我和鄰居大姐姐的故事（24）

推推

Push

七百六十八

其實諗起林太唔鍾意我、唔想見我都真係冇乜癮，但秋兒姐姐都唔想佢媽咪咁睇我既…算喇，我都係唔好再糾纏響呢個話題上面。

傾咗陣林太既病情，秋兒姐姐就同我講︰「我聽日想請假，去陪下媽咪。醫生話呢個時候家人既支持好重要，可以比到病人信心同動力，等佢快啲好返，同可以撐過艱苦既療程。」

雖然作為一個老師請咁多假可能會對秋兒姐姐既仕途有影響，但作為一個仔女，我絕對明白點解佢會做呢個決定，所以我都唔會多言。

「駛唔駛我請假陪妳啊？」我問，不過其實我都估到秋兒姐姐既答案。

果然，秋兒姐姐甜甜一笑，道︰「唔駛喇，我知你有心，但你返工喇，啱啱升職比啲心機做嘢，唔好陪我浪費你時間喇。」

「陪妳又點算浪費我既時間呢？」我笑道，不過我明白就算我話請假秋兒姐姐都會堅持要我唔駛請，而且就算去到醫院佢都唔會想我入病房，於是我續道︰「不過既然妳咁講…咁我就努力工作喇，放工先過黎醫院接妳？」

