有冇嚴重濕疹既朋友圍爐

仆街。。個屁股出濕疹，紅左一大個位，發到大腿內側，查緊類固醇，好痕坐係到又痛

有呀 仲有用死海鹽沖涼都有用

你在香港大學深圳醫院看？

上癮 你係咪搞笑

想叫醫生開半年針劑，自己打
純粹時間考慮

左邊個隻幾新下
價錢如何
如果復發率真係咁低都幾正

人民幣千多元一支

話說我之前都有頭皮濕疹兩年幾，屋企人介紹我用角鯊油搽濕疹位置，依家好咗勁多我係用muji呢隻搽



同埋日本啲濕疹水真係唔係講笑，我依家叫做好咗8-9成，有時會痕少少就用呢枝，喺日本藥妝店買，唔係間間有，呢個牌子係HapYcom

巴打 頭皮濕疹嗰時有冇甩頭髮？

個時頭痕到爆 R到甩頭髮，有試日本藥妝muhi 頭皮藥水，頭濕疹好返好多唔痕 ，但我啲頭髮因為R痕甩咗勁多。但宜家頭皮狀態好好多等慢慢生返頭髮。但不時個頭都會痕返又紅。謝介紹我都試下muji先。

我絲打嚟，冇甩頭髮問題
希望你搵到方法生返啲頭髮啦，有冇機會係遺傳？
Btw 日本啲濕疹水真係好勁仲要好平
好過喺香港俾人水做啲療程

Sorry我諗唔會，我痕R先開始甩，頭皮損左搞到短短一個月甩到勁誇張。宜家生返毛仔，繼續努力。都唔明點解上年變到成身都濕疹

真，我臉有啲位都有濕疹，IHADA有隻抗敏乳液搽完都不錯，去日本真係要大量入手濕疹產品做過Facial次次臉都起濕疹又痕又紅

想問飲evoo會唔會有咩副作用？
好驚會唔會過多fat，健康出問題
上網睇啲人又話唔好就生飲，話寧願加喺嘢食度

利申嚴重濕疹

我只代表我自己，所以只能分享自己的經驗。

真係無咩副作用， 生飲純粹係因為懶，唔想撈落食物度咋。 我健康無出咩問題噃。

但有時飲飲吓覺得寡，咁就會買枝易入口嘅黑醋（例如蒜味、辣椒味嘅，隨個人喜好），兩樣撈埋再是鬼但點麵包嚟食。 麵包唔是重點，細細嚿就夠，重點係等佢索多啲油令自己食多啲油落肚。 或者你搵自己鍾意嘅嘢搭嚟食，開心食落肚令自己舒服。

但都係嗰句，一定要買靚嘅evoo (冷壓、初榨、深色玻璃樽裝），唔好貪平貪方便買一大枝，靚嘅油味道真係唔同嘅。 唔好心急求其買，慢慢搵。

不過即使買到唔啱嘅油都可用嚟煮嘢食，唔好嘥。

情緒亦會影響病情㗎，放鬆啲，你一定會好番

我前兩日買咗枝meadows evoo,唔知點解屙到傻

唔好飲咁多住，等身體慢慢適應。

始終每個人體質同濕疹成因唔同，發炎咗咁多年，油又唔係藥，好難即刻見到效果。

試吓隔幾日至飲小小，同埋每日分開唔同時間飲（唔飲就試吓配麵包/沙律/意粉etc 咁攝取），俾個時限自己觀察身體反應。

但我自己覺得，屙是排毒反應，排吓啲濕毒出嚟等唔好困在體內，又未必係壞事。

再試一排，真係覺得無用，至試其他友嘅方法啦。加油加油

同埋我上網google 咗meadows 牌evoo

evoo 要買 cold pressed （提煉方法） 同埋 first pressed (初榨，即是第一浸嘅油）

第一浸嘅油最有營養。 你想像吓啲人榨蔗汁果汁，第一浸最濃最多營養響入面。

所以「初榨」同「冷壓」嘅油會最貴，同埋要用深色玻璃樽去保存令佢無咁易氧化變壞。

可以試吓音頻療法： https://youtu.be/M7_NBosrrfU?si=Nl71TKWTqE28wmsR

認真試下打生物制劑 Dupixent
life changing 打完即刻唔痕 啲皮膚再慢慢康復

有能力就香港打 再唔係就深圳港大醫院打

唔好再浪費光陰

我都有多年慢性濕疹 試咗好多中西醫 唔同偏方洗咗好多無謂錢