我和鄰居大姐姐的故事（24）

綠茶巴

七百三十九

消防員一爆開度門就走咗入去，我響佢哋後面裝裝下，隱約好似見到有條友瞓撚咗響度。

係林太！？

「太太！太太！」入咗去既消防員行過去輕輕咁呼喚林太，但佢好似不省人事咁。

「幫手叫救護師兄入黎吖！」

「好！」

我真係唔知有咩可以幫到手，只好響門口睇住啲消防救護忙到一頭煙，最後夾手夾腳將林太抬咗上輪椅再推出去。

呢個時候一個救護員走埋黎問︰「先生你係咪病人屋企人？」

「算係喇。」

「咁你會唔會跟埋我哋白車一齊去醫院啊？」救護員問。

為咗秋兒姐姐，我當然義不用辭，點頭道︰「好！」然後向救護同班消道謝︰「麻煩晒你哋喇。」

臨走前我見餐枱上面有個銀包，估計應該係林太既，話唔定入醫院登記既時候有用，所以我冇問過人（事實上都冇人問）就拎埋響身。之後我簡單咁鎖返埋秋兒姐姐屋企度門，就跟埋班救護員上救護車。

我一上車問明去邊個醫院之後就即刻打比秋兒姐姐︰「搵到Auntie喇，佢而家昏迷不醒，送緊去XX醫院，妳直接叫條的士佬車妳去果度喇。」

秋兒姐姐聽見之後即刻同條的士佬講改去XX醫院，然後焦急咁問我︰「媽咪…媽咪…佢點啊？」

我望住響我面前為林太急救緊既救護員，其實我都唔知林太而家咩情況，唯有答︰「我都唔知，救護哥哥佢哋做緊急救。」

「司機...唔該你快小小...我媽咪...我入咗醫院，唔知咩情況啊...唔該吖...」電話入面傳黎秋兒姐姐向司機講既說話，然後佢再同我講：「熙熙...麻煩你睇住媽咪先...如果有咩事既，你即刻打比我吖...」

我安慰秋兒姐姐道：「放心，呢度有我睇住，妳媽咪唔會有事既。」然後再叮囑佢：「唔好叫條的士佬開咁快啊，我唔想妳有咩意外。我...唔想連妳都要擔心埋。」

秋兒姐姐應道：「嗯，我知架喇。」

佢講係咁講，但心急既佢會唔會聽其實我都唔知。

不過好彩既係響我到咗醫院冇幾耐，秋兒姐姐都平安趕到，並冇出咩意外。

佢打比我，我就行出去急症室門口接佢。

「媽咪點啊？」秋兒姐姐一見到我就緊張咁問。

「醫生啱啱推咗Auntie入去，響入面做緊檢查。」我指一指急症室入面既一道門，道︰「我接到妳電話，就出黎接妳。」

「熙熙…媽咪…媽咪…佢會唔會有事架？」秋兒姐姐六神無主咁問我。

「唉，我都唔知，希望冇事喇。」我拖起秋兒姐姐隻手，道︰「黎喇，我帶入去妳媽咪做檢查既地方喇。」

「嗯…」秋兒姐姐好擔心，雙眼都紅晒。

我係曾經講過，我有啲黑心咁，想林太死咗就一了百了，唔會撚阻住地球轉。但當而家睇到秋兒姐姐咁擔心既樣，我都係收返果句說話，希望林太大步檻過。

先唔好講林太係秋兒姐姐媽媽，撇開呢樣嘢，佢個人好似係拜金至上，但其實諗深一層，佢都只係想個女嫁個有錢人，等佢下半世衣食無憂啫，唔駛話詛咒佢死咁嚴重，我收返當時既說話。

而且，冇林太咁樣響背後咁樣壓逼法，我諗我響大學三年入面，都唔會咁積極咁去增值自己，到最後搵到一份都叫起薪點非常唔錯又有前途既工作，如果比心機做落去既話，一定可以做到養活秋兒姐姐，令佢衣食無憂既。