「嗯...好啊。辛苦你喇熙熙...」秋兒姐姐感恩地道。

之後我哋本來想搵間好小小既餐廳食晚餐，不過可能真係夜得滯，好多食得好小小既餐廳都收晒，最後唯有返去屋邨間茶餐廳食。

「估唔到最後都係返黎呢度食。」叫完嘢食之後，我伸一伸脷同秋兒姐姐說道。

「呢度都ok既。」

「不過成日食嘛。」之前探完病返到黎見晏同方便就食呢間茶餐廳，仲諗住今日趁林太醒返，搵個藉口食好小小。

秋兒姐姐仲係咁憂心，食啲好嘢可能會令佢開心返啲。

「唔緊要喇。」秋兒姐姐笑一笑。

話就話唔緊要，但秋兒姐姐成餐飯都食得好愁眉苦臉，好明顯就係因為林太既病情非常擔心，唔知林太之後可以康復到點。

食完嘢我陪秋兒姐姐返屋企，我同佢都沖完涼之後，佢響床上挨住我唔出聲，個樣好似諗緊嘢。

我都唔知講咩安慰佢好，又或者我係覺得講乜嘢都冇用，不如靜靜地響度陪住佢仲好。

過咗一陣，秋兒姐姐開口道︰「熙熙，我好驚媽咪會有好嚴重既後遺症…」

我知吖。

由響醫院果陣已經睇得出。

「其實Auntie醒返已經好好架喇，暫時唔好諗咁多喇。」我除咗廢話之外都講唔出啲咩其他安慰既說話。

就算我講幾多安慰既說話，唔通林太就會突然好返咩。

「熙熙…媽咪如果真係以後都講唔到樣，四肢又癱瘓既話，咁樣真係生不如死，不如唔好醒仲好…」我諗秋兒姐姐應該已經忍咗成日，佢終於頂唔順，回身攬實我喊咗出黎。

可憐既秋兒姐姐…我憐憫地輕撫住佢既頭髮，輕聲道︰「喊出黎喇，喊出黎會舒服啲。」

秋兒姐姐真係點點頭，響我懷中痛哭起黎。

無論平時既形象幾咁成熟、幾咁穩重、幾咁神聖都好，秋兒姐姐其實都係一個普通人…一個有血有肉既普通人，佢面對住排山倒海既壓力，真係唔係咁易去承受。

佢而家肯喊出黎還好啲，至少可以發洩到少少情緒，如果一路屈住屈住，去到臨界點再爆發，到時佢心理上、精神上可能仲傷，隨時有情緒病，甚至影響身體健康。

呃…我鳩UP架咋，大吉利是。

我一路由得佢喊，一路輕撫佢頭髮希望佢可以感受到我既關懷，都唔知佢喊咗幾耐，終於慢慢收咗聲。

秋兒姐姐抬起頭抹一抹眼淚，道︰「啊，整濕晒你件衫添。」

我吻咗佢頭頂一下︰「整濕埋條褲都得啊，至緊要妳冇事。」

可能係我講到好似有性暗示咁，秋兒姐姐失笑拍咗我一下︰「你好似講衰嘢咁。」

「笑返咪好。」我烏低身錫咗秋兒姐姐咀唇一啖，上面仲有淡淡既眼淚鹹味︰「我講真架，妳冇事既話唔好話整濕我件衫，妳想我做乜都得。」

我知妳情緒唔好，我淨係想好好咁響妳身邊陪住妳…

「熙熙…」我感覺到秋兒姐姐攬得又實咗啲。

「不如我聽日都係請假陪妳喇。」我道：「我唔放心妳咁啊。」

秋兒姐姐微微一笑，又露出果個溫柔既笑容，道：「我冇事啊。」

「妳喊到咁都話冇事？」

「喊咗出黎我舒服咗好多。」秋兒姐姐微笑道。

「唔好死撐啊，我係妳男朋友，妳都可以多啲依賴我。」當然我係咁講，但其實比起以前，秋兒姐姐已經依賴得我多咗好多，而我都覺得自己係有照顧佢既。

「得喇。」秋兒姐姐罕有咁主動錫咗我一啖。

（待續）

注入多啲溫暖俾佢啦!

Push

仲以為有料到

睇到熙哥話秋兒神聖，總係覺得有啲奇怪

推

如果話佢神「性」呢

綠茶巴

七百六十九

秋兒姐姐錫既呢一啖刺激咗我，我忍唔住回吻返佢轉頭...

用力咁錫咗一陣，秋兒姐姐微微咁離開咗我既頭，臉上仲有啲淚痕，滿臉紅暈輕輕地道：「熙熙...」

佢本應係一個成熟大姐姐，但忍唔住露出咗呢個楚楚可憐但又柔情似水既表情...

搞到我好想去照顧佢...去錫住佢…

我再伸頭去錫秋兒姐姐既咀仔，秋兒姐姐都微微用力回應...

我知呢一刻，秋兒姐姐最需要既，係男朋友既安慰...

靜靜地陪住佢係一種方法，而用行動去安慰都係另一種方法...

