七百五十三
「係…」
我都未講完，我後腦就比老豆大大力咁打咗一下，道︰「你個衰仔，咁快就去秋兒屋企過夜！」
嘩，呢下真係好大力，個力度大過啱啱好多下。
佢唔係懷疑我呢兩日已經同秋兒姐姐上咗床吓嘛？
…
雖然係真，但都唔駛咁大力咁打落黎架？
而家咩年代啊？
冇人堅持婚後先可以有性行為架喇…
況且就算真係上咗床，我先係你個仔啊，我都冇蝕底…
「老豆，唔好咁大力，好痛啊…」我仲捂住後腦被打既地方…
「秋兒媽咪係咪都響度？」老豆問。
秋兒姐姐呢個時候開口幫我解圍︰「Uncle…其實我今日黎想講既第二件事…就係關於我媽咪…」講完之後，可能又諗起林太既情況，臉上又現起咗擔心既表情。
「妳媽咪…？」老豆問。
秋兒姐姐點點頭，道︰「係…媽咪佢…媽咪佢…中咗風，入咗醫院。」
老豆大吃一驚，忙問︰「咁佢嚴唔嚴重啊？」
秋兒姐姐又點點頭，我見佢面色唔係咁好，於是出口幫佢講︰「好嚴重…而家仲響深切治療部。」
老豆眉頭一皺，道︰「咁真係好嚴重喎…秋兒，妳如果有咩要我哋幫手既，千其唔好客氣，隨便提出黎喇。」
秋兒姐姐微微一笑，不過個笑容係硬撐出黎，佢同老豆講︰「多謝你啊Uncle，呢兩日都多得熙熙陪住我，我先冇咁慌忙，個人先定啲。」
老豆轉頭問我︰「哦？咁你呢兩晚，係因為秋兒媽咪入咗醫院，所以就陪住秋兒？」
我點點頭︰「係…」
秋兒姐姐呢個時候都插口，道︰「其實今次熙熙可以話係媽咪既救命恩人，係佢幫我手返黎睇下媽咪點，佢見㩒極門鐘都冇人應，就提議穩陣起見不如打999，最後消防員黎度破門而入，發覺媽咪真係暈咗響度，救護員先可以及時送媽咪去醫院…如果冇咗熙熙，媽咪都唔知點算…」
可能係因為講講下又回憶返果陣既情況，秋兒姐姐雙眼好似紅咗小小，面上既表情又變得擔憂起黎。
「真係？」老豆有啲難以置信咁信咁望住我。
喂，我其實一早已經唔係細路仔，做乜咁睇我...
「係啊。」秋兒姐姐點點頭。
老豆對我道︰「嗯…熙熙…你今次做得好好…好叻仔…你都真係大個仔喇。」一副老懷安慰既表情。
我一早都話自己今年已經二十四歲架喇，係你仲當我細路仔啫…
「我今晚都想過去陪下秋兒姐姐。」我向老豆公開我同秋兒姐姐關係既其中一個原因，就係想攞正牌過去陪佢。
秋兒姐姐都幫手講咗句︰「Uncle…呢兩晚都係全靠熙熙陪我…」
老豆望咗我又望下秋兒姐姐，然後道︰「咁…好喇。」然後又道︰「熙熙…你要好好照顧秋兒，如果有咩要幫手既，一定要好好咁幫，知唔知？如果有嘢要老豆幫手既就開聲喇。」
我答應咗聲︰「放心，我會架喇。係時候到我照顧返秋兒姐姐架喇。」
老豆嘆咗口氣，道︰「秋兒…等妳媽咪好返，我哋一齊食返餐飯喇。」
秋兒姐姐點頭應道︰「嗯。」只係簡短咁應咗一聲，似乎唔敢諗林太係咪會好得返，又或者好返之後仲要做幾多康復既療程。
另外，其實林太都未正式接受我哋既關係，我呢個時候係咪應該講啲咩呢？
不過算喇…既然秋兒姐姐都冇講，咁我都唔出聲住，或者等到時機到，我先同老豆講返聲喇。
「老豆，秋兒姐姐有啲攰，我同佢返過去休息先喇。」
「啱既，都夜喇，你哋好好咁抖下喇。」老豆點頭道。
其實我知老豆仲有好多關於我同秋兒姐姐之間既嘢想問，起碼佢會想知我哋一齊咗幾耐、點開始之類果啲，但我哋突然提到林太中風入咗深切治療部，響呢個情形下，佢都覺得呢個時間唔適合去問喇。
