【遊記】祼辭獨遊日本35天（名古屋＋關西＋山陽＋對馬島＋北九州）

係咪伊勢市站附近嗰間我都淨係喺嗰個地方見過

想問下你大約花左幾耐時間plan好行程？我平時plan行程用好耐時間，plan plan下就唔想plan

係呀

前前後後大嘅一個月左右

我自己幾enjoy plan行程呢part㗎，過程中內心好似已經去緊旅行咁

不過我呢次啲景點都係去神社寺廟為主，住同食方面都冇乜要求，所以基本上都唔算難plan，係要諗交通方面點樣順啲啫

限定款嘅御朱印你會點keep?

如果細張嗰啲我會照貼落御朱印帳，大張或者die cut款我就咁搵個folder入起佢

講起keep御朱印，初初儲印嗰陣我冇特別為意，頭兩、三本御朱印帳都就咁放書櫃，暴露係空氣中，但係大家都知香港啲濕尻天氣，過多幾年後就發現幾本御朱印帳裡面發霉，勁傷心

所以建議大家唔好好似我咁傻仔，最好放入個密封嘅儲物箱，或者搵啲可以抽真空嘅袋

神戶、岡山番外篇（神社 / 御守分享）

繼續記錄喺神戶、岡山去過嘅神社寺院同埋買過嘅御守，如果大家有興趣可以mark低將來去，冇興趣嘅大家可以直接skip


54. 生田神社
https://ikutajinja.or.jp
★縁結び守



55. 弓弦羽神社
https://yuzuruha-jinja.jp


56. 湊川神社
https://www.minatogawajinja.or.jp


57. 射楯兵主神社
https://www.sohsha.jp


58. 兵庫縣姫路護國神社
http://www.himeji-gokoku.jp


59. 岡山神社
https://www.okayama-jinjya.or.jp


60. 日本第一熊野神社
https://kumano-jinjya.com
★血清素


★腎上腺素


★過敏防護


★皮膚



61. 阿智神社
https://achi.or.jp

好彩你提一提，即刻放返我本御朱印帳係盒入面

DAY 24（4/4）

行程：岡山 ⮕ 廣島 ⮕ 原爆圓頂屋 ⮕ 和平紀念資料館 ⮕ 和平紀念公園

早餐～


要同岡山說再見了～繼續出發下一站！


Check out之後又要拖住個喼行4、5個字去返岡山JR站


去到現場排隊售票機買飛，但唔知點解出到嚟張飛同以往淺藍色嗰款唔同，一度懷疑自己係咪買錯飛


順利有位坐～補充吓energy先


車程大約40分鐘就到廣島啦


Welcome to Hiroshima！廣島最明顯嘅位就係周圍會見到好多外國人


第一步當然又係去酒店放行李，間酒店近廣島城嗰邊，可以選擇搭路面電車去，不過見天氣幾好而且又唔趕時間，就決定行20分鐘過去


放低個喼之後就出發去原爆嗰邊，我就繼續選擇行路漫步廣島，睇google map就要行25分鐘左右



行到差唔多就會見到HIROSHIMA GATE PARK同埋呢座紙鶴塔


再行前啲就係原爆圓頂館啦～呢到其實已經係我第二次嚟，上一次嚟廣島好可惜唔夠時間入去和平紀念資料館裡面參觀，只能夠好趕時間咁喺公園附近睇吓，所以我一直都mark低咗，如果再嚟廣島嘅話就一定要去埋資料館，今次就算係了咗自己嘅心願


圓頂館呢到會有啲日本人做義務導遊講解，上次嚟都遇到個叔叔好有心咁用英文講解一啲歷史俾我聽


過橋另一邊就係和平紀念公園


喺公園搵個位坐低食少少嘢先，介紹返呢個飛碟麵包係我成個trip試過咁多款口味入面最鍾意嘅！


外層嘅黑糖麵包，加埋入面唔太甜嘅cream，成個配搭好簡單但已經好好食！但係好可惜我剩係見到岡山間Aeon有得買，之後喺其他地方都見唔到了～而家睇返張相都好想再食


抖咗陣就繼續行，嚟到原爆遇難者慰靈碑前面參拜一下先


再行前啲就係資料館，門票都只係200 yen好平


資料館裡面主要係展示關於原子彈爆炸嘅資料同實物，詳細網上都應該有好人分享，我就唔寫啦


裡面真係超多外國人，感覺因為Oppenheimer套電影所以吸引多咗一堆人親自嚟睇返呢段歷史


除咗和平紀念資料館，公園裡面仲有呢個國立廣島原爆死没者追悼平和祈念館，入面嘅內容相對嚟講並唔多，但係可以免費參觀，有時間嘅話大家都可以去睇埋，最後有個放映區會播原爆紀錄片，我坐低睇到喊


