大腸癌康復日記 — TVB式劇情

加油

4月21日，術後D3，一早姑娘就交更，派藥。而我朝早多人嘅時候先瞓得著，但未慣住院嘅生活令我每次只可以瞓到10分鐘到半個鐘。

「畀個手帶我啊。」喚醒咗我，伸手。

「嘟。」因為未食得嘢，所以所有嘢都係要吊，個姑娘做好哂準備工作，突然間佢轉身走咗。我就見住本身應該輸入我身滴咗落床同地下，我默不作聲。一嚟我真係好討厭一開口，未聽你嘅需求已經畀人閪面。二嚟我怕佢係排啲水嘅氣先咁做。

過咗陣，醫生巡房同我講：「我開咗現階段輸液最強嘅止痛藥畀你㗎啦。」

佢抬頭見到枝止痛藥話就係呢枝，但佢無低頭見到我張濕哂嘅床單同地下，我只可以講：「嗯，明白。」，我都唔想開口好似督個姑娘灰咁。同時間，我又忍唔住諗，點解我可以畀人忽略到呢個地步，忽略到一個要做手術嘅地步，忽略我啱啱做完手術就要逼我郁，逼我坐，忽略到幫張床止痛都唔幫我止痛。個腦開始諗唔明了，荒謬到塞咗。

算啦。

Depression score:10/100(忽略感)

晏啲有人過嚟輸血，我心諗唔係掹下又一條掹下又一條，D3先又輸血即係唔樂觀？蛋白質，鹽水，嗎啡，輸血，坐低三粒痘，封住左右手。尿喉，鼻喉，引流。心電圖，血壓計，血氧儀。仲要泵腳。四條水，三條喉，三條電線，再綁腳，好似一件無形嘅束縛衣著咗係我到。

都算啦。

Depression score:20/100(迷惘)

要抽血唔知係星期日定點，無血姑嚟，派咗個醫生，三針，右手玩到左手。

再有熱心姑娘話要幫我黐返胃喉新嘅鼻貼，無留夠位，黐完個拉力將我無嗰鼻哥窿封咗，作為一個完全嘅鼻呼吸者同脫水狀態嘅人，真係唔想打開個口透氣。

真心，係輪流玩鳩我？

Depression score:25/100(不甘)

探訪時間，我又哭得像個孩子，又嬲到係咁鬧。好難接受到又無咗咁多嘢，仲要畀人咁對待。

我成日話抑鬱好似螞蟻嘅死亡漩渦咁，個訊息素一錯，你就好難逆轉。唔係一句簡單「睇開啲啦」「唔好唔開心啦」「你走出嚟咪得」就出到嚟。因為已經搵唔到領頭嘅個隻螞蟻。

而呢一刻，屬於我嘅死亡漩渦亦逐漸形成。

其實影響唔大

一來你落床行，本身就會拉扯到腹部既傷口，所以行緊時係一定覺得痛 （thats why怕痛既病人手術會唔想落床行，但咁係不利康復，而且缺乏運動會容易令傷口附近既組織出現黏連）

而且拉褲頭係向上扯實，病人既受力位係會陰附近既肌肉，腹部附近既傷口並不太會受力

加油絲打 祝你早日康復

樓主加油

希望你一世行衰運，就算你幾可憐都好都冇人幫你，全家都仆街死

其實真心唔係私家就一定好

quote 到好長啦 唔好quite la

唔好去私院啦真心 你係公立醫院做手術 要私家醫生唔知頭唔知路幫你接手係唔好

希望樓主寫完抒發到情緒
心情會變好

我都係醫院做 事實上有資源嘅話我都知到個個病人一有事即刻照哂CT腸鏡胃鏡就清楚哂 可以即時確診到 避免左你嘅不幸

但現實上根本冇可能咁做 資源就得咁小 但多人排隊到仆街 個個病人都話急要做

同埋廿幾歲你又講唔到到有家族遺傳病 就咁估病人有大腸癌嘅機率真係難過中六合彩 好難即時同你搶到個早期即刻做哂所有野 去照乜鏡乜掃描

醫術幾精湛都好 都要睇你病情愈黎愈嚴重唔對路先發現到有機會大獲野

希望你體諒醫生都係人 係有限嘅資源就更加難做

代其他醫生同你講聲對唔住

啲護士真係閪到爆

班垃圾讀個濕9 cert就番得 完全無認受性

唔想做其實可以唔撈

但佢地出番去無野做到

早晨 樓主
瞓得好唔好呀 ？
今朝心情如何
有冇比人閪面 🌞🌞

瞓得超多
唔知係咪傷口埋緊，個人可以隨瞓著

啱啱醫生話盡量安排下星期做造影檢查
睇吓個駁口仲有無滲漏
要開估有無造口了
少少期待 少少緊張

咁又無咁誇張
現在有醫健通，睇你既醫生會read 到曬你既病歷
以我自己為例，本身有哮喘睇開公立內科，大腸癌手術後隔一年去內科覆診，個醫生用咗超過15分鐘時間睇我個file (包括手術前後、化療期間啲抽血報告)，先再進一步了解我既病況，所以唔知頭唔知路咁接新症已經買少見少

我屌你老母臭閪吖你隻閪品種

訓到就最好
比身體慢慢恢復
先有氣有力

最怕瞓唔到眼光光 等天光

支持

樓主 利申 我係一個小小醫護黎～
千祈唔好怕麻煩/俾人話 而唔同姑娘講/溝通，始終啲藥/鹽水/營養奶都係落係你身上or 啲膠紙痴得舒唔舒服都係你既感覺，當然啦，有時姑娘可能都有佢既諗法e.g 咁樣痴係比較穩唔會甩，但你都可以voice out你既感覺出黎，最重要係大家互相配合，千祈唔好覺得自己係被忽略，其實醫護同病人既互相配合先係對你既情況最好既幫助同處理。
閪口閪面方面，真係要道歉，始終護士都係人，通常前一日2100先放工，第2朝0700又盡時到病房開工，平均瞓得4個鐘又起身返工，，有時真係唔係閪，係晨早起身比較無表情唔好話早餐都未食，人都未瞓醒。一個人平均一轉時間都派成10幾個人既藥，要每行去一個病人度派藥笑面迎人，懷住服務業燦爛既笑容講早晨，真係有時會機械人tone咗千祈唔好因為咁而令自己情緒受影響。
我成日都好想返工可以多啲時間，喂下呀伯喂水都好，所以有時幾派唔切啲藥，我派藥盡量都會幫呀伯倒埋水，同埋喂埋啲腦退化既呀伯
手術後其實真係盡快郁動係同傷口痊癒同埋腸既郁動好好多，你覺得係迫你坐，但其實真係有尼個行動既原因。
醫生抽血方面，係唔係因為你要輸血，所以要配血？配血或者有啲動脈既血想作檢查都一定要實習醫生/醫生做既，姑娘/抽血員都唔可以既。
樓主加油呀，唔好對自己/醫護/香港醫療失去信心呀，個人情緒對於病情都有好大影響，快啲係漩渦度走返出黎喇～

唔通你就係身上掛住個牌叫 易怒體質 既護事姐姐？

樓主冇事吖嘛

保重呀！