不過我知老豆對於秋兒姐姐有可能做佢未來新抱一定好開心，睇佢啱啱聽到我哋拍拖果陣驚喜既表情，又笑到見牙唔見眼就知。如果唔係因為之後講起林太入咗醫院，老豆一定笑到瞓覺都仲笑緊。
畢竟老豆好清楚秋兒姐姐係一個好好、好好既女仔，我諗佢心目中反而覺得我呢粒仔襯秋兒姐姐唔起。
（待續）
我和鄰居大姐姐的故事（24）
葉開葉開
717 回覆
223 Like
12 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁
Push
無問題呀，請假無問題，48小時內補多篇就得，保重身體
個老豆唔通係聞到伏味
仲考慮緊點樣處理子女亂倫的問題
唔好亂寫啦…
公屋户主，一般都係有埋仔女先至搬入嚟居住，根本唔可能有個大熙熙幾歲嘅野女㗎!
公屋户主，一般都係有埋仔女先至搬入嚟居住，根本唔可能有個大熙熙幾歲嘅野女㗎!
一般。。。。 家家唔同情況啦
不過明顯鳩UP就別認真啦師兄
不過明顯鳩UP就別認真啦師兄
大癲
綠茶巴
七百五十四
可以同老豆公開我同秋兒姐姐之間既關係，點都係一件好事黎既。
只係…如果唔係響呢個情況之下講就會更加好。
就咁又過咗幾日，醫生同我哋講，林太雖然未醒返，但終於都過咗危險期，離開咗深切治療部。
我同秋兒姐姐都叫做鬆咗一口氣。
「咁佢幾時會醒啊？」我問醫生。
「呢層，我哋都答你唔到。」醫生又答埋啲廢話︰「要睇病人既求生意志有幾強喇。」
求生意志…
唔…試吓搵嘢刺激吓條友先。
於是我趁醫生走咗之後，走過去病床響林太既耳邊細細聲講咗幾句︰「我係熙熙啊，妳再唔醒既話，我就追到秋兒姐姐架喇。」
…
冇反應。
秋兒姐姐見狀向我奇問︰「你響度做咩？」
我梗係唔會照直講，只係隨口答道︰「冇，諗住刺激下Auntie既求生意志，睇下佢會唔會醒返啫。」
「你講咗啲咩？」估唔到秋兒姐姐會追問。
「冇啊，都係話妳好擔心佢，希望佢快啲醒返，唔好要妳擔心咁囉。」我講咗個大話，始終我啱啱講既嘢其實唔太方便講出口。
「嗯…」秋兒姐姐依舊都係好擔心咁望住林太嘆咗口氣︰「多謝你熙熙…冇咗你我都唔知點算。」
「傻瓜。」
*
林太脫離咗危險期之後，依然都係昏迷不醒，秋兒姐姐問過醫生︰「媽咪…佢係咪變咗植物人？」
醫生搖搖頭道︰「佢唔係植物人，不過就仲係昏迷緊。」然後又講咗一堆昏迷同植物人既分別。
簡單啲講，昏迷就係完全失去意識咁唔醒，而植物人就係醒咗，會瞓覺會醒，但就對身邊既事物完全冇意識既人。
…
…
…
兩個狀態都稱唔上係好。
然後我哋又係問果個佢哋永遠都唔會有正確答案既問題︰「咁佢幾時會醒啊？」
個答案…
我都唔重覆了。
*
林太昏迷不醒，但日子總係要過，秋兒姐姐響林太離開咗深切治療部之後，就開始返返工，只係每一日收工之後就去醫院度探下林太，等待奇蹟出現。
而我好快都進入最後一次既工作評核，好快就要決定究竟我過唔過到試用期。
呢個時候，當初入黎既六個MT，只係剩返我、Kate同埋Lillian，當初諗住杯葛Kate既小學雞集團，竟然接近全部都先過Kate倒下，真係世事難料。
響做完評核，決定我哋幾個MT去定留既結果公佈之前，Winnie約咗我同Kate去食lunch。
Winnie果陣雖然對我疑似有嘢，之後我哋之間逐漸疏遠，但其實我哋依然算係普通以上既朋友黎。