睇完原爆嘅歷史之後個人嘅心情會勁沉重，真係會sad sad地，老土啲都講句：希望世界和平


為咗轉換返個心情，就喺附近散吓步賞吓花，我諗喺廣島呢幾日睇到嘅櫻花算係開得最多同密





行到返去圓頂館嘅手信店，竟然發現有原爆呢到嘅紀念印，個樣同御朱印差唔多，即刻買張打卡先


之後就經過本通啲商店街，沿路慢慢行返去酒店check in



經過Lawson買咗個邪惡芝士炸雞食


今次嚟到廣島住嘅酒店係呢間Valie Hotel Hiroshima，單人房13平方米，一切都正正常常


唯獨又係出入要交低條鎖匙有啲麻煩


喺酒店休息咗陣之後就出門口準備夜晚嗰餐


出返本通嗰邊行咗陣，之後求其搵咗間Sukiya食多蔥牛肉飯


食飽行便利店見到呢個台灣鹹豆漿粥，前排我見香港都有得賣，唔知有冇人試過伏唔伏


是日甜品


薯片嚟講，咁多種口味當中我最鍾意就係Pizza味，不過呢隻聲稱食完有背德感嘅冇乜特別


食飽飽又係時候擦牙瞓覺


第24日完！

長崎果個又係勁多鬼佬

行完原爆館個人係shock到反應唔到 歴史係讀過 件事係點都好清楚 但見到實物又唔同感受

真

我最有印象就係啲畫，用可愛畫風畫啲極恐怖嘅畫面，成條河都堆滿晒屍體真係睇到好絕望，睇完成個展要啲時間消化下先得

DAY 25（5/4）

行程：錦帶橋 ⮕ 岩國白蛇館 ⮕ 吉香神社 ⮕ 白山比咩神社 ⮕ 岩國城 ⮕ 吉香公園

早餐～喺日本好鍾意食呢啲通粉沙律，覺得好好食，喺香港就好少機會食到除非自己整


見到7仔有呢啲豆腐棒就買咗條返嚟試吓，但口感又硬又乾，完全唔係我想像中嘅質感


一邊食住早餐，一邊望住對面嘅人返工，即刻諗起「失業真係好Q正」篇潮文



食完就準備出發啦，今日究竟去邊到呢？上次嚟廣島已經去咗宮島，大久野島、尾道，今次就唔想再重複去呢幾個地方，吳市睇船又冇咩興趣，廣島市內除咗原爆之外又冇咩好特別景點，所以最後就揀咗遠少少嘅岩國一日遊


喺廣島站搭山陽本線50分鐘左右就可以到岩國站


跟住要再轉車，出站就會見到巴士站，1號牌就係排去錦帶橋嘅巴士，大概10-20分鐘一班


車程15分鐘左右，落車行前啲就見到錦帶橋啦




行到橋口要買飛先，如果好似我咁打算參觀埋岩國城嘅話，買套票970 yen會抵啲，包埋纜車同岩國城入場卷，記得要keep好張飛，當你回程由另一邊過橋嗰陣會有職員check飛


錦帶橋係日本三大奇橋及名橋之一，五連嘅拱橋造型，就好似一條綿延嘅錦帶橫跨於錦川，橋身長約210公尺、寬5公尺、高6.6公尺，1673年由第三代岩國藩藩主「吉川廣嘉」所建造，當時全橋使用木製材料，並採用複雜嘅組合式建造技法，完全冇用過一根釘，不過由於颱風來襲，錦川洪水暴漲兩度沖毀橋身，經過多次修復嘅成果，而家錦帶橋嘅基樁改用石頭，而橋身仍然保持木製材料