總之，希望佢今次冇事喇。

我拖住秋兒姐姐響急症室入面左穿右插，最後去到一道簾前面，我指住道簾同秋兒姐姐講︰「醫生就係響入面幫Auntie檢查緊喇。」

「唔…」秋兒姐姐憂心忡忡咁望住道簾。

我見到道簾附近有幾個吉位，於是拖住秋兒姐姐過去，道︰「唔知醫生要檢查幾耐，不如妳坐低休息陣先喇。」

同周阿嫲果次差唔多，我哋都唔駛等得太耐，醫生好快就由道簾後面走咗出黎，而後面有幾個姑娘好匆忙咁推咗林太出黎，然後唔知推咗佢去邊。

醫生走埋黎果堆座位面前望咗一望，應該係認得我啱啱係同林太一齊黎既人，於是行埋我哋附近，問︰「係梁淑芳既家人？」

題外話，我都係響白車入面幫林太做簡單登記既時候，先知林太既全名係梁淑芳。

秋兒姐姐呢個時候仲快過我企起身，道︰「我係佢個女。」

醫生一臉凝重咁同秋兒姐姐講︰「唔…妳要有心理準備。」

（待續）

死左

無咁易嘅，多數中風

究竟係植物人定死埋

醫生話：你要有心理準備先，嗰位太太有咗BB，而且已經有咗3個月

律師仔屌唔到秋兒，走去屌佢老母？

可能唔係律師仔，係大麻熙嬲撚到真係走去屌秋兒老母

點會死
死咗就唔會有老母正式接受熙仔嘅老土環節啦

加更未

push

呢個正

風韻猶存

聽日

七百四十

「心理準備？」我嚇咗一跳。

醫生點點頭，凝重地道︰「病人係出血性中風，而且係過咗至少幾個鐘先被發現，而家有生命危險，我哋會即刻安排同佢做手術。」

吓？

生命危險？

唔係啩？咁嚴重？

但醫生個樣咁嚴肅唔似講笑喎…

「醫生，你要盡力救返我媽咪啊。」秋兒姐姐終於忍唔住，雙眼入面既眼淚開始不停咁流出黎。

我冇乜嘢做到，淨係可以搭住秋兒姐姐，係咁輕輕地拍佢膊頭以示安慰。

「放心，我哋一定會盡力搶救。」醫生道。

*

我哋響手術室外面一路等一路等…

一個鐘頭、兩個鐘頭過去…

手術室門上既燈仲一直著緊…

秋兒姐姐一時坐咗響手術室門外既凳仔上面，一時又企起身行黎行去，非常坐立不安。

佢又好緊張，連洗手間都唔敢去，驚一行開咗林太就會做完手術被推出黎。

我從來未見過秋兒姐姐咁忐忑不安既樣，以前我一直都受佢照顧，佢總係比我覺得佢係可以好冷靜、好成熟咁照顧晒所有既人同事咁。佢而家會不安成咁，可想而知佢而家既心情係幾咁焦急、幾咁憂慮同擔心，甚至乎係覺得好驚、好恐懼。

我可以做既只有陪住秋兒姐姐，響適當時候安慰下佢。

「放心喇，冇事既，我之前個補習學生既嫲嫲都試過中風，咪一樣康復得返？」我諗起周芷若嫲嫲果次中風件事，諗住以此黎安慰秋兒姐姐。

「但係…我記得你講過…你個學生既嫲嫲…佢中風果陣你響現場，佢一暈低你就即時報到救護車…」秋兒姐姐想忍住眼淚，但邊可以咁易話忍到就忍？雖然唔係嚎啕大哭，但佢擔憂既眼淚仲係不斷咁由眼角咁流出黎。

