想離婚、離緊婚、離咗婚、過來人傾下計好嗎

除咗性生活不爽（有樓供有個女），諗唔到離婚理由（出面有偷食）

可唔可以望多次個主題講啲乜？
大部人入嚟都好正常講自己嘅慘況

入嚟曬命做乜鳩呢？
咁得閒出去搵份工啦
攞存在感嘅人一律block曬佢

睇開d ， 我自己唔快樂，我唔會希望全世界都唔快樂
佢鍾意曬命，就曬命啦，唔好理佢

咁你做咩仲覆我唔block我呀？

唔怪得你離婚啦
諗嘢又負面又冇邏輯
心情唔好就拎其他人嚟發洩
又要所有人配合你，樓主都未出聲得你懶正義咁叫人剩係入嚟屌自己另一半
仲要冇自知之明，覺得自己最慘最無辜最不幸

都係嗰句，有病去睇醫生啦
希望你個女遠離你唔好學埋晒你啲衰嘢

唔好理其他戇鳩仔，有乜唔開心上嚟講好過屈埋屈埋

入黎就係唔好？
都可以係引以為戒既
我就係咁

大家各抒己見唔需要嗌交
試問有邊個人嘅性格係冇缺陷
悲觀係錯樂觀都可以係錯
都係其他人嘅諗法啫

結婚係衝動，離婚都係衝動
唔敢代表所有男人，但起碼對我嚟講係
結婚前我哋拍拖好多年，我盡力令到自己有衝動去結婚
結果我做到，成個過程大家都好開心

多年後嘅今日，我要壓制住我自己嘅衝動
對我而言，離婚後再搵過另一個，再搵幸福係唔實際
我心底想離婚，但理智話俾自己知唔應該離婚

都見到有同路人有同樣嘅想法
搵到啲人有共鳴

離婚同分手本質上冇分別，只係多咗一張婚書，所以做多個離婚手續

分手可以喺其中一方錯、雙方有錯或者雙方都冇錯，唔可以一概而論

拍拖三五七年都唔一定睇得清一個人，更何況人會變，結婚前可以一個樣，結婚後可以另一個樣。生仔前係咁，生仔後可以唔係咁

樓上有人講耐性個回覆好有道理
多謝

所以要廢除婚姻呢個制度，或者下一代真係唔好進入婚姻，太多前人中過伏

啱啊，之前衝動結婚，而家想離婚又唔知點開口，最驚情緒勒索。遲遲都唔知咩時機開口講,拖得愈耐，對大家都唔好。真系好煩

結婚係衝動，離婚係理性

結婚同離婚都應該係理性
根本結婚只係legal liabilities + legal rights
同愛情冇關係

我自己就小朋友好細個就離左，前夫pk一件唔離留黎唔知做乜。
我另一個朋友就同另一半已幾年冇講野，只會必要時WhatsApp 溝通小朋友嘅事。為小朋友仲一齊生活，會有family day有親戚gathering,但兩公婆依舊唔講野，小朋友開始慢慢大，會問老豆點解咁少同媽媽講野，朋友話直到小朋友長大先會諗離婚因為驚而家離對細路唔好其實咁嘅環境對小朋友成長亦係奇怪

我對男方的所有說法有偏見
我懷疑你嘅講法唔係事實嘅全部
我相信佢行為係真嘅，但係行為背後嘅原因你冇講

佢未必係有偏見，可以只係唔了解對方

想問有無巴打知，如果雙方傾好哂同意離婚
網上約家事法庭永世無位，應該點交共同申請書

我最近下午試左網上book突然執死雞有個位就去交左, i之前都係日日無位.但共同申請要兩個人去, 以後做咩都要兩個人. 如果單方遞就可以有一方唔洗出現, 呢個係朋友教.

上次去遞時, 聽到話可以即日去排籌, 但職員話要上午八點半前.

上到去, 真係好感嘆, 原來真係咁多人離婚.

記住帶一張實體八達通, 佢要你即場影印一份文件, 要塞張實體八達通入去比錢.

分清楚愛情同感情

耐左，愛情係好易會變淡
但感情會濃左

同埋唔好咁自私
諗多啲對方
好多時對方付出左但自己只係睇到自己既付出

其實我講緊我自己

想知係咩年齡層既人多？

都知道香港多人離婚，但冇諗過仲多過回鄉證
好黐線

今日我上左去
我見到後生到老人家都有

其實身邊真係唔太覺有人搞離婚
但係聽你哋講申請離婚都full曬booking

即係共同申請書簽哂名都係要2個人一齊交？
我仲諗住話簽好哂，是但一方交就得