見好多人屌AI 果PART係劇本
其實打開個保險箱直接送pieces都唔過份啦
佢已經加左隻game 黎增加難度
睇唔到顏色又加一個難度
大佬,唔係仲要求個 AI 要高難度到無敵咁呀嘛?
錫辰已經係高智商果批黎
要將AI設計到贏到錫辰先至唔係劇本?
唔洗玩啦咁。
佢真係想做一輸一贏既效果,完全可以叫錫辰思源兩個互打(其實咁樣仲"魔鬼"有戲劇效果有討論度)
我覺得節目組整人機就係本身設定左所有人都有可以贏既機會
思源輸,係因為冇時間冇心理準備
加上佢本身個人能力唔係話超勁
睇之前d 比賽都知,佢好依賴隊友一齊比信心佢
輸左好正常
錫辰估到規則,做晒模擬,有晒時間方向諗到拎黃棋進攻
加上隊友輸左,令佢覺得自己更加要好好表現既果種壓力,種種加持下,成功捉到 AI bug,贏左好唔光彩咩?
如果真係要假想到AI 設定= 無敵
咁其實冇人可以贏到,咁仲比黎做咩
成功解開節目最大秘密既保險箱,然後迎接100%死亡率?