我和鄰居大姐姐的故事（24）

八百零三

「係喎，你知唔知你老婆搵埋既果啲姐妹靚唔靚架？」踢完波之後阿必車咗我去街市啲熟食大排檔度，兩條友一齊食晚餐。

當然，我要佢做伴郎，梗係我請客。

要請人食飯，對於我黎講梗係有小小肉赤，呢個係我度縮既性格使然，即使我而家都搵好多錢都係咁話， 冇計。

其實阿必已經好撚錫住我個荷包，街市啲大牌檔真係貴極都有限。

「佢啲姐妹都係我哋中學既時候既師姐，我諗你可能見過，」我食咗啖羊腩煲，然後答佢︰「咁講堅，我識果兩個，如果佢哋個樣冇變既話，都可以話係唔錯既。」

其實Kitty姐姐何止唔錯，當年佢直頭係校花水平，樣靚到仆街，身材又好撚正，床上功夫仲一流…

至於Jessica嘉嘉，好老實其實就中間偏上，不過放響當年一般學生妹度，其實都唔係差。

「咁即係邊個啊屌！」屌你，阿必好撚唔客氣咁追問我。

「仆你個街講你啲未必識架喇！」

「你唔講又點知我唔識呢？」阿必煩膠起黎既時候真係可以好撚煩。

「唔講！」

「講喇，衰鬼！」阿必講完就輕輕力隔住張枱打落我膊頭度︰「睇我！還原靚靚拳！」

嘩乜撚嘢還原靚靚拳？

屌你，呢條友廿四歲，已經入選港隊仲踢埋正選，點解仲可以咁撚戇鳩…

同中學果陣好似冇分別咁…

「仲唔講？」阿必又擺好個架勢，仲要好大聲咁講︰「食多我一拳，還原靚靚拳！」

我望一望周圍幾枱食客用嘲笑既表情望過黎，唯有舉手投降，道︰「屌我真係怕撚咗你個白卡佬，講喇講喇…」

仆你個街成個痴線佬咁…

「嘿！一早講我就唔駛用還原靚靚拳教訓你囉！」點知阿必一講完呢句，又無端端一拳輕輕力咁打過黎︰「看招！還原靚靚拳！」

屌你老母乜撚嘢啊…

我道︰「夠喇，夠喇，成個死傻閪咁。」

之後我就將Jessica同Kitty姐姐兩個名講出黎。

阿必唔係黃社既同學，自然對Jessica呢個名冇乜印象，但Kitty姐姐係當年既校花兼綠社既社花，而且傳聞係公廁（實際上都係），雖然只係響我哋學校讀到中五，即係同我哋只係做過同校同學兩年，但阿必依然好記得佢。

「屌，大波潔婷竟然係伴娘！」阿必好撚淫咁吞咗啖口水。

「乜撚嘢大波潔婷？」我皺眉問：「Kitty佢幾時多咗個咁既名？」

我響呢間學校讀咗七年都唔知既？

「屌，呢個名好撚耐喇。」阿必一副嫌棄既表情望住我，道：「你果陣咁撚摺，乜都唔知咋嘛！」

「摺乜撚嘢？我果陣...果陣...」

...

冇錯，我果陣雖然響學校入面係好出名，但實際上係好撚摺的。

當然呢種摺係指我果陣一啲都唔八卦，又冇乜朋友，只會自己匿埋一面。但因為我又靚仔又係由中一起就係黃社既足球隊主力，仲係香港足球代表隊青年軍，響學校其實係好撚有人氣，啲妹妹仔仲有同社既同學都當我神咁拜。

不過...我就冇乜朋友咁解。

講起朋友咪又係得淇淇同阿必？

八婆儀同忍者欣其實都係搭單，嚴格黎講都唔算我朋友...

