網絡小說集中討論區<28>

1001 回覆
8 Like 2 Dislike
2024-06-05 23:12:41
同作為青黨，Ching同我諗法一模一樣。我都係睇到嗰段覺得好難受。
而且天然雖然係比未來天然誘導，但以佢智商冇理由唔知咁做嘅後果。其實心底裏佢就係唔捨得阿涼。唱歌嗰陣逃避咗一次已經係佢嘅極限。
不過我覺得睇埋落去會有唔同嘅諗法，特別係第五六卷，成本書嘅精髓嚟。一二卷係帶你入去個世界，三四卷係同你講個世界其實係會好殘酷，第五六卷就係講咩叫救贖。特別係最後，
我於地獄見觀音，我睇完真係惆悵好耐好耐，又覺得作者已經處理得好完美。
2024-06-06 01:31:38
唔係 突然醒起好似係偷天
2024-06-06 11:57:49
仲未改番大乖期才有逆襲系統
2024-06-06 12:09:38
屌
真係無為意打錯字
2024-06-06 12:23:49
反而幾欣賞佢巧妙咁處理一堆舊日支配者或者邪神嘅打鬥
克蘇魯最難寫其中一part係一堆不可名狀嘅邪神點戰鬥
2024-06-06 13:05:55
而家玩cyberpunk真係完美話畀大家聽 咩先係真正痴撚咗線嘅cyberpunk
仲要大條道理玩唔知咩記憶先係真
由頭到尾都要疑神疑鬼
呢次真係媽我真的分不清
2024-06-06 21:05:53
我卡咗喺前面虐嗰part，因為個主角好乞人憎（好似係睇佢亂咁凌辱人？唔係批判佢呢種行為，畢竟睇緊黑暗文，而係單純覺得個主角似個心理扭曲嘅屁孩）冇睇落去，可唔可以講下後面精彩喺邊等我有d動力
感覺黑暗文主角我都係鍾意蠱真人嗰d絕對理智，能忍常人所不能嗰種形象
2024-06-06 21:08:08
月經post：請問叩問仙道離開左嗰個玩神降嘅世界之後第一個高潮完未想養到完咗高潮先睇
2024-06-06 21:46:30
完咗
而家準備第2個高潮
2024-06-06 21:47:03
thx今個星期六日一追曬佢
2024-06-07 00:29:11
分享下十幾年書蟲超長書單。呢份書單非常非常主觀，同梯隊中排名按書名字數排列。對小弟嚟講，睇咗咁多年網絡小說，文筆情節已經唔係最吸引嘅嘢，所以我比較看重作者係咪言之有物唔係純爽文，或者有好出色嘅人物塑造可以令我記住書中嘅人物。當然，有奇思妙想嘅創意都好加分。另外，呢份書單小弟儲咗好多年，後生啲嗰陣睇同依家睇嘅角度又有啲唔同，所以就算同梯隊都會有少少參差嘅問題，有時間我會再執。有部分書可能爛尾/太監，或者連載中。睇到完本嘅書我會用黃色Mark低。有啲出名嘅書或者唔係太出色嘅我就唔寫短評了，有興趣可以再問我


神作
我會擺我覺得可以一睇再睇百看不厭嘅書，或者有極為出色嘅人物塑造，好似真實存在咁，又或者睇得出作者唔止寫緊網文，而係表達緊思想。

蠱真人
言之有物、百看不厭、深刻人物、百看不厭，全部都可以用嚟形容呢本書。唔止我一個推薦過了，不多贅述。

藍白社
魔性滄月嘅藍白社三部曲最後一部，但就咁單獨拎出嚟睇都係好出色嘅故仔。呢本書參考咗SCP嘅設定，主角擁有「射」嘅超能力。基本上係睇主角點樣將一個好基本嘅能力玩到出神入化去同唔同SCP鬥。故事結構完整，如果睇埋前兩部曲會更有印象。

夜行駭客
Cyberpunk風格入面非常出色嘅書。睇嗰陣一路唔敢想象呢本書係喺上面寫，果不其然最後作者因為某種不可抗力嘅因素而喺一個位被迫收筆。但縱使咁樣，仍無阻我對呢本書嘅高評價。頭30章好毒，但頂過咗你會比佢完整嘅世界觀所驚歎。主角表面對付嘅係銀行狗，實質句句控訴緊社會，歌頌自由意志。熱血嘅位令我起曬雞皮，久久不能忘懷。