而佢同Kate就不嬲都幾friend，雖然知道咗Kate背後一啲唔見得光既事，但佢聽咗我講扮唔知之後，都有繼續同Kate friend落去。
至於我同Kate？入咗呢間公司之後，我先發覺我同佢幾啱咀型，所以雖然最後冇變成床伴，但就成為咗朋友。
所以我哋三個人出黎食飯呢個組合，一聽落好似有啲奇怪，但實際上其實又唔係真係咁令人意外。
我哋響一個星期六出咗去間樓上Cafe食lunch。
「點啊Winnie姐？做咩咁好興致約晒我哋兩個出黎啊？」我叫完嘢食之後笑住問。
「咩Winnie姐啊，唔好叫我到咁老好唔好？」Winnie不滿地道。
我毫不客氣咁笑佢︰「妳就黎奔三喇，咁都唔係阿姐？」Winnie今年都二十八、九。
「喂！你再講吖嗱！」
「係囉Andrew，唔好再講喇，年齡係女人既秘密，唔好成日掛響口度啊！況且Winnie都唔係好老啫。」Kate幫Winnie口道。
「都係Kate好！你聽到未啊？」經過年幾，Winnie對Kate已經一啲都唔覺得尷尬。
「係喇係喇，咁今次咁好搵我哋食飯啊？」我問。
Winnie神神秘秘咁笑笑，問我哋︰「想唔想知你哋過唔過到probation啊？」
Kate聽到，連忙笑住咁點點頭，道︰「想啊！想啊！」
咁我都一樣答︰「想！」
講起黎Winnie係HR既人，佢收到風我哋幾個MT過唔過到probation都正常既。
Winnie首先有小小意味深長咁望住Kate，然後擠出個笑容道︰「恭喜妳啊Kate，妳得咗喇，遲啲會調去HR果度幫KK手。」
啊，唔怪得Winnie啱啱咁望住Kate喇，原來係因為Kate調返去同KK做嘢令佢諗返起當日既事。
話時話，其實我諗Kate響暗地裡對住啲男上司做咗咁多嘢，佢對自己過唔過到試用期應該心中有數。
係估唔到最後比KK mark到佢啫，睇黎佢哋第時有排「加班」。
不如我搵Winnie配返條鎖匙，等日後有機會就溜入去HR睇真人版AV吖…畢竟Kate真係幾正。
（待續）
可以同老豆公開我同秋兒姐姐之間既關係，點都係一件好事黎既。
只係…如果唔係響呢個情況之下講就會更加好。
就咁又過咗幾日，醫生同我哋講，林太雖然未醒返，但終於都過咗危險期，離開咗深切治療部。
我同秋兒姐姐都叫做鬆咗一口氣。
「咁佢幾時會醒啊？」我問醫生。
「呢層，我哋都答你唔到。」醫生又答埋啲廢話︰「要睇病人既求生意志有幾強喇。」
求生意志…
唔…試吓搵嘢刺激吓條友先。
於是我趁醫生走咗之後，走過去病床響林太既耳邊細細聲講咗幾句︰「我係熙熙啊，妳再唔醒既話，我就追到秋兒姐姐架喇。」
…
冇反應。
秋兒姐姐見狀向我奇問︰「你響度做咩？」
我梗係唔會照直講，只係隨口答道︰「冇，諗住刺激下Auntie既求生意志，睇下佢會唔會醒返啫。」
「你講咗啲咩？」估唔到秋兒姐姐會追問。
「冇啊，都係話妳好擔心佢，希望佢快啲醒返，唔好要妳擔心咁囉。」我講咗個大話，始終我啱啱講既嘢其實唔太方便講出口。
「嗯…」秋兒姐姐依舊都係好擔心咁望住林太嘆咗口氣︰「多謝你熙熙…冇咗你我都唔知點算。」
「傻瓜。」
*
林太脫離咗危險期之後，依然都係昏迷不醒，秋兒姐姐問過醫生︰「媽咪…佢係咪變咗植物人？」
醫生搖搖頭道︰「佢唔係植物人，不過就仲係昏迷緊。」然後又講咗一堆昏迷同植物人既分別。