咁樣真係令人睇到心都痛埋…

我唯有繼續安慰佢︰「冇事既，一樣係中風啫，一樣醫得返既。」

但事實上我心知肚明，常識都有講乜嘢黃金X小時定律，無論係咩急病或者意外，越早求醫，救得返既機會就越高，周阿嫲個case點同林太比呢？

我見秋兒姐姐又傷心又擔心既樣，都好心痛，忍唔住輕輕咁攬實佢，都唔顧得而家其實係響醫院呢啲公眾地方入面。

不過秋兒姐姐呢一刻真係好需要依靠，所以唔鍾意響公眾地方有親密接觸既佢都冇講乜嘢，反而仲將個頭埋響我心口度。

我感覺到秋兒姐姐個身係咁輕輕地震，都感覺到佢埋響我心口入面既氣促聲，我知道佢終於頂唔順，響我心口度爆喊出黎。

我輕輕咁掃下秋兒姐姐既背脊，等佢將啲不安、憂慮、擔心，透過喊呢種方式發洩出黎，咁對佢精神狀況都好啲。

有一句說話我唔應該呢個時候講，但我係真心覺得，秋兒姐姐呢一刻真係有一種依靠我呢個男朋友既感覺，我對於呢種感覺其實好高興。

秋兒姐姐唔係爆喊咗好耐，慢慢地平伏咗心情，只係佢仲伏響我心口唔願意移開，彷彿我心口就係佢所有既依靠咁。

我錫咗秋兒姐姐頭頂一啖，道：「放心喇，冇事既，Auntie一定可以大步檻過既。」

秋兒姐姐依舊將面埋響我心口，語氣自責咁講︰「我...如果唔係我發現得太遲...如果我一早發覺媽咪唔聽電話其實係有唔妥...如果我早啲叫救護車...」

我柔聲安慰秋兒姐姐：「呢啲係意外黎，邊怪得妳呢？」

「但係...但係...」

我繼續柔聲安慰佢：「不如妳調返轉頭諗，如果妳今次冇及時叫我返黎既話，Auntie既情況咪更加危險？唔好怪自己喇，我諗妳媽咪都唔會怪妳。」

爭啲講咗妳媽咪在天之靈都唔會怪妳...

「嗯…多謝你…熙熙…」講完呢句之後，秋兒姐姐就繼續伏響我心口度郁都唔郁咁，我就咁攬住佢靜心地等待手術既結果。

不過今次林太呢個似乎係一個大手術，一個個鐘咁過去，個手術都係未做完，我又扶返秋兒姐姐去旁邊坐低，一路咁陪住佢。

「妳肚唔肚餓？我落去七仔買個包上黎比妳食好唔好？」唔經唔覺我哋都等到七點幾，係晚飯時間，但醫生同埋林太仲響入面同死神搏鬥緊。

秋兒姐姐搖搖頭，道︰「我唔餓，如果你肚餓既話你去買喇。」

「但妳自從黎到醫院之後連水都冇飲過一滴。」我嘆咗口氣︰「我落去買支水同個包比妳喇。」

秋兒姐姐望住手術室門口，面上仍然係憂心忡忡既表情，半响先回答我︰「咁…唔該晒你喇熙熙。」

（待續）

大波就一定架啦

黑心講想佢救得番秋兒老母但就中風癱瘓講唔到嘢只係可以永遠咁微笑 睇住熙熙同秋兒一齊

熙熙問： auntie我係咪可以同秋兒一齊

Auntie自從中風之後塊臉只可以微笑

熙熙：你笑我就當你同意啦 多謝auntie

有畫面

Push

七百四十一

我已經企咗起身準備落去買嘢。

不過就響呢個時候，我望到手術室上面既燈突然熄咗！

咁即係意味著...