超人來襲
日常搞笑超能力類。三十二變呢個作者文筆一向算唔上好，甚至係淺陋，但我好欣賞佢作品中流露嘅市井氣息。裡面嘅人都係小人物，有時短視自私賤賤哋，但有啲位又淳樸大方。輕鬆日常之中，我最欣賞係主角同青梅竹馬真摯嘅感情。寫一般人嚟講，真係好出色。

老婆請安分
花還未開時間三部曲第一部。甜，甜到糖尿嘅甜。女主角重生逆追男主角。99%純糖。喂，咁點解神作啊？文筆太好了。而且人物塑造近乎完美。睇呢本嗰陣一路忍唔住姨母笑。

末日拼圖遊戲
故事大概講失去情緒嘅主角穿越咗去未來末世，而怪物就係負面情緒嘅集結，但最可怕嘅係人。耳目一新嘅創意，言之有物嘅劇情。作者擅長寫人同寫伏筆，每次填坑嗰陣我都不禁驚歎。可惜作者一路寫一路諗大綱，但就算係咁都救得返本書，一流之作。

網遊之射破蒼穹
嗱，呢本書嘅文筆情節就一般爽文級數架啦，但人物塑造簡直係我睇過嘅書入面絕對第一！！網遊類甚至所有書入面唯一一本我翻睇過七次以上嘅書，除咗內容搞笑之外，入面所有人物都有種特色嘅賤，就好似你真實打機會遇到嘅人咁。課金戰士、賤人、臭口狗、貪錢妹、男仔頭、天然呆，你好少喺其他書會見到呢啲充滿刻板印象又無比真實嘅人。如果一世只可以睇一本網絡小說解悶，我毫無疑問會揀呢本。

我的女友來自未來！
多謝連登我先會睇呢本書，個名完全吸引唔到我睇。書評可以睇返我之前嘅comment。作者發糖同落刀狠到可怕，肆意玩弄讀者情緒。聽講作者係職業編劇，所以故事架構非常完整。單講前三卷玩時間線已經不得了，後三卷玩因果更係歎為觀止。依家連載緊嘅第七卷有少少跌watt但算係DLC可以唔睇，單論前六卷足以封神。另一個我好欣賞嘅點係作者用好多歌貫穿故事，選曲品味好好，呢排返工都係聽佢個playlist。

大乘期才有逆襲系統
輕鬆向無敵流爽文<-- 呢個評價只係佢嘅包裝，真正令我驚訝嘅係入面穿插嘅哲學詰問，反差好大嘅書。中意睇爽文嘅，呢本書可以滿足你對無敵流嘅需求；中意睇深度嘅，更加要睇，反正我睇完充滿啟發。

不許沒收我的人籍
如果話大乘期係東方玄幻無敵爽文包裝嘅哲學小說，咁呢本就係西幻版嘅大乘期。除咗哲學概念，作者仲放咗唔少心理學知識同溝通技巧。當然，作為輕小說，感情線嘅描寫都係無可挑剔。作者輕鬆幽默中意玩梗，而且文筆極佳，遣詞用句同描寫手法都睇得非常舒服，所以成為唯一一本仲連載中就比我放入神作嘅書。


仙草
同神作類似，但冇咁衝擊。一般放喺呢度嘅書都有有極強追看性，好容易入精神時光屋。

靈境行者
詭秘之主
爛柯棋緣
怪談玩家
規則類怪談優秀之作，後面收尾收得少亂，但瑕不掩瑜。

大奉打更人
腦洞大爆炸
魔性滄月藍白社第二部。比上一本探索咗更多可能性。創意十足。

生活系遊戲
都市煮食系統文。寫嘢食固然好睇，但每道菜背後嘅故事更為吸引。溫暖嘅好書。

修真聊天群
修真四萬年
超神機械師
第四天災流始祖。

誰讓他修仙的！
超級基因優化液
唯一一個我會擺呢本喺度嘅原因就係作者同主角一樣咁偏執。劍走偏鋒嘅極致。情節依家睇會有啲毒，但主角嘅個性令我印象深刻。

八零後少林方丈
武俠系統流。非常老嘅書。非常罕有主角係和尚嘅書，但唔代表冇感情線喎。有趣。

從前有座靈劍山
輕鬆，雖然少少爛尾。玩梗同腦洞唔錯，人物塑造更唔錯。推薦。

我有一座恐怖屋
非人類基因統合體
魔性滄月藍白社三部曲第一部。作為第一部文筆同劇情都係好但未到優秀，真正令我驚艷係最後結局嘅創意，拍案叫絕。

瘋巫妖的實驗日志
第一人稱嘅書，少見。世界觀好完整。追看性高，充滿伏筆嘅西幻。推薦。

我家老婆來自一千年前
花還未開時間三部曲第二部。比上一本冇咁重甜，但人物成長更明顯了。主線出色，後日談更係巔峰。好中意後面百年一瞬嘅寫法，人生精彩其實只在幾個moment。