簡單啲講，昏迷就係完全失去意識咁唔醒，而植物人就係醒咗，會瞓覺會醒，但就對身邊既事物完全冇意識既人。
…
…
…
兩個狀態都稱唔上係好。
然後我哋又係問果個佢哋永遠都唔會有正確答案既問題︰「咁佢幾時會醒啊？」
個答案…
我都唔重覆了。
*
林太昏迷不醒，但日子總係要過，秋兒姐姐響林太離開咗深切治療部之後，就開始返返工，只係每一日收工之後就去醫院度探下林太，等待奇蹟出現。
而我好快都進入最後一次既工作評核，好快就要決定究竟我過唔過到試用期。
呢個時候，當初入黎既六個MT，只係剩返我、Kate同埋Lillian，當初諗住杯葛Kate既小學雞集團，竟然接近全部都先過Kate倒下，真係世事難料。
響做完評核，決定我哋幾個MT去定留既結果公佈之前，Winnie約咗我同Kate去食lunch。
Winnie果陣雖然對我疑似有嘢，之後我哋之間逐漸疏遠，但其實我哋依然算係普通以上既朋友黎。
而佢同Kate就不嬲都幾friend，雖然知道咗Kate背後一啲唔見得光既事，但佢聽咗我講扮唔知之後，都有繼續同Kate friend落去。
至於我同Kate？入咗呢間公司之後，我先發覺我同佢幾啱咀型，所以雖然最後冇變成床伴，但就成為咗朋友。
所以我哋三個人出黎食飯呢個組合，一聽落好似有啲奇怪，但實際上其實又唔係真係咁令人意外。
我哋響一個星期六出咗去間樓上Cafe食lunch。
「點啊Winnie姐？做咩咁好興致約晒我哋兩個出黎啊？」我叫完嘢食之後笑住問。
「咩Winnie姐啊，唔好叫我到咁老好唔好？」Winnie不滿地道。
我毫不客氣咁笑佢︰「妳就黎奔三喇，咁都唔係阿姐？」Winnie今年都二十八、九。
「喂！你再講吖嗱！」
「係囉Andrew，唔好再講喇，年齡係女人既秘密，唔好成日掛響口度啊！況且Winnie都唔係好老啫。」Kate幫Winnie口道。
「都係Kate好！你聽到未啊？」經過年幾，Winnie對Kate已經一啲都唔覺得尷尬。
「係喇係喇，咁今次咁好搵我哋食飯啊？」我問。
Winnie神神秘秘咁笑笑，問我哋︰「想唔想知你哋過唔過到probation啊？」
Kate聽到，連忙笑住咁點點頭，道︰「想啊！想啊！」
咁我都一樣答︰「想！」
講起黎Winnie係HR既人，佢收到風我哋幾個MT過唔過到probation都正常既。
Winnie首先有小小意味深長咁望住Kate，然後擠出個笑容道︰「恭喜妳啊Kate，妳得咗喇，遲啲會調去HR果度幫KK手。」
啊，唔怪得Winnie啱啱咁望住Kate喇，原來係因為Kate調返去同KK做嘢令佢諗返起當日既事。
話時話，其實我諗Kate響暗地裡對住啲男上司做咗咁多嘢，佢對自己過唔過到試用期應該心中有數。
係估唔到最後比KK mark到佢啫，睇黎佢哋第時有排「加班」。
不如我搵Winnie配返條鎖匙，等日後有機會就溜入去HR睇真人版AV吖…畢竟Kate真係幾正。
（待續）
睇黎無機會砌katy了
似乎阿熙危危哋喎
唔會啦
正常唔想俾你過嘅話一早炒
如果唔係咪隨時俾你睇到好多內幕
正常唔想俾你過嘅話一早炒
如果唔係咪隨時俾你睇到好多內幕
個老細咁like佢 點會危
老細同佢晚晚OT
奔三係咩term黎
同劉經理相愛相殺，晚晚論劍
大陸terms ?
