我和鄰居大姐姐的故事（24）

Push

佢就係俾Albert 幹既秘書

七百五十九

嘩，邊個玩咁撚大？

我響公司好多個部門都實習過，但係就偏偏冇響行政專區實習過。

…

應該話唔止我，Kate同Lillian都冇響行政專區實習過…

果度比人一種生人勿近既感覺，如果冇乜必要，係唔會有員工上去果一層「行政專區」既。

講起黎，除咗返工第一日之外，我都好似冇上過去…

驚我就唔驚既，但呢層嘅氣氛咁嚴肅，我就唔係太鍾意。

我再望真啲...

我調咗職之後既職位係...

「行政總裁副助理」？

即係CEO Albert既助手？

屌你老味，我真係有小小抗拒調去呢度…仲要做埋啲乜嘢CEO副助理，都唔係管理層...調我去行政專區做呢個位果條友真係玩鳩我。

咦...

咪住...

CEO副助理...

我心念一動，莫非真係Albert拍板要我過試用期，兼要我做埋佢既副助理？

呢個時候，我手提電話突然響起，有人send message比我，拎起電話望一望，原來係Kate send短訊比我。

“嘩，你調咗職去行政專區丫:-O”

我哋幾個MT過咗試用期升職既公告已經響內聯網同埋E-Mail以通告既方式通知晒全公司既人，所以Kate知道咗我調去邊都好正常。

“係 痴線 唔知邊個玩9我”

“講呢啲，你照住我就真啊；-）”

我望一望職位，Lillian係市場部高級主任，而Kate竟然一升就升到人力資源部副經理，即係響佢個部門黎講，佢既職位只係響KK一人之下，仲勁過May姐（KK而家既職位已經係HR總經理）。

唔知係咪佢之前既肉體交易起到作用嘞。

其實如果純粹照職位咁計，我只係個行政助理，職位低過佢哋兩個。

“妳既職位大粒過我咁多 咪玩喇。”

“咩玩啊，你入咗行政專區，接觸既人同事就係公司最上層既嘢，我哋三個入面分分鐘你先係最有前途果個啊！：-）”

“承妳貴言喇”

我會調去行政專區既事好快就成個department既人都知，個個都走黎八卦。

「嘩點解會調你上去架？」

閪知咩。

「果度就好似呢間公司既禁區咁，生人勿近架喎！」

超，入面啲同事咪都係人一個？有乜嘢咁得人驚？

「CEO副助理，係咪即係佢私人助理？駛唔駛跟埋佢返屋企架？」

嘩屌，咪撚玩咁大啊。

應付完班同事之後，我枱頭既電話突然響起，我望一望個來電顯示，發覺係一個好陌生既內線號碼...

