[父親節快樂]無職轉生～到了異世界就拿出真本事～第二季下半 (5)

保羅出場其實唔多，只有第一本書，等於第一季頭四集，
之後就到「再會篇」，唔計僅有嘅書信來往，就到「迷宮篇」。
總共三本書。
每次出場都印象深刻，並且每次都有相應嘅成長。

佢出過軌，絕對唔係一個完美嘅爸爸，但一直努力咁嘗試做一個好爸爸。

最初佢完全無法樹立爸爸的威嚴，唔識點對待自己孩子
但佢盡力思考點樣先能夠俾兒子盡可能發展，低頭搵人俾機會佢做家庭教師
都係咁，魯迪先可以幸運地一直喺一個「有人勁過佢/有人能夠成為佢榜樣」嘅環境成長。
（保羅，基列奴，瑞傑路德，之後成年）

「再會篇」，保羅已經唔係出軌嘅佢，而係為家人動用一切人脈，金錢，地位，力量，盡心盡力嘅佢。
另外發生左父子吵架，見識到父子都有心靈脆弱之處，一個唔願聽，一個又好容易回想起前世嘅創傷，而且埋下兄妹關係差，閉門不出嘅伏筆。

到「迷宮篇」，父子再見面，雙方更加識得點對待對方，冇再發生「再會篇」嘅爭執。再度成長嘅保羅識得因兒子遇上開心嘅事而自己都開心。但可惜，活得過於衝忙嘅佢，最後都係死於衝忙。

生於甲龍歴388年，終年甲龍歴423年，啱啱好大過前世之男少少，或者同齡。

保羅都同我鍾意無職嘅兩個原因有關。
一個係成長。無職從來唔係一個「洗白」嘅故事。出軌，錯左，要負責，就要以行動表示，要「Live with past mistake」。
過去無法改變，犯下的錯誤無法挽回。如有機會，只能感謝其他人擔心自己，並道歉。（妹妹篇）
我藍色窗簾依個都係作者嘅人生觀。
保羅出軌相信冇人能夠認同佢嘅所為，但到最後，今集，大部分人都應該能夠認同佢係嘗試緊做一個好老竇。

另一個係雖然主角見唔到，但世界其他地方依然運作。喺魯迪冒險，或者處理自己問題嘅途中，同一時間，其他角色有佢地自己嘅目標，行動。
保羅係搵家人。艾莉絲係變強。瑞傑路德係回復一族嘅榮譽。其他角色都有各自目標，有各自嘅行動。
眾小說黨一直都吹捧伏筆如何精妙，想必其他角色嘅目的，喺「背景」嘅行動，都會大幅影響魯迪以後嘅人生。

我屌....111樓咩事

睇睇下今集感想，突然被劇透左