「嗱嗱嗱，係咪呢係咪呢？自己諗返都覺得自己摺吖哩！」阿必恥笑我。

「屌你。」

「哎呀呀，諗返起以前中學果陣都聽過好多關於大波潔婷既傳聞，好似話佢成日同啲高Form扑嘢，唔知有幾多係真呢？」阿必回憶道，然後又嘆咗口氣，裝出一副好可惜既表情︰「唉，如果我生早出世幾年，可能我都有份屌啊。」

…

其實佢唔止同高Form扑過嘢，仲同我扑過嘢…

不過呢啲嘢梗係唔講得喇，我淨係屌咗佢一句︰「你幾十歲人，咪撚咁多性幻想喇。」

「到時成真既話，咪唔係性幻想囉！」阿必響度磨拳擦掌，道︰「到時等我好好表現一番，媾晒啲高汁既姐妹先…」

屌，佢講到黎真咁喎。

「話唔定佢哋都有男朋友呢！」我係都要潑吓佢冷水。

「就等我搶佢哋返黎！」阿必扮出個好有決心既表情。

我突然間心念一動，問︰「係喎，講起黎你有冇女朋友？」

啱啱同阿必破冰既時候，因為淇淇呢個心結，所以都冇問佢既愛情生活，但係而家我哋心結都解開咗兩年有多，問下應該都唔會有咩事啩？

「哼，哼，如果我要有女朋友既話，由香港大球場排到加路連山道，大把女任我揀啊！」阿必鼻孔朝天，一副不可一世既表情。

「咁即係有定冇？」

「色即是空，空即是色，受想行識。」

「你UP乜啊？」

「心經。」阿必一臉正經地道，然後竟然真係將心經背咗出黎︰「觀自在菩薩。行深般若波羅蜜多時。照見五蘊皆空。度一切苦厄。 舍利子…」

為咗迴避我呢個問題，阿必吹到用心經黎做擋箭牌…

（待續）

點解唔趁機宣傳下阿必個故

終於俾人屌到唔夠膽再咁做

成班巴打都屌到成個故拖仲邊敢宣傳

而家都唔reply大家直接po文

https://www.penana.com/story/151602/

滿意未？

認真，一路以黎我都覺得自己係喺連登起家，一直以黎我都冇諗住離開呢度，不過而家有時我真係喺度諗，究竟我PO親文都要比人屌到仆街，啲留言句句有骨，回應又回應過，誇張到我歉都道過唔止一次，其實我都係人，都有感受，有時我真係喺度諗自己喺度做緊乜

認真回你：我自己個人睇得好開心
已經唔駛$有得睇
仲想點
我支持你
寫文都係為自己興趣
人哋點批評同鬧人係完全冇成本
做返自己鍾意做嘅嘢
唔使理其他人
支持

葉開葉開加油 你寫得好好 睇得好開心
btw 其實每人都有自己睇法 如果覺得唔鐘意咪唔好睇 無嘢做錯就毋須為惡言道歉

依個年頭就係有班免費仔又要舔著數又要屌著數少

自己無付出然後又多多聲氣愈要愈多

支持巴打做自己，想點post 文就點post。反正班免費仔係咪都唔會課金，唔需要理啲toxic 嘅人

加油巴打 唔使理d L樣，鍾意寫咩就寫咩，記得post上黎就得

講真你拖嗰啲，我都算了
我都係當有就睇，無就算
但我睇到而家八百幾話，我係覺得主角群好似幾乎都冇晒魅力，變晒凡人咁（係除咗呀必、Kitty、淇淇佢哋出場少啲嗰啲啦）
我就開始懷疑究竟睇緊啲乜？
熙哥由頭到尾好似無成長過咁，中二嗰時會俾靚女引兩引就同人上床，到故事尾聲喇，就叫做要再靚啲嘅靚女要引多幾引囉，但係就都係會偷食
咁佢究竟成長咗咩？
秋兒就由頭到尾都只係一個善良單純孝順嘅靚女，完

兩大主角就係咁嘞，無更多，我都好希望只係我觀察力差，睇唔出佢兩個有咩成長/改變，但遺憾嘅係似乎唔係

以下係我最近既真心感受，有啲長希望大家唔好介意︰

如果大家啲留言都係咁有建設性，我諗我都唔會灰，但你都係成日留言既人，你知道究竟呢個係咪事實，我係成日唔覆啲留言，因為我真係睇到攰睇到個人都唔開心，但我真係個個留言都會睇，而家啲留言唔係有骨就係狂屌，我都係人，唔係鐵人，要返工放工湊仔做家務仲要打文真係會攰，工餘之後仲要睇到啲句句有骨既留言係會有感覺，甚至乎開始唔知點解要日日出po再比人屌買難受。

