有冇嚴重濕疹既朋友圍爐

我只係幾處濕疹都好辛苦，所以好明白大家痛苦之處

之前幾年貪快貪平亂鳩咁搽類固醇，啲皮膚開始怪怪地，上個禮拜一戒，而家爆到九彩，隻腳係重災區

星期六去睇下皮膚科睇下點處理

睇完，咁岩要撞正突然接觸到啲敏感大爆發搞到啲症狀大溝亂


有同佢講過之前Abuse咁用強類固醇
佢暫時都開左隻次一級既類固醇幫我降低個依賴同埋醫下啲急性敏感濕疹



話時話大家有咩止痕好方法

想問吓你地有冇啲去印好方法推介

今年夏天先開始爆，過往都冇乜濕疹。
由隻腳大髀去到小腿,Pat Pat都有
近期隻手同個身都勁多紅色一點點
睇左幾個政府醫生，都係比豬油膏沖涼、搽類固醇
止痕敏感藥。

勁樣衰，唔知幾時先好返
壓力又唔覺得大，普普通通，又無大病過
完全唔知咩事呢排瞓得好少少，但發得勁左咁

止痕我試過用冰，浸死海鹽（好乾）同食抗敏藥，不過都幫唔到幾多
唯有飲食上面避免食啲食完會痕嘅食物，增加組織胺既、有咖啡因同甜野都唔好食
平時我都會食魚油+維他命D,k2
仲有有預算嘅話可以去驗吓去睇吓對咩敏感，有分即時性同延遲性
好似我係冇食物敏感，我係對塵蟎敏感就要勤力啲換床單，同埋用吸塵滿機吸張床
最後想講就算開低一級嘅類固醇俾你，之後用到純左係會要加強，總之就係一直依賴同唔用就反彈喺度輪迴，除非你短期濕疹就還好，長用會好多問題我嚴重濕疹最後都戒左

買左呢款唔知岩唔岩

查過類固醇嗰撻皮膚好黑
有咩計仔可以整走撻黑印

想問下evoo 有無邊隻推介
定係普通就咁係超市買就得？

巴打最近有冇好s

好d

感覺如何

應該可以
只要係extra virgin olive oil

想問你戒左幾耐
戒個時係咪好辛苦

非常滿意，現在可以一覺訓到天光， 以前係痕到訓唔到， 但我已經反大陸深大醫院買藥， 2000蚊一個月

已經好返哂了，得返啲印
前排食左一個星期中藥，去左轉日本
買左啲濕疹藥膏搽，即時幾日消哂
唔知係咪日本藥膏勁啲，因為之前試過搽個啲藥膏好好返
反而香港搽醫院類固醇藥膏，搽咗半年都未好

但係濕疹個排，搞到個頭有頭皮炎
宜家勁甩頭髮但叫有新毛毛生返
食緊補充品等頭髮生返

整體嚟講都幾好嘅，起碼而家瞓到覺成身唔痕先

想問係咩藥膏 都係有類固醇？
好驚停左之後會反彈

恭喜巴打

應該有少少，但我諗點都唔會勁過醫院開個啲掛
政府開黃色一罐仔 我搽左幾罐都唔覺有好到
都搽左幾個月 我都搽過大陸個啲類固醇松乳膏
無完全好返

但我旅行一個星期用左2支到日本買呢隻藥膏
已經無咁紅同消左好多 食野仲要食便利店、燒肉
咁我諗唔關戎口事 同個個星期都無食中藥
到宜家皮膚得返啲印，已經唔痕
大大話話都搽咗起碼3個月以上類固醇都無反彈
希望幫到你

過往都試過隻腳生得好勁，又係日本搵藥膏搽
但唔係呢隻 但個次都好返 係今次勁嚴重

今次好返後
真係要留意吓有冇對啲咩敏感
因為爆起上嚟真係好那痕 痕到癲

同埋原來頭都會濕疹
慶幸而家頭皮濕疹都好返
但啲頭髮要起碼半年先生返

想問試完有冇好左?

我今年就第6年，但上年眼發炎睇唔到野又用返類眼藥水，第三次戒類
我係2019開始戒，個陣真係爛到七彩由頭皮到腳板無忽好肉，我自己以月計，或者其他人以年計先見有好轉，用既量 個人體質 藥既吸收情況 同年齡我覺得都會影響時長，所以好多人話早戒越好，但一定要做夠搜尋，了解個情況會發展成點先好戒，我個陣好細個，無做research唔知會發展到好爛，所以戒個陣入Facebook 戒類固醇組狂分享個人感受同睇下人地會點，但個人都係會好唔開心，因為太爛個陣真係係屋企房自閉，連屋企人都唔想比佢地睇到

原本中學時期忽然兩隻腳關節後面有濕疹
打30歲人打完肺炎針 連埋多左兩隻手關節位都有
兩隻腳算係嚴重 關節位後黑左一大達 成日都好乾
搞到平時都唔敢著短褲出街
最近feel 到格肋底都好似想生 係咪要準備搽類固醇

舊年新年塊面都過埋敏 眼皮同嘴唇兩個月先正式好返哂
今年又黎過 唔知關唔關天氣問題

有冇人番大陸買Dupixent番香港自己打
佢pre-filled嘅，說明書都話其實可以自己打
唔想個個月都上深圳打
一嚟無時間，二嚟自己打可以仲平啲