我的師兄實在太穩健了
洪荒流。好想放入神作但差少少。穩健貫穿成本書。睇完之後我做嘢都小心咗好多

異聞錄 每晚一個離奇故事
小弟嘅網絡小說啟蒙之作。本來以為係一個個單元嘅奇幻故仔好似奇幻潮咁，但原來又隱藏咗條主線喎。以依家嚟睇都唔落伍。

他們越反對，越是說明我做對了
超級腦洞，超級好笑，睇到我喺巴士到笑到on9。唯一缺點係太少字:(
2024-06-07 00:30:14
屌，爆咗字淨低嗰啲擺呢度

糧草
當時對我嚟講有追看性，但有各種瑕疵令我放唔到佢上神作，有啲睇睇下會悶，要換書轉口味嘅我就擺呢度。

道君
黎明之劫
花還未開時間三部曲系列最後一部。如果唔係大綱有啲混亂同篇幅相對短，我會放入仙草。

最佳導演
電影文抄公。但後面魔改電影反而令我驚喜。中意主角同唔同荷里活影星嘅互動。

通幽大聖
武神無敵
打得爽。

星諜世家
未來間諜文。罕有，有潛力。未睇曬，觀望中。

陣問長生
好睇，但太慢。

速通修仙！
戰國趙為王
萬界圓夢師
腦洞作。

修真界敗類
超級神基因
我本無意成仙
箱子裡的大明
三十二變久違新書。未睇曬，完咗可能會放去仙草區。觀望中。

萌娘武俠世界
都係三十二變。綜合武俠同人，娘化嘅唔同武俠經典主角令我眼前一亮。推薦。

世界樹的遊戲
西幻第四天災。中意北歐神話可以睇。

超級基因裝甲

我們是妖怪
花還未開新作。觀望中。

我能提取熟練度
武俠網遊爽文。人物幾cute。

重生之魔教教主
打得好爽。

武俠世界大冒險
全能遊戲設計師
遊戲文抄公。唔錯嘅。

重生之神級敗家子
紅極一時揮金如土，印象中有趣，不過好似換電話冇睇曬。

我的屬性修行人生
網遊之我是武學家
功夫玩西幻網遊，男一食力男二食腦，其他配角各有特色。最中意反而唔係本書本身，雖然都好睇，但作者寫過一個單章描述佢舊友（放咗入書嘅一個角色）嘅事令我印象好深刻。