「秋兒姐姐，妳睇！」

秋兒姐姐順住我既眼光望過去，好明顯同我睇到同一樣嘢，佢即刻企起身，急步咁行去手術室門口。

手術室度門「砰」一聲打開咗，幾個醫療人員推咗張床出黎，而床上面瞓住既就正正係成個頭包到成隻粽咁既林太…

「媽咪！媽咪！」秋兒姐姐走埋去張病床度。

「唔好意思啊小姐，妳等我哋送咗病人去ICU病房先喇，醫生會同病人家人講下咩情況架喇。」其中一個帶住口罩既醫療人員同秋兒姐姐講。

「ICU…」秋兒姐姐聽到之後呆咗咁企咗響度…

我行埋去搭住佢膊頭，安慰佢︰「手術做完咗，應該冇事既。」

其實真係廢話黎，不過呢啲時候除咗講呢啲廢話，我都唔知點安慰秋兒姐姐好。

呢個時候醫生走埋黎秋兒姐姐既身邊，問︰「請問妳係咪梁淑芳既家人？」

秋兒姐姐回過神來，點點頭︰「係，我係。」

我有種感覺，就係秋兒姐姐雖然係好擔心好亂，但而家同醫生傾嘢佢係強打起精神，顧作鎮定既。

啱啱做手術既時候，佢可以向我抒發佢所有既不安既情緒，但係到醫生出黎同佢傾林太既病情既時候，始終佢先係林太個女，有權同醫生商討林太既病情，佢係一定要保持冷靜既。

就算係呢種冷靜只係強裝出黎都好…

望住秋兒姐姐…我真係有啲心痛，想幫佢分擔下呢份既痛苦。

「手術算係成功完成咗，而家會推病人去ICU度觀察。」醫生同我哋報告咗手術既情況，然後又向我哋講咗小小林太既病情。

簡單黎講就係因為林太個頭爆血管中風，而且又唔係即刻被發現，令到病情都惡化咗，所以增加咗手術既難度同埋手術既時間，但手術總算係成功咗。

「不過病人仲未渡過危險期，未來四十八個鐘會係關鍵。」醫生補充道。

又話手術成功，但又未過危險期？

聽到醫生咁樣講，我搭住秋兒姐姐膊頭既雙手感覺到秋兒姐姐個身震咗一震，不過好快又鎮定返落黎，問醫生︰「即係呢兩日入面，媽咪隨時都會有生命危險？」

醫生點點頭，道︰「妳可以咁理解。」

「咁…媽咪佢成功渡過危險期既機會係幾多？」秋兒姐姐又問。

「我答妳唔到，要視乎病人佢既求生意志。」醫生擺到明唔想講到實，只係答咗個模凌兩可既答案。

我忍唔住加把口問︰「如果要你比個實數，即係病人有幾多成機會救得返，你答唔答到？」

醫生望咗一望我，搖頭道︰「我唔知，呢個真係要視乎病人本身既求生意志。」

妖，又答埋啲廢話。

我睥住醫生，爭啲想開聲屌柒佢，只係秋兒姐姐響我隔離我唔方便出口。

或者係比我怒視到有啲唔好意思，又或者係佢真係見到秋兒姐姐擔憂既眼神有啲於心不忍，醫生加多咗句︰「不過手術黎講係成功既，你哋其實唔需要過份擔心，不如你哋搞埋小小登記手續，之後就上深切治療部既病房睇下病人先喇。家人既打氣、陪伴，對病人黎講都好重要。」

「咁…」我仲想問多幾句。

我未講完，秋兒姐姐就打斷咗我説話︰「唔該醫生。」

「咁我去做嘢先。」醫生講完就行開咗。

「秋兒姐姐，點解妳唔比我問埋佢？」我問。

秋兒姐姐嘆咗口氣，道︰「你再問都係冇用，我諗佢都係答唔出。」然後轉過身拖起我隻手，道︰「我哋去搞一搞啲入院手續，然後再上去睇下媽咪喇。」

唉，都係既，醫生都唔會講。

可能係真唔知，亦都可能係唔想講唔想孭鑊上身。

「嗯。」

*

望住成身插滿晒喉同儀器既林太瞓響張病床上面，我既心情真係好唏噓複雜。

一個人，尋日仲係生勾勾既，只係需要半日就變成咁。

雖然我係唔鍾意林太，但佢畢竟算係睇住我大既姨姨，又係秋兒姐姐老母，見到佢咁我心入面真係唔係幾舒服…

秋兒姐姐就一臉擔憂咁望住林太，眼角又情不自禁地流出一滴擔心既眼淚。

而我都好明白佢既心情，只要將心比心，將瞓響床上面既病人換轉咗係老豆既話就可以知道果種係點既心情。

唉，希望林太可以盡快渡過危險期，然後醒返喇，我唔想再見到秋兒姐姐咁難受既樣啊…

（待續）

舊PO爆PO已完成第二次更新，多謝大家支持

咁攪法更加無得公開戀情