七百五十五
Kate當然唔知我哋知道佢同KK既關係喇，最多以為我哋聽過啲咩流言啫，所以佢笑嘻嘻咁向Winnie道謝︰「啊，咁都唔錯吖，多謝妳咁早話比我知，等我個心都定啲。」
扮咩吖，我諗Kate一早就響佢勾引果啲男上司口中收到小小風，最多係唔知自己會分去邊個Department啫。
講起黎，其實比佢勾引既果班男上司知唔知其他男人既存在既呢？
知道既話，佢哋又係唔係會互相敵對，要爭呢個人盡可夫既女人呢？
抑或係只係當Kate係個樣靚身材正又夠淫既性玩具呢？
唔…我真係唔知…
「客咩氣吖，我收到風講比你哋聽等你哋安心啲我自己都開心。」Winnie笑道，然後瞇埋眼望住我︰「至於你喇喎…」
啊頂，Winnie咁樣講啲唔講啲搞到我都有小小緊張起黎…
畢竟我冇得好似Kate咁樣用身體做武器去上位（其實可能得，但我諗起公司班中女、老女，就算我冇女朋友都做唔出），自己既工作表現係咪真係好好呢？工作表現我自問真係交足功課，其實唔會太差，只係我成日得罪人多，稱呼人少，點知啲同我曾經共事既上司會點樣響我背後攻擊我架？
屌，諗諗下，我好似真係未必過到Probation喎。
「我點啫？」我緊張地問。
「你呢…其實好似掹掹緊。」Winnie終於開估︰「但掹掹緊都好，總算都係成功過咗Probation，恭喜你！」
呼…總算鬆咗口氣。
「多謝妳話我知…」我抹一額汗…
「不過我想問下你一樣嘢。」Winnie推一推佢副粗框眼鏡，又望一望Kate，問︰「你唔介意吖嘛？」
我笑道︰「事無不可對人言，妳咪問囉！」
Winnie道︰「咁我就直接問架喇…你響公司係咪有咩靠山？」
「下？」呢下到我嚇咗一跳，反問︰「我一個公屋仔，嶺大畢業，又冇朋友，可以有咩靠山？點解妳咁問既？」
Winnie望住眨咗兩下眼睛，問：「真係？」
「係啊。」我反而有啲好奇︰「點解妳會咁問？」
「冇啊，我聽到啲高層有傳聞講話你成日得罪人，唔理公司文化，就算工作表現幾好都好，根本唔適合去做管理層，但有人幫你撐腰，所以你先可以安全咁過咗Probation。」
…
我係諗到公司有一個人，話好欣賞我敢言既態度，但事實上呢兩年以黎，我見到呢個人既機會少之又少，都唔敢肯定係咪佢幫我撐腰。
冇錯，果個就係公司CEO Albert。
Kate雙眼發光咁望住我︰「係咪真架Andrew？你識個咁猛料既人，一定要介紹我識啊！」
我無奈地道︰「我都話咗我冇靠山咯。如果我上位快過妳既，我咪做妳既靠山囉。」
既然唔係肯定，我都係唔講出黎好啲。
況且就算真係Albert撐我腰，我都覺得唔應該講出黎。
「唓～」
「咁Lillian呢？」我問。
「佢都過咗Probation。」Winnie答道。
「嘩，我哋三個都過晒，到底係邊個話MT既probation好難過架？」我問。
