有冇嚴重濕疹既朋友圍爐

未飲水前 濕疹嚴重到出唔到街一年左右 同食左一年粥
但冇乜用

有傷口 乾腫再搽野乸 = 受到刺激
最好唔好再搽任何野比佢乾甩皮自己修復
如果頂唔順要搽，搽油會好啲無咁大刺激

唉我想講我呢家中六半年後就dse，就係因為濕疹搞到個心情勁差書又溫唔到學又返唔到咁樣，之後我由四月份開始睇中醫睇到而家每個月9000幾藥費加埋零用錢立立雜雜屋企每個月都最少使皮幾嘢喺我度，但係直到而家好似冇任何好轉，依半年入邊社工都見過好多次都冇乜幫助，我心入邊越嚟越大壓力一方面係覺得因為自己搞到屋企負擔又重咗咁樣，一方便就係痕到每晚都瞓唔着忍唔住R甩晒晒啲死皮第二日啲皮膚又紅到豬頭炳咁樣又出晒水，而家搞到塊面都係真係有容貌焦慮。呢半年個人真係越嚟越灰😔😮‍💨

好唔該感謝你🙏🏻

我係買左cold pressed 個隻呀
有信心可以一個月內好返

有冇睇過西醫？太嚴重可能真係要消左炎先

佢開d咩藥要9千幾蚊？3千幾蚊夠睇一個月
如果佢係開清熱解毒藥嘅你可以換另一個中醫了

我之前有但食咗7日藥都消唔哂，就喺4月嗰時走咗去睇中醫到呢家

我都唔知啊但我啱啱睇咗加埋有40種藥，你識唔識睇d藥材我可以send俾你睇睇

生物製劑


返大陸三甲醫院
二三千蚊人民幣一針

你留低 tg，我一陣加你

一壓力大焦慮 皮膚某啲部位就會出一撻紅色疹又痕又痛 鞋鞋地 而且擴散得好快 但又唔似濕疹咁有水泡或者有液體滲出嚟 心情好返又會自己消失

屋企人個頭 長期好痕 又忍唔住R
想問呢d係咪濕疹？ 定似頭癬？

我係中完武肺之後爆濕疹+風癩
無你地咁嚴重 用左一年幾時間醫
幸好而家叫做好返 係有時無乜戒口就會起一兩撻紅

自己經驗
抽血驗無對任何野敏感都要戒口
我自己食某d食物之後特別易紅/痕（由其係高組織胺食物） 靠自己試出黎
個時每日三餐淨係烚菜+豬肉+米粉（無調味）

我係爆發時睇西醫食類固醇撳一撳住，再中醫慢慢調理好返 （要搵個夾自己既好難，我都試左幾個）

保濕+止痕好重要 唔同位置用唔同野 （慢慢試）
金盞花油，cerave，卡倫萬用膏，x豆媽媽啲濕疹產品（呢幾樣野而家變左居家必備）

對腳有傷口我會包住（著鞋會整到），係屋企先會俾佢抖氣

最後心情真係好重要，個人放鬆d去面對，都易d好返
我個時去個狀態係，好唔返咪好唔返囉無事既，咁諗，再慢慢食藥搽野，突然就覺得好似傷口都好返哂

我幾年前同你差唔多
不過我係戒類再睇中醫
會唔會考慮下休學一年等身體好啲再考Dse啊
因為你依家咁壓力越來越大好影響濕疹難好
仲有唔知你睇緊邊個中醫如果無咩進展可以考慮轉返有擅長醫濕疹既
中醫開既藥水藥膏都唔係好建議用因為驚有西藥成分
同埋唔知你有無搽野
又紅又出水最好唔好搽野刺激了等佢乾同甩皮修復

H1_Him

想問有冇人試過全身皮膚紅哂
岩岩上網search又話好易致命
係咪一定要入院治療

唔清楚但建議睇下醫生

能夠舒緩皮膚炎症同埋令啲傷口癒合，個人會開心好多㗎。 食啱身體需要嘅嘢會好快見效

以前啲皮膚爛到一撻撻，傷口又必汁（血清），有次行過灣仔天橋，見到有個行乞者，佢腳上啲傷口都係必汁，望到佢又諗吓自己，覺得好鬼不堪

cold pressed ，有嘅話揀 first cold pressed. 佢就係冷壓&初榨的橄欖油。 你買啱就好啦

頭皮濕疹算唔算係濕疹
成年幾都搞唔掂

其實你會唔會係類彈緊？
我知你仲用緊類但用既類可能已經唔夠強去禁住你既濕疹
因為我仲用緊類個陣最嚴重都唔會全身紅晒
最多係濕疹既位紅
致命我諗又唔會既我戒類個陣成身紅皮症都無事
但都驚會唔會係其他問題eg紅斑狼瘡，所以皮膚紅？
穩陣起見，我覺得你睇醫生睇吓要唔要再轉/加強啲藥

算，你係乾性定油性？
可以試下用松焦油洗頭
好多人濕疹頭皮用佢都work
可以消炎殺菌

乾性呀一R就有頭皮
用乜都搞唔掂
Btw 多謝你介紹

我睇咗2個中醫都係開清熱解毒去濕，2個都係食到第6日就開始出水，到宜家都流唔停

想要你個中醫資料參考🙏🏻🙏🏻

其實濕疹係免疫系統問題，師兄用咁多錢去睇中醫…有咩用呢。中醫連咩係免疫系統都唔柒識。