【遊記】祼辭獨遊日本35天（名古屋＋關西＋山陽＋對馬島＋北九州）

然後又勁驚碌落去

樓主畏高

支持

DAY 4（15/3）續

行程：間間觀音 ⮕ 大縣神社 ⮕ 田縣神社（豐年祭）

間間觀音同大縣神社都唔近車站，可以選擇搭巴士去到名鐵小牧站，然後搭到田縣神社前站再轉巴士，但係啲巴士班次實在太疏，一兩個鐘先得一班，所以我揀咗最簡單又平嘅方法，行路！

由間間觀音行去小牧站，需時30分鐘！
途中會經過小牧山城，不過興趣不大就冇上到去


30分鐘嘅路程都係平路，都唔算好辛苦，慢慢行其實都好快到


我諗鍾意戰國歷史嘅人嚟名古屋應該好開心，周圍都係戰國景點，就連車站𥚃面嘅觀光案內所都有佢哋嘅嘢賣


最接近大縣神社嘅車站係樂田站


出咗車站冇耐，就會見到大縣神社嘅石柱，你以為差唔多就到？NO～係代表由呢到開始你要行20分鐘先會到


基本上沿住條大直路行就得，行到盡頭就係神社入口啦


大縣神社
主祭神：大縣大神
主要祈求：生育，順產，女性疾病，結緣


據聞係紀元前3年由本宮山頂搬遷到依家嘅位置，而依家嘅神殿係尾張第2代藩主德川光友喺1661年再起出嚟



當中比較出名嘅係裡面嘅攝社姫之宮，祭祀自古以嚟嘅女性守護神-玉比売命，好多女性都會嚟參拜，祈求良緣，求子，安產等等


姫之宮後面有一個水池，可以買張許願紙放喺水池到，然後再放個硬幣喺張紙上面，如果張紙愈快沉到底，代表你嘅願望愈容易實現



喺神社再向上行，就會見到一舊好出名嘅天然奇石


頭先喺間間觀音有女性乳房睇，依到都有女性陰部睇
呢舊外型好似女陰嘅石頭叫姫石，大家去完姫之宮都一定會上埋嚟拜埋呢舊姫石，祈願嘅效果會更大


之後去授與所買咗個御神籤


御朱印GET！


走嗰陣又要行20分鐘去番樂田站

個雪糕waffle好似不錯

DAY 4（15/3）續

行程：間間觀音 ⮕ 大縣神社 ⮕ 田縣神社（豐年祭）

注意：此po含有大量高清無碼J圖

由樂田站搭一個站，就到田縣神社前站


一出站已經見到好多人，跟住佢哋行5分鐘左右就到神社啦


1:30到達入口，因為遊行2:00先開始，預計3:30先嚟到神社，所以仲有時間參拜同周圍影下相先


田縣神社
主祭神：御歳神，玉姫命
主要祈求：五穀豐收，子孫繁榮


創建年不明，但根據記載公元927年已經存在，呢到之所以咁出名，係因為每年3月15號舉行嘅豐年祭，喺祭典上，一班厄運年嘅男子會用神轎抬住由檜木雕刻，寬約60cm、長約2m嘅巨大JJ從御旅所遊行到田縣神社，祈求五穀豐收，萬物成長，多子多福，好多外國人都慕名而來參與呢個「天下奇祭」