係邊個黎...？

不過係邊黎都好，我都要聽架喇。

「你好。」

「Andrew？我係Albert，你一陣上黎行政專區搵我得唔得？」竟然我既新大佬Albert打黎搵我，佢咁問我唔通話唔得咩。

「冇問題，我而家就過黎搵你，有冇乜嘢我需要拎？」我問。

「冇，冇。你帶個人上黎就得架喇。」Albert語氣都好隨和：「我都係想響你聽日正式就任之前同你閒聊幾句啫。」

「哦。」

我收線之後就隻身一條友搭𨋢走上去頂層既行政專區。

上次黎既時候KK帶住我哋六個新既MT上黎參觀，估唔到第二次黎就係我自己一條友上黎，自己一個入去搵CEO「閒聊」幾句。

一出𨋢，我驟眼望望周圍既人，呢一層既平均年紀絕對係我哋公司之冠。

不過雖然呢層啲人比較嚴肅，但係佢哋都有同我打招呼。

Albert間房既房門係打開既，佢離遠已經見到我行緊過去，仲笑住同我打招呼，但我都循例敲敲門，道：「Albert，你搵我？」

「坐，坐，隨便坐。」Albert指一指佢間大房入面既梳化。

我聽佢講坐響度，佢又問：「飲唔飲咖啡？」

我望一望Albert身後面，原來佢有一部私家咖啡機。

「唔駛喇唔該。」

「我整咗杯比你喇，入黎，哈哈。」講完之後Albert就拎住一杯仲冒緊煙既咖啡行過黎遞比我︰「小心熱。」

啊，咁你又問？

我接過杯咖啡，說道︰「咁…唔該晒。」

Albert飲咗一啖咖啡，然後問︰「係咪好奇怪，點解你會調派黎我呢度呢？」

我點點頭，都好誠實咁講︰「係有啲奇怪。」

Albert笑道︰「唔止你奇怪，大把人覺得奇怪，因為你係自從公司有MT programme以黎，第一個MT調咗黎做呢個CEO副助理。」

我飲咗一啖咖啡，冇答嘴，等Albert講落去。

（待續）

3年前已經開始睇，去到主角踢唔返波之後嬲左葉開巴之後無睇了，早幾日課金之後睇晒了。記得之前作者話熙仔其實係佢本人,想知作者而家仲有無踢波

Albert︰「因為我要一個能幹嘅秘書」

多數咁升法，之後都會好多麻煩嘢

真係唔慌好野，一係食死貓，一係做醜人
而且個老細表面咁NICE，跟佢嘅人一定要有無自律先做得長

*好自律

推

多謝支持！
不過我好似冇講過熙仔係我本人故黎架咋

中文的精粹

七百六十

Albert拎住杯咖啡，行咗去佢間房既落地玻璃窗前面，望住窗外面既街景，過咗一陣先開口，道︰「記唔記得點解我會保你入呢間公司？」

我答︰「記得，你話我敢言，唔怕得罪人…仲有，黎面試既時候啲工夫都做得好足，所以覺得我係可造之材。」

Albert點點頭︰「無錯，其實呢兩年以黎，咁多個MT入面，我最留意既就係你。你響每個部門既工作表現，我都有透過啲我下面既人去觀察，而你都冇令我失望。」

我有咁勁咩？

我笑咗一下，道︰「邊方面先？得罪人方面？定屌人方面？」

「哈哈！」Albert都跟住我笑咗下，全無CEO架子︰「屌人方面係做得幾好。」

佢行返埋自己既辦公桌，拎咗兩疊Files出黎，道︰「你既工作報告同其他MT唔同，有兩sets，一set係你既直屬上司寫既，另一set係我啲心腹寫既。我啲人有啲仲高級過你既直屬上司，加埋佢哋係認同我理念既人，所以我好信任佢哋。」

佢拎起手上既files，問︰「你駛唔駛睇下？」

我搖搖頭︰「唔駛。」

Albert笑咗一笑，道︰「好！好！我最唔鍾意啲八卦既人，我真係冇睇錯你！」

我心一凜，唔通啱啱呢下佢係想試我既？

Albert續道︰「不過你唔八卦都好，我都會話你知。唔少比你屌既直屬上司寫到你既工作表現好差，但我既人睇到既就完全唔一樣。而部份既直屬上司我相信係客觀既，佢哋對你既評價同我啲人一樣。」

我笑咗下︰「咁我屌撚柒班友，佢哋唔鍾意我寫臭我都好正常。」

Albert收起笑容，道︰「呢個就係我要你既原因。」

「哦？」我唔明。

「呢間公司表面睇落好風光，但實際上有好多潛伏響度既危機，有啲地方甚至蝕錢蝕得好勁，只係有啲地方仲幫補得返。咁樣落去，公司好快會完蛋。」Albert頓了一頓，又道︰「要改革，就要得罪啲老不死，用句香港話，就係你哋口中既老屎忽。呢班不知所謂既老頑固響度阻頭阻勢，工作表現又唔係特別好，因循苟且，用人唯親，搞到公司越黎越亂。」

我呆咗一呆，心入面諗起Kate，唔知呢隻借住自己既身體上位既淫娃，又算唔算係用人唯親入面既得益者呢？

Albert向我問︰「你知唔知我做咗CEO幾耐？」

呢個我有睇過啲資料同埋雜誌訪問，答道︰「我記得係大約三年半左右。」

Albert點頭，笑咗笑道︰「冇錯，係三年零八個月，其實我接任咗CEO唔係耐你入黎好多。」頓了一頓又道︰「我接任CEO之後開始睇返我哋香港公司盤數，發覺好亂，而且近幾年利潤越黎越少，虧蝕就越黎越多，呢間公司可以話係外強中乾。」

「呢啲我都真係唔知道…」

「你唔知道正常，公司好多員工都唔會知道。」Albert道︰「但好多公司高層其實係知道既，只係佢哋寧願維持現狀去保障自己既利益，都唔想諗一啲改革既方案黎去幫公司改善業職。」

我有啲不解︰「如果公司唔掂，佢哋一樣冇咗份工咋喎。」

Albert冷笑道︰「佢哋都賺夠喇，況且佢哋仲可以去出面搵工，唔一定要將公司既利益放響自己既利益上面。」

「佢哋出去仲搵得返而家咁多錢？」我問。

「咁要睇佢哋自己本身本唔本事喇。」Albert不屑地道︰「不過果啲老不死都幾難搵返咁多錢，所以先要而家盡量搵多啲。」

Albert又語重深長地道︰「我上任既時候已經決定要改革，但係雖然我係CEO，不過年紀比班老不死年輕好多，加上佢哋本身已經分晒黨分晒派，要改革唔容易。

「所以呢幾年我都開始培養自己既班底，將佢哋升咗上唔同既位置，咁我先至可以有力咁改革間公司。

「你哋呢幾個MT，更加係我重點觀察既對象，其中我最睇好既係敢言又敢做既你。

「所以，你而家明我點解要調你做我既副助理喇？」

我點點頭，當然明白Albert既用意，佢想我加入佢既黨派，然後合力改革間公司，希望可以扭轉公司既劣勢。

Albert笑笑口咁望住我，一手拎住杯咖啡，另一隻手就向我伸出黎︰「合作愉快。」

（待續）

呢集嘅劇情好有大台婆媽劇嘅Feel

把握到呢個機會就上到位

Push

兩日由頭開始睇到結局
覺得秋兒由第一日個感覺就好似真係家姐
淇淇有女朋友feel好多