結果佢都係要去奴記搞
我估如果可以, 事主都未必想花咁多心機時間去搞姐
照顧身體都緊要

搵個人好頹
而家真係可以apply既工少
有得in既仲少

咁當然簡單可以處理到就最好啦
但電話要唔理都好簡單既 西公司就會係咁
如果佢地肯電話reply就唔會搞到而家咁啦

試多幾個方法冇壞既

冇既 就係知道佢咁樣所以明恰，所以睇事主想點姐

我諗我都明你意思既, 所以先叫你同佢地直接打電話/ 返office 講

因為你個感覺都唔似想去奴記 (係哩單野到, 你唔會點輸, 因為你有假紙)
但係我唔想你要受去奴記所require 既個啲admin workload

我會估, 你HR 可能都係聽左你上司講, 當左你係problem staff 就避你,
你亦都用唔到公司email, 咁你就直接打電話/ 返office 講啦
等佢地知道你想知私人野點拎返, 想知final payment 點計
拎返工作証明就完
正常黎講, 佢地都會想送瘟神
但係如果你啲email / 文字, 佢地都唔理你/ 冇睇,
咁即係你連佢地想點處理都唔會知

用第個number 打過去> 用私人email send > F2F 返office 處理啦

冇咩大用...ref check 咁既情況, 佢地都唔似會幫你講好說話
所以你到時再出發搵工都要諗好點拆
但而家身體行先, 保重自己先啦

所以要漁翁撤網 apply 多啲啊

我希望佢個邊HR 知道左staff 已經投哂降, 送瘟神快手搞掂咋..
因為似係佢上司已經搞到HR 都怕左佢
唔係唔會例都唔理咁避佢...
事主仲要病緊, 都唔知佢有精力做到幾多, 唉
都係陰功case

真心正仆街黎

返咗一年都未夠
班人又咁西
依份唔寫落cv啦

同埋想請教方丈識唔識點玩jobdb個ai
點先可以避過個ai然後高d命中率

我諗 關於你care既幾樣野，得一樣你要理下，其他可以放低 唔好擔心咁多

都係一個方向, 但係都大半年, 空白又係俾人問

好似好快完，係咪玩完了

想請教方丈幫手

睇下有冇好值錢野... 其實佢又唔係俾人禁左返office, 返去拎可以
叫同事拍片/ 有witness 咁幫佢pack 再SF 俾佢都得
我會覺返一返去最好
等HR 冇得避佢

HR最後終於覆左我
我長文解釋自己真係唔想做麻煩友
只係呢個上司真係嚴重加重我病情
我既訴求只係想知依家到底想點

佢既回覆都係幫上司講好說話
話踢我出group只係唔想打擾我
呢d官腔黎姐
我知上司私下周圍同人八卦D義工有冇同我聯絡
因為佢逐個打比佢地中傷我
佢擺明係做左虧心事 怕比我知番先咁問人

其實最加重我病情都係佢開會當住義工面中傷我
因為我上司出名難纏 D義工都好憎佢
所以私下有搵我
但當然點都同我上司咬死冇同我聯絡
佢地都好關心我
不過我都淨係敢凌晨覆佢地
我依家同人即時通訊..Even只係打字都驚

HR既回覆係我既AL會計番錢比我
佢會同我約個時間番去做離職手續
同埋佢搵左我同事收拾我既個人物品
病假果D到時拎埋番去就得
工作證明佢地都會出比我

終於唔洗再對住佢
其實最恐怖既係我已經冇番工佢都可以影響到我
一路已讀不回我
但隔幾日踢我出幾個group
仲要咩都冇講
都未計佢之前一堆小動作..
收鎖匙 改公郵密碼 改埋drive權限
星期日唔洗OT但我番左去佢先話我辭左職唔洗番黎OT
慫恿其他同事孤立我

佢上年岩岩先升做阿姐
我上手都係半年左右就比佢逼走

另外其實我好耐之前已經想走
有個offer隔左好耐先比我（我果陣已經頂唔順裸辭 呢個係及時雨）
所以我先唔想搞大佢
依家個問題係我仲格唔格硬番好
因為我本身話19號on board
但我19號要番精神科覆診

我應該講提早定推遲
如果推左個offer
我好怕我依家呢個狀態根本冇可能正常interview
我搬左出黎住 經濟壓力都大

你好, 如果係上個月月尾見, 即係都係1-2 個星期左右
你可以打返去問HR status
但係呢, 你share 既info 就咁睇就見唔到人地有意想要你/ 急要人
問人工同埋返工時間都係啲standard 野
即係你唔得/ 你得, 佢都會問
咁就indicate 唔到佢係咪想要你
至於佢係咪內部有人調, 哩個真係無從判斷啊
打返去問啦

其實interview 時間長度如果唔係短到得十分鐘咁,
又或者個interview 好明顯好唔中意你,
你答啲野錯到太空咁遠, 咁時長其實唔係好有指標性的
你答得好好, 人地好中意你, 都可能有下家更好
所以與其估佢心思, 不如搵住其他等啊...

你係做哩份工之前有冇空白?
如果冇既話, 我提議你唔好寫
因為俾人問空白... 好過你個2 個原因同埋好過你俾人9 估你fail probation..
你個2 個原因睇上去都唔似係公司問題, 而係你問題 (就算係公司呃你入去)

休息好自己先啦
解決左都好, 我記得你話你識啲consultant
問佢地拎recommendation letter 啦, 如果夠friend 的話

其實我係你, 我唔會打長文...
因為千字文... 人地打工會唔想應多過想應你
不過最尾佢都同你廢up 完一輪都做哂要做既野咁就OK 了
都係個句, 保重啊