你話如果下下都係呢啲有建設性既批評既留言，其實我真係開心都黎唔切，但係你睇返之前果啲「屌到葉開巴唔敢再出文宣傳」etc果啲(我真係因為呢句先trigger到我將內心既感受打出黎)，其實我真係掉返轉頭諗，我喺啲故入面埋低其他故既伏線，係咪真係咁十惡不赦？我將內容寫到咁詳細，又係咪真係咁令人髮指？

自問內容真係寫得唔夠好，我明白自己有好多改進既空間，所以你哋有人留言話個故太長唔再睇了我都明白，但你哋既要求我可以改到既都改，後期甚至乎cut咗某啲戲份(當然你哋未必睇得出，可能都仲係覺得我喺度拖緊)，又再同Penana傾將加更條件再放寛啲，有啲嘢寫咗出黎我改唔到，但如果回應到既我都盡量回應。但之後呢？一樣係日日比人屌，日日比人寸，寫乜po乜都係錯咁，我好攰。

好多作者喺連登出咗名之後就走咗去唔再返黎，但一路以黎我都真係話自己唔想從連登離開，係因為我真係喺度起家，不過係呢幾個月以黎我日日喺度問自己，究竟我響度得到啲乜嘢？日日Po完文我已經預期得到我會得到既係乜嘢留言，然後我真係諗緊，我自己究竟喺度做緊乜嘢，係咪真係咁錯呢？

好多謝你，我會抖抖個人唔好諗咁多，喺呢啲時候得到啲支持既留言，其實我好開心，多謝

多謝你啊。最近喺呢度係有啲灰，不過得到你哋支持既留言，我都開心返啲，多謝！

多謝你哋支持，其實見到仲會有支持我既留言，我係好窩心，多謝你！

多謝，我係喺連登出身，唔到最後都唔想離開呢度

對嗰啲把口唔收，又唔識得逆地而處嘅「毒者」，真的不必太認真啊!
對於你的努力付出，大部分讀者是看在眼裡，看著你成長，也倍感欣慰。

葉開巴頂住 由中學追到已經，其實都見過幾次葉開巴話都明自己呢個故有不足，見佢都講過幾次話因為已經寫曬所以呢個故改唔到，啲人咁都要jer住都幾撚on9btw 依家上嚟好自然就係睇咗葉開巴個故先睇其他嘢

我覺得其中一個啲人覺得你拖嘅原因，係有啲情節無發展到任何嘢

例如之前林太中風咁，中間就係係咁loop：秋兒好孝順->唔可以公開戀情+熙哥要努力搵錢幫佢醫病
咁但係有無令兩大主角有咩成長？
結果就係秋兒依然仲係咩都聽呀媽講，熙哥咩都聽秋兒講，勉強可以算改變就係林太睇化咗
但其實能唔能夠話化咗呢？又好難講，因為熙哥假假哋都叫上到做經理

咁讀者角度，會覺得唔應該有更多篇幅講呢道，係咪合理先？

樓主支持你 加油
無論你點做都一樣會有人批評你所以都唔太使理嗰啲無謂嘅批評做好自己就OK

撐你啊葉開，有批評只因有期望，不過有時可能忘記左個故已寫完無得再改

加油支持你！一定會睇埋落去

頂住呀葉開巴
我就免費仔嚟嘅
不嬲都少留言
你幾個故都有睇
內容嘅嘢，好難滿足哂所有人
自己寫得high就得啦，理鳩得佢哋屌乜

我都算係長期讀者，亦都有追其他故. 老實講，一開頭睇一定係覺得有趣，之後覺得劇情節奏有啲太慢，而且啲內心戲有啲重複.

不過重點係其實葉開喺連登登故係冇直接收益，最多可以話吸引讀者去課金, 不過呢個係個人決定. 想佢進步可以直接講，唔使喺度單單打打.

覺得唔再好睇可以唔睇，不過做人唔好咁toxic，一開口只係得批評