英雄聯盟之誰與爭鋒
虧成首富從遊戲開始
揮金如土整game，唔錯。


雜糧
大部分都係睇過但冇睇曬/對本書冇乜印象/瑕疵大到印象深刻，總之係垃圾堆。但係咪全毒又唔係，都有部分佳作，總之慎選。

獵國
重生成神
第一本睇嘅網絡小說。毒，但留作紀念。

星街使徒
屌，太監。不過前面好睇。

近戰法師
神級反派
無限流爽文。很黃很暴力。

黎明之劍
罪惡之城
餘燼之銃
貴族紋章
儒道至聖
英雄監獄
作者中間重病斷更一段時間，所以冇追。印象中幾好睇。

第一序列
如意小郎君
主角獵殺者
超魔構築師
超神建模師
印象唔錯。

萌娘西遊記
放開那個女巫
印象唔錯。

我的細胞監獄
中後段頂唔順，設定有趣嘅。

萌娘三國演義
網遊之金剛不壞
網遊之我是武學家後傳。

網遊之冰龍戰士
帶著倉庫到大明
網遊之倒行逆施
網遊之代練傳說
依家睇少毒。嗰陣睇幾好笑。

爐石之末日降臨
學霸的黑科技系統
好多科學名詞。

瘋騎士的宇宙時代
瘋巫妖第二部，好似太監。

甚麼叫一流救世主啊
模擬器流。有創意。

超級反派的自我修養
未睇曬。其實唔錯。

未來世界超級星聯網絡
雙城之我在皮城做機甲
這個錦衣衛明明超強卻過分劃水
2024-06-07 02:08:46
邊度對唔上
主角性格唔同 佢當然係用另一套標準去做事
要用番舊果套標準咁換主角jm9?
佢寫得唔好係一回事
你罵得唔好係你既問題
連佢有咩問題都講唔好 教人點樣寫比較好
2024-06-07 02:22:48
異獸岩睇完
雖然佢個尾真係好撚爛
但到死獸都係一本好書
世界觀唔錯
但我覺得本書既重點係對每個角色都寫得好立體
隨便一個有戲份既角色
你到完場睇到個名可能都會記得佢係邊個
每個角色既行為都對得住佢個身份同性格
最撚憎反派一對到主角就降智既書
咩門派長老但一睇就知智能不足唔知點解做到長老果種
係異獸入面既角色行為都真係有用腦
排除個尾水準真係幾好下
2024-06-07 02:56:23
乜原來D8完左本啦
有冇道心堅固的道友講述下點打開有趣d
2024-06-07 03:00:32
上面分享書單位ching下次可以開4重加密就唔會驚金鋼棒搞到我唔敢引用你

ching好犀利 仲記得咁多書
我好多睇完都無晒記憶
2024-06-07 06:12:04
我本身都有諗過四重加密，但可能有啲書友冇連登ac，我都想照share俾佢哋
你見我擺最後嗰堆都冇乜記憶，係摷返以前同朋友傾偈啲紀錄同埋自己個書庫。其實計落應該仲有多啲，但轉電話或者個以前用嘅app死咗之後就搵唔返了同質化嗰堆真係真係會冇乜記憶，所以掉轉嚟講記得嗰啲通常都唔錯
2024-06-07 07:17:55
好多回憶有啲睇完都唔記得
2024-06-07 08:51:00
個尾真係敗筆
講真人類個共同目標都係開門
理應開門後劇情會再整一波高潮收尾
點知開門之睇到大家一一頭霧水
2024-06-07 14:28:43
唔知算唔算網絡小說
但想推一波 英雄志
雖然到依家都未埋尾
但無可否認四主角嘅武俠真係寫得幾好睇
想問孫曉過身前會唔會出到完本
2024-06-07 19:07:30
睇到化凡停左，後面好唔好睇
2024-06-08 00:23:15
上次推果本飲食男女好似冇咩人鐘意，都冇人覆我
不過唔緊要，飲食男女是佳作，但未到神作

今日，繼我的女友來自未來、陣問長生、間客後，又搵到一本神作介紹比大家
就是「不是吧君子也防」
呢本書最特別應該是女作者(不確定)寫的男頻後宮書，寫得非常好，神!
如果你鐘意睇我本無意成仙的文筆節奏風格，你會鐘意睇
如果你唔鐘意睇我本無意成仙的狀似郊遊般既劇情，你會鐘意睇
如果你鐘意睇姬叉寫的後宮，你會鐘意睇
如果你唔鐘意睇姬叉寫後宮的流女帳油膩感，你會鐘意睇
我自己覺得呢部書是結合「我本無意成仙」同「姬叉」優點的高級升華版清新脫俗後宮劇情文，有劇情、有打鬥、有智鬥、有後宮

故事大約是主角穿越去一個異世界的古代做官，之後發生的事，故事我唔細講介紹，信得過我口味可以直接開波，頭20章鋪排可能小悶，撐一下後面神作。

呢本書能夠比我稱得上神，除了文筆，故事、背景優秀外，清新脫俗風格既後宮劇情文亦是令人眼前一亮，而且後宮的「情」亦是刻寫得很好，沒有油膩狗血的後宮「情」，卻有清新細膩的女人「心」

我的女友來自未來、陣問長生、間客三者各有不同的「情」吸引我，配合種種稱得上神作，我終歸覺得「情」是神書的歸宿，呢本書都一樣，我好鐘意，推薦大家入坑。

頭盔: 睇左一半，後面有冇爛尾唔知
2024-06-08 01:24:22
陣問長生係咪會出幾千章？
2024-06-08 10:38:48
人籍同誰讓他修仙的真係好正
2024-06-08 10:44:06
射破蒼穹真係正，我睇咗好多次
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