【遊記】祼辭獨遊日本35天（名古屋＋關西＋山陽＋對馬島＋北九州）

樓主隻手

朱印撚lm
等抄功課

樓主有冇打算儲百名城印？

DAY 3（14/3）續

行程：針綱神社⮕ 三光稻荷神社 ⮕ 犬山城 ⮕ 犬山城下町 ⮕ 名花之里

由神社出番嚟繼續上斜路，就到犬山城入口處


呢個時候記得拎張換領券去買飛counter換門票



入到去好快就見到犬山城啦，外表睇唔算好大


呢到要除鞋先可以入去，門口職員會俾個膠袋你裝住


唔計地下，成個天守閣總共有4層，主要呈現內部嘅結構，另外仲有少少展品睇下





𥚃面啲樓梯斜到要側住身慢慢行，每一級落差幾大，落樓梯嗰陣行到腳板底好痛，然後又勁驚碌落去


呢個位展示咗日本國寶5城，犬山城係其中之一，另外分別係姬路城，松本城，彥根城，松江城


今次係我第一次上天守閣，本身有畏高，上到嚟真係淆淆地，出面個欄杆勁矮，條路又窄，每行一步地板就會發出咯咯聲，咁啱嗰陣又好大風，有一種隨時會跌落街嘅感覺


但係望出去個view的確唔錯



頂層仲展示咗犬山城歷代城主成瀨家族


成個天守閣其實唔多嘢睇，留咗大半個鐘就走


之後要行番出去觀光案內所買御城印


藍色呢款好似係特別版


買完去犬山城下町用埋張商舖優惠券，可以有3個優惠quota



不過我唔係好肚餓，只係食咗個雪糕waffle同五平餅



呢到個feel同川越差唔多，行完都係3點左右


Bye Bye啦犬山


最後係犬山站搭番去名古屋


犬山嘅行程比我預期中早完成，所以暫時決定去埋名花之里，但因為距離夜晚燈飾嘅仲有一段時間，可以坐低食個下午茶先

我去咗名古屋站嗰間山本屋食味噌烏龍麵，見到好似幾出名咁就想試試，但係食落口…可能唔啱我口味，我覺得麻麻地

有諗過，不過我係旅程嘅後期先發現原來有呢樣嘢，所以放棄算，如果下次去日本就可能再考慮下

記得買左城郭協會出果本書先，我儲左好耐都係得40個，你要加油

其實算幾平
好多人一星期已經過萬

arrrr so jealousss
我岩岩轉左工 小後悔轉工前唔放個長假先

其實如果你多時間 遠啲冇所謂啦

DAY 3（14/3）續

行程：針綱神社⮕ 三光稻荷神社 ⮕ 犬山城 ⮕ 犬山城下町 ⮕ 名花之里

食完嗰奇怪味噌烏龍麵，就出發去名花之里啦

由名古屋站搭近鐵去到長島站，然後出站再轉巴士


落車嗰陣見到靚靚鹹蛋黃
最後回程我都係嚟番呢個巴士站，搭巴士直接出名古屋，不過班次唔多，最好留意番佢嘅時間表


門票2500 yen，當中包含1000 yen嘅現金券俾你園內消費用


𥚃面因應季節會有唔同嘅花花草草睇，仲有餐廳同足湯，不過今日嚟重點係右上角嘅燈飾區


時間未到就喺周圍打個轉影下相先





呢個富士山造型嘅係觀景台，要另外俾錢先可以坐


慢慢開始日落啦，今晚燈飾區嘅入場時間係18:20




時間一到～變成熱門打卡位「光之隧道」


穿過隧道就會見到一大片LED燈同3個金字塔


今年嘅主題係「黃金金字塔」，塔上面嘅動畫都係有關埃及古文明，都幾好睇，我企係到睇咗3次
https://www.youtube.com/watch?v=kgredhpxXbA&list=PLMkIdiBYl6IvDo8nQTM6nomxrSwPaOfCC&index=1




靚


呢張相雖然手震但幾有feel


因為暫時決定嚟呢到，其實今晚著得唔係好夠衫，係到影咗成個鐘頭相開始頂唔順，就慢慢行番出去準備走


沿途見到頭先講過嘅富士山觀望塔升高嗰樣


最後用埋嗰1000 yen現金券，雖然好凍但都買咗個雪糕同一盒手信


返到酒店都9點幾，求其食個杯麵就算

最後分享埋我覺得好得意嘅三文魚壽司糖～第三日完

山本屋味噌烏龍麵真心唔明個吸引位喺邊食完覺得個烏冬質地好硬，個味又唔係突出

御城印覺得一般般
但係通常去城都會搵下有冇紀念幣

前個次先收齊5個國寶城嘅紀念幣

正

反而我去親大路果d神社都見到最少一批香港人係等緊御朱印

Lm

好臭

你係一早訂好晒酒店定玩完一站先訂下間?

我出發前已經book好晒

等睇對馬島，好有興趣

真
我好想儲100名城 & 御朱印 但真係怕一世人都儲唔齊

去神社 少人真係好舒服 慢慢睇介紹d故事
不過一多人就唔想行

留名 想抄樓主行程
黎緊會分開去名古屋 福岡

男人唔搽得？

DAY 4（15/3）

行程：間間觀音 ⮕ 大縣神社 ⮕ 田縣神社（豐年祭）

今日嘅行程喺我plan緊嗰陣已經好期待！就係會去參加田縣神社一年一度嘅豐年祭

日本出名多奇奇怪怪祭典，而豐年祭簡單咁講就係會有一班人捧住一條用木造嘅大JJ遊行，就似呢張相咁


不過佢主要儀式都係晏晝先開始，所以朝早去咗另外兩間寺院同神社先

我今日去嘅三個地方都同性器官有關，希望連仔唔好ban我

美好嘅一天先由早餐開始，今日食蛋糕仔


然後由酒店行去綠洲21嘅高速巴士站搭車，搭半個鐘左右就到第一站：間間觀音

間間觀音（龍音寺）
本尊：千手観音
主要祈求：產乳順利，安產，乳房發育，育兒


創建於1505年，寺院供奉嘅千手觀音，傳說係由弘法大師空海前往大唐前，為祈願日本國運安康而修造



咁點解又關母乳事呢？相傳好耐之前有對新婚夫婦生咗BB，但個老公出trip做生意嗰陣死咗，剩返阿媽同個BB，屋企冇咗收入，親戚又冇人幫手，冇錢冇嘢食自然就冇奶水，有個村民見到兩母子咁慘，就送咗啲米俾佢哋，阿媽就拎住啲米上山去觀音到奉獻，當時阿媽心諗應該都捱唔到好耐㗎啦，所以祈求觀音保佑佢可以死得安樂，點知阿媽落山之後，突然間有番奶水，BB有奶飲自然就變番健康，點知阿媽仲愈嚟愈多奶水，多到要分俾其他村民，自此之後大家都開始向觀音祈求產乳順利


間間觀音係日本唯一庇佑女性乳房嘅寺院，基本上所有關乳房嘅事都可以嚟拜拜，例如想對波大啲，隆胸手術順利，乳房疾病康復等等



既然同乳房有關，寺院𥚃面當然都會見到乳房出現啦
我我我我我有胸部 練練練練練我露





我極度懷疑呢兩棵樹仔都係


繪馬都唔例外



掛繪馬嗰架上面綠色部分都係


呢到買御守係自助形式，自己放錢落錢箱就得，大家要做個誠實嘅人啊



太可愛了，忍唔住買咗兩個


御朱印GET！

得呀 我有話唔得咩