另外一個好出名有關JJ嘅祭典，就係神奈川鐵男根祭，將來有機會都想去埋

參拜完本殿，即刻去排隊買御朱印帳先！封面有田縣神社嘅象徵：大JJ！咁特別當然要買啦


御朱印GET！因為今日係豐年祭，所以右下角會多個印仔


然後再入去奧宮參拜，雖然今日係平日，但都好多日本人一家大細嚟



入到第一眼就俾頭頂呢個短小精悍嘅JJ鈴鐺吸引


奧宮中間放咗傳說中嘅「大男茎形」，每年豐年祭都會重新雕刻一條，然後抬住佢去遊行，我估呢條應該係上年嘅？


側邊都放住好多粗幼長短不一嘅木雕JJ


奧宮隔離就係珍寶窟


摸左邊粒蛋蛋可以保佑戀愛成就，得子，安產，夫婦和合；右邊粒蛋蛋就保佑家內安全、生意興隆、金運
我當然兩粒都要啦


繪馬上面同樣都有大JJ



周圍都係奇奇怪怪嘅石頭







神社範圍其實唔大，行完之後就去授與所買御守同御神籤

Lm

Mark低呢個賓周神社先

我都係咁，但一辭職嘅話再搵工就會少好多錢。年紀大身體差驚人唔請

呢間喺榮附近 我都準備去食

LM
犬山城我覺得幾有趣、可以出天守行一圈、有d日本人嚇到唔敢行出去

手震相又幾好

你一路拖住喼 行咁多咪攰死

御朱印帳一本可以蓋幾多個印架？
你係買定啲特色嘅御朱印帳睇心情蓋入是旦一本？

對比之後去嘅其他天守，我覺得犬山城天守嘅體驗係最好

佢保留返原始木造欄杆，又冇整到隔網阻住個景色，而且人流又少，行得舒服又可以輕鬆影到相

我都未check out，個喼仲係酒店喎

御朱印帳通常只會寫單面，一本大約儲到22、23個

除咗第一本外，其他都會特登揀自己鍾意嘅款買

咁平你通常食乜

平時劣食開

偶爾會食餐好嘅，但通常都係去超市解決，最鍾意掃夜晚特價熟食

DAY 4（15/3）續

行程：間間觀音 ⮕ 大縣神社 ⮕ 田縣神社（豐年祭）

注意：此po繼續含有大量高清無碼J圖

嚟到祭典，當然唔少得啲小食攤位啦，行返出神社外圍就會見到


見到呢間多人排諗住實冇死，點解個外層餅皮太過淋pat pat，條腸仔又煎得太耐變到勁硬




然後繼續行，見到呢間賣陶瓷嘅，都整得幾趣緻





呢間係賣唔同顏色嘅JJ棒棒糖，買番條做紀念先


現場見到都唔少人會悉心打扮嚟參加祭典，例如呢條人肉JJ


時間差唔多到3:00，見到本殿前面開始多人聚集，我都即刻衝埋去霸個靚位先，等下等下就見到遊行隊伍慢慢嚟到啦



遊行隊伍嘅前方係一班神職人員吹奏樂器，側邊會有幾位女性捧住一條小小木雕JJ俾圍觀嘅人摸摸，就好似下面張相咁樣，你企得夠前仲可以同佢影相添


緊隨其後嘅就係神橋同埋重頭戲「大男茎形」啦



嗱～人太多嘅關係，雖然我已經舉高個自拍棒影，但係啲相同片嘅角度都麻麻
為咗呈現最好嘅視角俾大家，我搵咗條YouTube新聞片完美記錄當日情況，我們讓專業的來，上片！
我覺得最好睇就係佢哋捧住條大男茎形，然後瘋狂轉圈轉圈哈姆共你
https://youtu.be/SYZzSlFTqDM?si=AUxwGqX_6qNizDb_

3:30左右，當條大男茎形順利到達本殿之後，大家都即刻轉移戰場，準備豐年祭最後一個環節：撒餅


第一次參加呢啲活動，其實唔知點樣玩法，求其攝個位先


等到差唔多時間，主持就會宣布撒餅行動，正！式！開！始！


台上嘅人會分開幾次拋麻糬，每次大概拋1、2分鐘，但係我冇諗過粒麻糬會好似石頭咁硬，有一下俾粒麻糬打中下爬勁痛，痛咗幾日
最後拋咗幾輪，終於係地下執到粒


執咗之後就即刻撤退，唔想再俾麻糬攻擊


見到啲人圍住本殿影相，原來啱啱遊行嘅神橋同大男茎形放咗喺到



開始日落啦，係時候要走了，今日行咗好多路又企咗勁耐，已經好攰
再見啦JJ們


然後搭小牧線再轉名城線去返榮附近


今晚晚餐就係食呢間麺屋 聖啦～
呢間拉麵舖上年喺京都一乘寺食過一次覺得唔錯，見到榮呢到都有分店，再嚟試試先，拉麵湯底有3款可以揀，我揀咗淡竹，係由貝殼類熬製嘅高湯湯底，我覺得好好飲，個人比較鍾意清爽嘅拉麵湯底，重點我覺得叉燒都好好食，比一乘寺分間仲好食


是日甜品，見到勁多ig page介紹


第4日以精美小JJ御守作結～

精美小JJ御守幾多錢

唔記得1000定1200 yen

如果唔係祭典嗰陣去，會唔會少好多JJ睇