錦帶橋亦都被列為「日本櫻花名所百選」之一，係知名賞花勝地，河岸都種滿櫻花，如果今日天氣再好啲個畫面一定會好靚



望遠啲喺對岸山頂嘅建築物，就係今日其中一個目的地：岩國城！陣間我就要攻上去！


過完橋之後就係商店街範圍，係當時岩國城嘅城下町，有唔同嘅手信店同小食店等，我見呢間雪糕舖有幾多人買就諗住試吓


呢間雪糕出名係因為有成200種口味可以揀，由以前100種之後就逐漸研發而家咁多


望住個menu咁多都唔知點揀好


諗咗陣就求其揀咗呢個人氣Top 1嘅Cleopatra's tears，個名雖然係好特別，但係食落係平時就會食到嘅味，普通到我已經唔記得咗係點


食完雪糕就繼續行，行到纜車站附近就會見到呢座「岩國白蛇資料館」，入去參觀都係要買飛，原價就200 yen，如果你有買套票就160 yen


成個白蛇館其實好細，正常睇吓影吓相我諗15分鐘左右都行完，裡面展示咗白蛇嘅歷史同生態資料，最值得入去睇嘅就係當地保育飼養活生生嘅白蛇


呢個corner有上年9月出世嘅雙胞胎小白蛇，官方仲好有心咁幫佢哋改咗個名，分別叫「ララ」「ブブ」，ラブ兩個夾埋嘅發音就係「Love」，仲話如果見到佢哋頭上嘅心型印記就可以提升戀愛運


但我望咗好耐都搵唔到個心喺邊到


之後就俾佢嗰樣吸引住，細細粒又幾得意



然後隔離就有幾條大白蛇啦，話就話係白蛇，但唔知點解呢幾條望落去都係偏黃色


岩國白蛇係岩國市所存育嘅獨特白蛇，1972年被指定為國家天然記念物，係世界上極為罕見嘅寶貴生物，佢地本身都係日本錦蛇，因為身體出現了白化現象而導致渾身變為白色，白化現象一般都只限於一代嘅基因異常，不過因為岩國白蛇嘅形態特徵係遺傳嘅，所以keep住出世嘅都係白蛇，佢哋全身散發出白色光澤，紅色嘅眼睛就好似紅寶石咁，性情非常溫順，而且無毒唔會對人造成任何傷害㗎


白蛇嘅起源仲未係好明確，岩國市最早有白蛇目擊嘅史料紀錄係喺1738年，當時好多米倉發現以老鼠為食物嘅白蛇，之後喺江戶時代都一直喺關於白蛇在岩國出沒嘅紀錄，自此之後就被當地居民視為神聖嘅生物，象徵旺財開運，並崇敬白蛇為「神的使者」，非常珍視而且加以保護


可惜近年來因為棲息地區逐漸都市化，而且當成食物嘅老鼠等動物群體都發生變化，令到野生白蛇棲息數逐漸減少，有見及此，岩國市成立咗白蛇保存會去負責繁殖同保育活動，以人工方式飼育白蛇，不斷維持佢哋嘅白化血統，對外繼續就致力推廣白蛇俾更多人認識


最後會有個手信區，除咗一般啲公仔鎖匙扣之外，仲會有御守賣，我就買咗呢好特別嘅「白蛇蛻皮御守」，裡面真係有塊蛇皮㗎，我放咗落銀包到，希望白蛇大人可以保佑我有多啲錢錢


如果大家仲想睇白蛇，喺「岩國白蛇神社」裡面都有得睇，我本身都想去㗎，但交通上有啲麻煩就放棄咗


佢嘅白蛇籤都好cute cute～

推

推

長崎個原爆館其實睇完個人係沉左一沉

題外話：琴日行左四國嘅金刀比羅宮
未行過一間神社由最底到本殿要行成800級樓梯

基本上就係行過最惡頂嘅神社 沒有之一 仲惡頂過江之島個上斜

追到間間觀音，估唔到有個咁嘅觀音

我有frd去過，佢都話行到好辛苦

Haha
仲有一間同乳房有關嘅寺廟之前去過

喺大阪四天王寺，裡面有間好細嘅布袋堂
都係可以祈求胸部健康、母乳充足之類


最特別就係呢個「御乳守」，係一對心型嘅胸墊，可以攝入去胸圍到，全天候保佑你嘅胸部

留名

如果你要行入奧宮，麻煩行多同樣級數
最撚麻煩係落電車要行多一段路先去到參道起點
未開始已經打左80大板先
個難度係誇張到係下面已經有一碌碌竹可以借，我就冇借到（要錢）

前半段都仲可以補給下，停係中間抖下
後面係癲到連續50級一個stage
琴日仲要熱到死，唔係下面有水買一早中暑
行呢個真係要當行山咁行

真係好少去搵呢啲咁特別嘅寺廟/地方

睇字都覺得辛苦
最後total行咗幾耐？

自從行過熊野就知道行山竹嘅重要性，以後見到就會拎咗先

正常吖，日本咁多神社寺廟，應該好似我咁好鍾意嘅先會特登去搵

我只係行到本宮（因為上奧宮條路封左）
因為算急行軍，由最底行上去大約半個鐘

如果一般步速應該會接近9個字