「囂張得你吖？知你威喇，如果我收到既風正確既話，你都係低空飛過架咋！你知唔知你自己得罪咗幾多人啊？就講我哋個May姐已經睇你唔順眼好耐，點知佢寫到你點架？」Winnie沒好氣地答道。
我聳聳肩，道︰「咁我都知自己得罪咗好多人既，但我都係有果句講果句啫。妳自己都知，呢度有啲文化係幾咁毒瘤架喇，我屌佢哋有咩唔啱啫。」
「你啱，但出黎做嘢唔可以咁硬頸架嘛，處事要圓滑啲先得既…所以我不知幾擔心你過唔到試用期啊。」Winnie答道︰「你而家講就梗係輕鬆喇，你知唔知試過有一年六個MT全部全軍覆沒啊？係全部未捱到兩年試用期完結已經比人勸走甚至乎炒埋魷啊。況且你哋都呢屆都唔係100%過到，六個入面得三個過到試用期，passing rate係得50%咋！」
「六個都炒晒？有冇咁勁啊？」我半信半疑地問。
Winnie寸寸貢咁答︰「你哋咪即管睇下之後接你哋既果班MT係咪真係咁叻可以全部都過到probation囉。」
「我都冇話唔信妳。」
我哋傾傾下，各自嗌既嘢食都上枱。
食食下既時候，Kate開口道︰「Winnie，以後我正式加入咗HR呢個大家庭之後，好多嘢都應該唔係咁快上手，到時大把嘢要跟妳學啊。」
呢個Kate，其實把口都幾識奉承其他人，如果唔係因為佢出賣肉體呢件事傳到全公司都知，我諗啲女同事應該都唔會咁敵視佢。
講完呢句之後，Winnie突然停口兼放低手上既刀叉，呆咗一呆，然後道︰「我今次…未必幫到妳喇。」
「吓？」
我同Kate都有啲驚訝咁望住Winnie，唔知佢咁講係咩意思。
（待續）
Kate當然唔知我哋知道佢同KK既關係喇，最多以為我哋聽過啲咩流言啫，所以佢笑嘻嘻咁向Winnie道謝︰「啊，咁都唔錯吖，多謝妳咁早話比我知，等我個心都定啲。」
扮咩吖，我諗Kate一早就響佢勾引果啲男上司口中收到小小風，最多係唔知自己會分去邊個Department啫。
講起黎，其實比佢勾引既果班男上司知唔知其他男人既存在既呢？
知道既話，佢哋又係唔係會互相敵對，要爭呢個人盡可夫既女人呢？
抑或係只係當Kate係個樣靚身材正又夠淫既性玩具呢？
唔…我真係唔知…
「客咩氣吖，我收到風講比你哋聽等你哋安心啲我自己都開心。」Winnie笑道，然後瞇埋眼望住我︰「至於你喇喎…」
啊頂，Winnie咁樣講啲唔講啲搞到我都有小小緊張起黎…
畢竟我冇得好似Kate咁樣用身體做武器去上位（其實可能得，但我諗起公司班中女、老女，就算我冇女朋友都做唔出），自己既工作表現係咪真係好好呢？工作表現我自問真係交足功課，其實唔會太差，只係我成日得罪人多，稱呼人少，點知啲同我曾經共事既上司會點樣響我背後攻擊我架？
屌，諗諗下，我好似真係未必過到Probation喎。
「我點啫？」我緊張地問。
「你呢…其實好似掹掹緊。」Winnie終於開估︰「但掹掹緊都好，總算都係成功過咗Probation，恭喜你！」
呼…總算鬆咗口氣。
「多謝妳話我知…」我抹一額汗…