我哋互相用力咁錫起黎，秋兒姐姐其實好少咁用力，但呢一刻，佢彷彿係要將內心既不安都宣洩出黎咁，佢出晒力咁錫我…

響我哋互相既激吻之中，我哋身上面既衫一件一件咁比大家除晒落黎…

我哋只係好簡單咁男上女下既姿勢去做愛，乜嘢花式都冇，有既只係雙方想傳遞既愛意…

隔住個安全套，響秋兒姐姐既陰道入面射精之後，秋兒姐姐就咁樣唔著衫咁攬住我瞓著咗。

佢攬得好實好實。

「傻秋兒，我唔會走咗去架。」我輕輕咁撫摸咗秋兒姐姐柔順既頭髮一下，細細聲咁講。

秋兒姐姐瞓著咗梗係聽唔到，佢仍然係緊緊咁攬實我，皺住眉咁瞓緊。

唉，睇見佢就辛苦…

呢一晚，我冇返到去自己屋企瞓，而係全晚都陪住秋兒姐姐…

老豆果邊冇問題既。

如果林太呢邊都一樣冇問題就好喇。

*

日復日。

我既工作都開始上手，每日暫時都仲可準時放工去陪秋兒姐姐，就算我唔可以陪佢上去病房，都可以等埋佢陪佢一齊返屋企。

秋兒姐姐本身想抽多啲時間去照顧林太，但身為一個老師，實在好難咁樣請假法，所以當秋兒姐姐見林太既病情變得比較穩定之後，佢都開始繼續返工。

慢慢地，林太既病情開始有好轉，雖然講嘢都係有困難，仲有啲口齒不清，但總叫同人溝通到。

而林太雖然兩隻腳暫時郁唔到要坐輪椅，雙手又好震咁拎嘢拎到唔穩，但總叫唔係四肢癱瘓。

可以話，秋兒姐姐最擔心既事，好彩都冇發生，林太係有後遺症，但都未至於係最嚴重果隻。

隨住林太既病情穩定咗落黎，秋兒姐姐都開始冇咁愁眉苦臉。

我唔能夠講林太既情況係好好，但我估秋兒姐姐都開始接受林太而家呢個情況。

相比起之前林太吉凶未卜，日日都今日唔知聽日事黎講，而家林太醒返至都叫了結咗第一件心事先，我哋唔駛再苦等落去佢仲要昏迷多幾耐。

再講吖，其實與其經常愁眉苦臉，不如學識接受林太而家係呢個狀態，再睇下可唔可以為佢做下啲咩事，可能對林太既病情仲更加有幫助。

過咗半個月左右喇，有一日我去醫院接秋兒姐姐既時候，我覺得佢個樣好似有啲心不在焉咁，於是去到巴士站等巴士既時候，我問佢︰「妳媽咪冇嘢吖嘛？」

秋兒姐姐微微愕然，答道︰「冇乜事，點解咁問既？」

我輕輕咁摸咗佢面頰一下，柔聲道︰「我見妳啱啱好似有啲心不在焉咁，以為妳媽咪有啲咩事，所以咪問下妳囉。」

秋兒姐姐搖頭道︰「冇…」

「咁妳係咪有咩心事？」我問。

秋兒姐姐猶豫咗一陣，然後點頭，道︰「媽咪可能知道咗我同你拍拖既事…」

「下？咁突然？」

秋兒姐姐點點頭，又道︰「但其實我都唔肯定…今日放咗學之後我黎探病、坐咗響媽咪張床旁邊既時候，有個姑娘走黎同我傾計，然後佢問我︰『妳男朋友去咗邊啊？好似好耐都冇見佢同妳一齊黎喇喎？』

「我有啲尷尬咁答佢話你最近升咗職好忙唔得閒黎，但佢又同媽咪講話︰『妳個女既男朋友好好，又靚仔，又孝順，妳都要加油快啲好返，之後享受吓天倫之樂啊。』

「咁Auntie聽咗有咩反應？」我問。

秋兒姐姐搖搖頭，道：「佢...又好似冇乜反應。」

我都鬆咗口氣：「可能佢聽唔到呢？佢啱啱中完風醒返，頭腦可能仲未係好清醒。」

當然，我就唔驚林太既，我係怕秋兒姐姐難做啫。

「媽咪既病情都有啲進展，之前佢都可以同我簡單咁傾計，所以我諗佢聽得明...況且佢係對住媽咪咁講，正常情況唔會聽唔到喇。」

呢個姑娘...

佢係咪有心靠害啊...

不過...

「咁妳媽咪都係知妳拍拖啫，但佢應該唔知妳同緊邊個拍拖架嘛，係咪？」

老老豆豆，要搞到響林太面前咁避忌，其實我個心就唔係幾舒服。但如果咁樣會令秋兒姐姐易做啲，又或者令我哋兩個之後易啲鋪路令林太接受我同秋兒姐姐既關係既，咁我都好樂意去做既...

（待續）

咁就仲奇

Push

其實事到如今仲有咩好驚

唔知，總之每篇都要提兩三次

搞野就兩句 擔心被阿媽發現就大半篇

每日入嚟就喺睇兩句
好擔心媽媽有後遺症+我請假陪你+唔洗啦你啱啱完實習