「不過我想問下你一樣嘢。」Winnie推一推佢副粗框眼鏡，又望一望Kate，問︰「你唔介意吖嘛？」
我笑道︰「事無不可對人言，妳咪問囉！」
Winnie道︰「咁我就直接問架喇…你響公司係咪有咩靠山？」
「下？」呢下到我嚇咗一跳，反問︰「我一個公屋仔，嶺大畢業，又冇朋友，可以有咩靠山？點解妳咁問既？」
Winnie望住眨咗兩下眼睛，問：「真係？」
「係啊。」我反而有啲好奇︰「點解妳會咁問？」
「冇啊，我聽到啲高層有傳聞講話你成日得罪人，唔理公司文化，就算工作表現幾好都好，根本唔適合去做管理層，但有人幫你撐腰，所以你先可以安全咁過咗Probation。」
…
我係諗到公司有一個人，話好欣賞我敢言既態度，但事實上呢兩年以黎，我見到呢個人既機會少之又少，都唔敢肯定係咪佢幫我撐腰。
冇錯，果個就係公司CEO Albert。
Kate雙眼發光咁望住我︰「係咪真架Andrew？你識個咁猛料既人，一定要介紹我識啊！」
我無奈地道︰「我都話咗我冇靠山咯。如果我上位快過妳既，我咪做妳既靠山囉。」
既然唔係肯定，我都係唔講出黎好啲。
況且就算真係Albert撐我腰，我都覺得唔應該講出黎。
「唓～」
「咁Lillian呢？」我問。
「佢都過咗Probation。」Winnie答道。
「嘩，我哋三個都過晒，到底係邊個話MT既probation好難過架？」我問。
「囂張得你吖？知你威喇，如果我收到既風正確既話，你都係低空飛過架咋！你知唔知你自己得罪咗幾多人啊？就講我哋個May姐已經睇你唔順眼好耐，點知佢寫到你點架？」Winnie沒好氣地答道。
我聳聳肩，道︰「咁我都知自己得罪咗好多人既，但我都係有果句講果句啫。妳自己都知，呢度有啲文化係幾咁毒瘤架喇，我屌佢哋有咩唔啱啫。」
「你啱，但出黎做嘢唔可以咁硬頸架嘛，處事要圓滑啲先得既…所以我不知幾擔心你過唔到試用期啊。」Winnie答道︰「你而家講就梗係輕鬆喇，你知唔知試過有一年六個MT全部全軍覆沒啊？係全部未捱到兩年試用期完結已經比人勸走甚至乎炒埋魷啊。況且你哋都呢屆都唔係100%過到，六個入面得三個過到試用期，passing rate係得50%咋！」
「六個都炒晒？有冇咁勁啊？」我半信半疑地問。
Winnie寸寸貢咁答︰「你哋咪即管睇下之後接你哋既果班MT係咪真係咁叻可以全部都過到probation囉。」
「我都冇話唔信妳。」
我哋傾傾下，各自嗌既嘢食都上枱。
食食下既時候，Kate開口道︰「Winnie，以後我正式加入咗HR呢個大家庭之後，好多嘢都應該唔係咁快上手，到時大把嘢要跟妳學啊。」
呢個Kate，其實把口都幾識奉承其他人，如果唔係因為佢出賣肉體呢件事傳到全公司都知，我諗啲女同事應該都唔會咁敵視佢。
講完呢句之後，Winnie突然停口兼放低手上既刀叉，呆咗一呆，然後道︰「我今次…未必幫到妳喇。」
「吓？」
我同Kate都有啲驚訝咁望住Winnie，唔知佢咁講係咩意思。
（待續）